احب انضم ليكم يا ريت تقبلونى بينكم

انا ام سهيلة و ردينة
معايا بكالوريوس تجارة كنت بشتغل قبل الجواز و الان طبعا قعدة عشان الهوانم الصغيرين و كمان الصراحة اخدت على قعدة البيت بس اهو بحاول اعمل اى حاجة من البيت كدا على الخفيف

منقبة و الحمد لله من سنة و نصف
و قعدت عشان البس النقاب اقرا فى كل المنتديات عن شرعيتة و فية ناس مئيدينة و ناس لا
المهم الحمد لله لبساة عن اقتناع كاااااااامل و لله الحمد

حياتى بعدة اتغيرت تماما الحمد لله التزامت بالسنن و قراءة القران
و اقولكم على سورة كمان غيرت مجرى حياتى و الله
سورة الواقعة
بحبها جداااا و الحمد لله من ساعة ما داومت على قرائتها كتير من امورى المالية انحلت و تيسرت

ان شاء الله اكون خفيفة عليكم يا رب

الف شكر لكل اللي رحب بيه وسلم عليه ويا ريت فعلا نكون دايما صحبة خير ونساعد بعض لاني بصراحه فعلا كل لما اتحمس لحاجه وابدا اعملهاما داومش عليها وارجع اكسل من الاول ويا ريت نضيف علي الاستغفار الصلاه علي الرسول صلي الله عليه وسلم
قال رسول الله صلى الله عليه وآله وسلم :- 'من صلى علي في يوم ألف صلاة
لم يمت حتى يبشر بالجنه'
وقال صلى الله عليه وآله وسلم :-'من صلى علي في يوم مائة مرة قضى الله
له مائة حاجة :سبعين منها لآخرته وثلاثين منها لدنياه '
وقال صلى الله عليه وآله وسلم :-'من صلى على حين يصبح عشرا وحين يمسى
عشرا أدركته شفاعتي يوم القيامة '
وقال صلى الله عليه وآله وسلم :-'من صلى علي واحدة صلى الله عليه عشر
صلوات وحط عنه عشر خطيئات ورفع له عشر درجات '
وقال صلى الله عليه وآله وسلم :- 'ما من أحد يسلم علي إلا رد الله علي روحي حتى أرد عليه السلام'
وقال صلى الله عليه وآله وسلم:- 'إن أولى
الناس بي يوم القيامة أكثرهم علي صلاة '

السلام عليكم ورحمة الله وبركاته
كل البنات منوره وفى اسماء جديده معانا منورين ويارب يستمروا
ام البنات ربنا يشفى والدك ويجعله فى ميزان حسناته هو صابر على المرض فاجره عظيم ان شاء الله
مرمر ولا تزعلى كلنا بنسال عليكى وربنا يكمل لك على خير
زوجه مصريه انتى بتقرى افكارى انا كنت بدور على الكتاب
ده وجزاك الله خيرا وربنا يجعله فى ميزان حسناتك
عطر انتى اختفيتى ليه انتى حا تخوفينى كده من ماسك الكاكاو بعدها اختفيتى فى ظروف غامضه
ايمان منوره كلنا محتاجين تسويك اللسان بجد ده جهاد كبير وربنا يغفر لنا جميعا
نيرفانا حمد الله على السلامه
لميا سالتى عن البيكربونات فى التنظيف انا بضيفه للصابون السايل لكن دوبيه فى كوب خارجى الاول لانه بيفور
وبعد ما يهدى الفوران ضيفيه للصابون مع ملح ليمون وملح عادى وخل واستخدميه لكل شىء
محبة الرسول اسمك ما شاء الله جميل يارب تستمرى معانا مش مره وتختفى
حبيبة ابراهيم طبعا انك تشترى من مصر افضل بسبب عيوب الشحن وكمان فعلا ممكن
ما يعرفوش يركبوها فى مصر وكمان فى فى مصر اذواق عاليه جدا وحتى لو السعر غالى
اكيد لان نوعية الخشب افضل لان كل الخشب فى الخليج شكل جميل لكن ضعيف يعنى مش للزمن
لانهم بيجددوا باستمرار فمش محتاجين للمتانه ونصيحه بلاش حد يشترى لك لان دى حاجة العمر فلازم تكون على ذوقك
معلش انا قفلتها لكن دى عن تجربه واقعيه لانى مغتربه
رشا جزاك الله خيرا على التذكره بالاكثار من الصلاه على النبى
ميرو طمنينا عليكى قررتى تفطمى ولا لسه

أحلى مساء.. لأحلى بنات... ربنا يبارك فيكم وفي يومكم ويجعله كله طاعة وإستغلال للوقت..

أيمان.. الحمد لله على سلامة بودي . الله يحفظه من كل شر ... لا تحرمينا من مشاركاتك حتى ولو بسطر لنأخذ منك الطاعة والنشاط ... خليكي معنا على طول. مع حبي

نيرفنا... نورت من جديد لا تقطعي المشاركة...

عروس... أشكرك على رسالتك ، اسعدت قلبي هذه الرسالة ويشرفني ان نبقى على إتصال وصحبة طيبة إن شاء الله.

زوجة مصرية... مساء الخير والعسل والفل ... مساء كله طاعة وقرب من الله إن شاء الله

مرمر... آسفين يا عمري لاننا لم نسال عليك ... خلاص لا تزعلي بس ما شاء الله من كثر المشتركات ، ننسى احيانا ان نذكر الجميع بس انت في القلب وخليك معنا.

لميا... انا ايضا من المواضبين على سنة الفجر ، قبل ولادة بنتي الثالثة كنت ملتزمة بجميع السنن بس للأسف أنا مقصرة جدا من ناحية السنن ،، اسال الله ان يحبب لنا الطاعات ،، اللهم يا مقلب القلوب ثبت قلوبنا على دينك ، اللهم يا مصرف القلوب صرف قلوبنا على طاعتاك.

ام مريم .... اهلا وسهلا بك من جديد ، الله لا يحرمنا من مشاركاتك ، إن شاء الله ترجعي لنا بمشاركاتك اليومية ونتفق على جدول للعبادات ونعين بعضنا. الله يسهل حملك وتولدي طفل معافى سليم ويخليلك مريومة.


bonitta منورة معنا وننتظر مشاركاتك.

rawany: يسعدنا مشاركتك معنا وإن شاء الله راح نبقى على إتصال ونعين بعضنا .

محبة الرسول: أهلا وسهلا بك بيننا ، ما شاء الله عليك وعلى إلتزامك ، الله يحفظ بناتك وتفرحي بهم يارب ، نتمنى ان تبقى معنا في هذه الصحبة الطيبة .

ميرو: شكرا على الرابط جزاك الله الف خير.

ام البنات.: ما شاء الله لا قوة إلا بالله ، الله يشفي والدك ويعوضه في الجنة بمصاحبة النبي في الجنة .

سها: جزاك الله الف خير على التذكير بالأذكار وانا دوما مع الأذكار التي تكتبيها ، جعلها الله في ميزان حسناتك ونتمنى ان تزيدي من مشاركاتك معنا.

باقي البنات: ماما زوزو، كنزي،هايا،ام يوسف ، بليكان ،عطر،فيميل ، انجي يويو كل البنات الله يجعلكم دوما في خير ويفك كربكم ويحسن احوالكم.

معلش زهقتكوا ودخلت تاني لكن حبيت اشكر ميرو علي الرابط اللي حطيته واقولها اني مقدرتش اقوم من علي الكومبيوتر غير لما اقري الموضوع كله هايل بصراحه وربنا يوفق صاحبة القصه ان شاء الله