Noody30 :

السلام عليكم و رحمة الله و بركاته ازيكم يا أحلى ستات بيوت شاطرين؟ وحشتوني من هنا لحد سنغافورة رايح جاي :32: معلش شاركت معاكم شوية و بعدين معرفتش اتابع بسبب ظروف كتير بس الحمد لله اني عرفت ادخل اطمن عليكم تاني سامحوني معرفتش اقرا كل اللي فات و لا اتابع كل التطورات بس عالسريع كده لاحظت كام حاجة: ميمزي ميوية السكرة، انتي بنتك لسه شهرين و نصف زي ما فهمت و طبيعي عند بعض الاطفال في السن ده حالة الامساك و الغازات و المغص. انا ابني مروان كان كده و كان مجنني و كنا مش بنتسغنى عن لبوس الجلسرين ده و لحد دلوقت عندي في التلاجة للطوارئ. بس فيه حاجة اكتر من دكتور اطفال قالوهالي و كمان موسوعة الفراشة منبهة عليها ان الطفل ميقعدش عنده امساك اكتر من 48 ساعة. و متقلقيش هي مش حتتعود على الاخراج بيها و لا حاجة لان هي فترة و بتعدي لما بتبدأ تاكل عادي. بالنسبة لعصير الببرتقال المخفف انا بدأته مع مروان من سن 3 شهور و مكنش في اي مشاكل و طالما الدكتور محدد لك كمية محددة متخافيش دي بتبقى بالمللي و محسوبة و كمان مخففة و ان شاء الله مفيش ضرر. صدقيني انا عديت بنفس اللي بتوصفيه مع مروان و كان عندي انهيار عصبي منه بس الحمد لله فعلا هي فترات كل شوية تشوفي حاجة و بعد كده كله بيعدي و يبقى تمام. و ان شاء الله تفرحي بيها عروسة زي القمر شوفي يا ستي، انتي جيتي عالجرح لان انا حاعمل الشغلانة دي كمان كام يوم و شايلة همها. انا باخرن شوية في شنط فوق الدولاب و لو فيه حاجات حجمها كبير و تاخد حيز باكيسها كويس و احط معاها قطع صابون لوكس او كاماي او اي صابون ريحته حلوة او وحدات قرنفل و احطها في السندرة اللي تحت السرير ام يوسف ، مش قادرة اقولك غير انك تبصي للحاجات الحلوة اللي في جوزك و اللي تعوضك عن اي تقصير بيعمله او اي اهمال او تجاهل غير مقصود لمشاعرك. و دايما عامليه بمبدأ انك تبدأي بالاحسان و تختمي برضه بالاحسان و دوري دايما على ثواب السماح و البدء بالصلح طالما مفيش لا قدر الله موقف كبير يستاهل وقفة جادة. ربنا يخليكم لبعض و يسخر قلبه ليكي و يحنن قلبه عليكي و على ولادكم و يهديكم عروس النيل و شيماء و ام سوسو و منى و ميرو و كنزي و سما و ماما زوزو و ايمان كل البنات اسما اسما يا ريت محدش يزعل مني لو نسيت اسم، كلكم وحشتوني اوي اوي تعالوا اقولكم يومياتي: لاي واحدة عندها شوية رز ابيض بايت و مش بتفكر تعمله فتة او تكمل بيه على رز جديد، جربت حاجة النهارده مع ابني و الحمد لله عجبته و ناوية اعتمدها سلقت نص كوباية صغيرة عدس بجبة و بعدين صفيته من المية و اخدت شوية في طاسة و حطيت عليهم شوية ملح و كمون و زيت زيتون و نقطتين عصير ليمون و بعدين قلبت معاهم نصف طماطماية مقطعة صغير اوي و علبها معلقتين من الرز البايت ده و قلبتهم كويس بقى طعمهم احلى من الكشري كمان و الحمد لله عجبوا مارو افندي :cook: اسيبكم بقى لان الاستاذ مارو مزرجن و عاوزني العب معاه :04: اشوفكم على خير

السلام عليكم و رحمة الله و بركاته ازيكم يا أحلى ستات بيوت شاطرين؟ وحشتوني من هنا لحد سنغافورة...

كتكوتة كتكوتة :

السلام عليكم عروس الف سلامة على عيونك شفاكى الله وعفاكى حاولى متجهديش عينك على الكمبيوتر لحد ما يتحسنوا ان شاء الله كنزى الف سلامة على كوكى وفداكم الشاشة معلش هم الاولاد لازم يخربوا ربنا يهديهم ام يوسف ربنا يوفقك للخير مع جوزك ويلا ننور مصر سوا عشان نعمل قافلة انا نازلة الجمعة ان شاء الله وبالنسبة للشقة جوزى مش عجباه فكرة انى انقل العفش دلوقتى بيقول ظروفنا مش مستقرة هنا وممكن ننزل فى اى وقت هنستنى لحد ما ننزل سوا ان شاء الله وتكون الاسعار نزلت ربنا يكرمنا جميعا مى بصى زيت اللوز ده بتبقى قطارة صغيرة بتتباع فى الصيدليات انا جيباه من مصر بتتاخد 3 نقط بالفم كل يوم لحد ما تتظبط وتعمل عادى بس البنات اهم قالوا ان تحاميل الجلسرين كمان كويسة وخليها عند الضرورة حتى زيت اللوز مكنتش باديه لمريم الا لو معملتش لمدة يومين اديها فى ثالث يوم ده طبيعى لحد ما يبدأوا اكل ان شاء الله بالنسبة بقى لموضوع اكل مريم انا بجد محتارة فيه جدا بحاول اعملها خضار مسلوق او فاكهة مسلوقة ومهروسة جبنة مثلثات وزبادى ببسكويت اطفال ورز مسلوق بس كله بميه مش عارفة ادخل لها ايه كمان الفترة دى وانا فعلا باعمل كده باعرض عليها كل الاكل حتى اللى مش باكله ناوية بأمر الله اخليها تاكله الا الفسيييييييخ هههههههه باباها يبقى يأكلوه لها بقى ان شاء الله

السلام عليكم عروس الف سلامة على عيونك شفاكى الله وعفاكى حاولى متجهديش عينك على الكمبيوتر لحد...