سما حاضر بس عملت اللى فوق بس

رشا وام يوسف يا مرحبا

ايش الهرجة؟؟؟؟؟؟؟؟؟

http://forum.hawaaworld.com/showthread.php?t=1619327

السلام عليكم

اية اخبار ال حلوين القمرين الجميلين العسلييييييين؟؟؟؟؟؟؟؟؟؟؟


بسجل حضور

وهقرا اللى فات وارجع تانىىىىىىىىىىىىى

صباح الخير
اللهم صل وسلم وبارك على سيدنا محمد
وابعثه اللهم المقام المحمود الذى وعدته انك لا تخلف الميعاد
صباح الخير على كل البنات
كالعادة بعد كل مشاركة ليه اختفاء...قربت اقرر بجد ما اضايقكمش اكتر من كده



بصى يا أم يوسف يا قمراية زى ما قلت فى ردودى اللى فاتت ،،،،،موضوع الجواز التانى ده موضوع شائك جدا وغير مفضل لأى ست بتحب جوزها أو حتى مش بتحبه كمان .. بل بالعكس قالوها زمان..جوازته ولا جنازته
وأنا كنت زيك كده باقاوح وأقول كل ما الموضوع يتفتح لا لازم تكون مراته عيانة أو مش بتخلف زى ما قلتى كده بالضبط ، لكن بالبحث أكتر فى الموضوع لقيت ان مفيش شرط معين "شرعااااا" للزواج التانى ..اتصدمت زيك وزى اى ست فعلا ووضحت كده فى مشاركتى اللى فاتت بس فيه حاجات كتير ، مش لازم توفق عقلى وعقلك فى تشريع ربنا عشان نوافق عليها وتعجبنا..فاهمانى مش كده؟ وطبعا كل اللى قولتيه انتى ونايس وكمان رشا واللى تحفظوا اصلا بعدم الرد لانهم شايفين كلامى اوفر..والله ده مش كلامى ده شرع ربنا...وقصة ان مش معقول يتجوز عشان شهوته...طيب بصوا حواليكم لأى واحد اتجوز تانى...الهدف الأساسى كان ايه؟ يعملوا ماستر فى الفلسفة اليونانية مثلا ولا ايه؟..تكوين الراجل كده ربنا خلقه كده...
أنا يمكن دخلت الموضوع أو فتحته من باب غلط...انا قلت اللى قلته فى النقطة دى عشان نبتدى نفوق لنفسنا..الرجالة كووووووولهم بالطبيعة دى..بس مش كلهم بيستجيب لها...كده وضحت أكتر؟
وبعدين الحل قالته ماما زوزو وعروس فى الكلام قبلى
اللى عايزة تحتفظ بزوجها لها هى وفقط لازم تكون شاطرة و مختلفة دايما
كل يوم نيولوك مش بس شكلا
شوية تبقى طيبة وشوية نوتى
شوية مثقفة وشوية عبيطة" بيموتوا هم انهم يحسوا انهم علماء الكرة الأرضية..هههه"
شوية تخينة وشوية رفيعة..دى لا ......وسعت منى شوية مش كده ؟
شوية ليدى وشوية تحت رجليه....
لما أقبل بطبيعة اللى قدامى هاعرف أتعامل معاه ، ده كان قصدى من إثارة الموضوع
واحدة مثلا جوزها بيحب الأكل ..كل ما تعمله اصناف حلوة يحس انها بتقدره...يلا عيشى فى المطبخ
عارفة لو قالت صحتك..وبعد فترة سنك...هتبقى الوحشة اللى مش فاهماه ولا حاسة بيه
وكمان الزوج اتربى ازاى دى بتفرق جدا
صورة أول كابلز فى حياته كانوا ممته وباباه..ايه الصورة الأولى اللى عنده؟
التربية على احترام المرأة بشكل عام فى شكل ممتى وأختى وزميلتى فى المدرسة والجامعةوبعدها مراتى
كام ام بتنصح ابنها انه يعامل مراته كويس ؟
الموضوع كبير يعنى
وعموما لو كلامى ضايق حد خلاص ..ممكن كل حد يفضل متشبث بأفكاره ..بس نحاول نشوف هل لها مرجع دينى ولا لا..مش هو دستورنا فى الحياه كلام ربنا وسنة رسوله..صلى الله عليه وسلم

يعى انا نفسى قلت انى انا مش قابلة ده على نفسى..لكن دى حاجة وكون انه شرعا جائز حاجة تانية خالص
وعلى فكرة دى مش خناقة...احنا كبرنا وعقلنا خلاص على كده فى الملف أنا بس بارد على اللى ردوا عليا
واوعوا حد يفكر يزعل..وقد اعذر من بنجر

لميااااااا.ايه الشطارة دى ...والله نشطتينى ..اروح اشوف حاجة اعملها
عروس....ليا كتير ما ضحكتش كدا والله...ربنا يكرمك يا رب كل ما اتخيلشعرك ووشك وكمان وقعتى...الف سلامة يا جميلة
سما وهايا وام يوسف صباحكم فل ان شاء الله
افتكرت امبارح ..فطوم.ونوشا ومادو ونانا هم فين؟
باقى البنات حاضرات وغائبات طمنونا عليكم



سما وروشانا وأم مريم وكل البنات صباح الخير