ام مريم

ازيك وازى مريومى يارب تكونى بخير عملتى ايه في الكوى متشكرة على سؤالك على ياسمين


ام سوسو

اكلة الفرنش توست دى بعملها لزيزو بس حادق يعني بملح وفلفل بس من غير العسل والفروالة

وياريت نرتب الادراج ان شاء الله انا معاكى لان دول اللى عايزة ارتبهم من زمان اصلا

اما موضوع المسلسلات دى فمفيش انك تسلي البنات باى لعبة او تلوين ربنا يحفظهم


هاقوم بقى عندى غسييييل وترويق واكل

ام يوسف ومنى وباقي البنات صباح الفل

سبحانك اللهم وبحمد اشهد ان لا اله الا انت استغفرك واتوب اليك

مى سلامة ياسمين الف سلامة وعروس الف سلامة عليكى ربنا يشفيكى ويفى عنك عاجلا غير اجل
رشا انا عندى حد لتصليح الثلاجة لو تحبى ارسلك رقمه وان شاء الله بسيطة
عطر ام سوسو ام مريم ام يوسف ربنا ييسر لك الخير مع جوزك انتى وميرو ايمان ومنى ولميا وكنزى المحبه للرسول قرة عين زوجها وارجع اكمل الباقى توته البطوطة ام جميله زوجة مصرية ماما زوزو
امبارح عملت تنظيف نصف عميق للمطبخ والثلاجة بخلطة البيكربونات + صابون سايل + خل + ملح ليمون والله اكثر من رائع ويوفر المجهود
وعملت بسله وسبانخ ورز وشوربه على فكرة الى بيحب يخزن خضروات الطماطم سعرها كويس اليمين دول والسبانخ

مبروك يا قمر انتى عاملة ايه

تعالى بقى انا عايزة اقولك حاجة ضغيرة على موضوع الراجل و الست و الشغل و اللذى منه

بصى يا جميل عشان ترتاحى لازم نتفق عى قاعدة الا و هى ان الراجل غير الست و عمره ما هيتغير بمعنى انتى ممكن تدى على طول لكن الراجل عايز ياخد و يدى او مش يدى ديه مسالة متغيرة يعنى هياخد و ممكن يدى اقل بكتيررررررررررررررررررررر من اللى بياخده و ده من وجه نظرة عادى او طبيعى دون ادنى تقصير
طيب خلاص ديه فهمناها و عدناها و الله المستعان
نيجى بقى ليكى هدى ايه و ازاى و امتى

مثلا لما ت
لعى زوجك او تعمليلة اى حاجة حلوة مش لازم تكونى جاية على نفسك او حاسة ان ده عشانة لوحده لألألألألألألألألألأ بالعكس لازم تكونى فى قرارة نفسك بتكونى بتعملى ده اولا و اخيرا لوجه الله عشان تاخدى ثواب يعنى و تانى حاجة عشان انتى مستمتعة بكدهههههههههه يعنى بدلعه عشان انا عايزة كده بالنسبة ليا ده ترفيه و انبساط

مثلا انتى عايزة تخرجى و هو مش عايز يخرج ممكن اقوله مثلا انا هاعزمك اوكى طيب لية بالرغم من انة مش عايز يخرج اصلا هاقولك بس انتى عايزة يبقى تنفذى اللى فى دماغك بطريقة تانية و اهو بالمرة برده هتاخدى ثوابة و هكذا بقى قيسى على كده كل حاجة

و دايماااااااااااااااااا اعملى حاجة لنفسك يعنى مثلا ليكى وقت حتى لو كان 10 دقايق تستحمى فيهم دون ضغوط و لو حصل اى مقاطعة يبقى كانك مش هنا او مش سامعة عادى طنشى اعرفى ان ده البنزين يبنفع عربية تروح حتو من غير بنزين يبقى ده البنزين اللى هيخليكى تكملى ليهم و لنفسك
و مش تغطى على نفسك يعنى مش قادرة اطبخ خلاصصصصصصصص بلاش النهادة الأكل ايه يبقى جبنة و بيض و تونة و عادى فى الأول هيزعل و يغضب بعد كده حتى لو هياخد فترة هتعود أكيد

و دايما حددى لنفسك هواية تعمليها كل يوم مثلا قراءة قرءان او كتاب او حتى برنامج و هكذا
بس اهم شىء هيخلصك من الضغط ده انك تدربى تفكيرك و تقنعى نفسك ان الى بتعملية ده كلة مش هيروح ده عندا ربنا و ان شاء الله هتلاقى وابة فى الجنة و ساعتها هتقولى ياريتى كنت عملت احسن هشان اكون فى مرتبة اعلى

و ربما يصلح حالك و يوفقك للخير دايما



جزاكى الله خيرا يا قمر على الرد و ان شاء الله هبقى اخلى زوجى يسال هو بيشتغل قريب من هناك و ايوه بنتى عندها سنة و اربع شهور



أزيك يا هدى عاملة ايه يا جميل و اخبار بابا يارب أحسن و نوران خفت الحمد لله

يلا نطلع شويه من النكد














اعترافات مدير مصري ذو خبرة طويلة



كل نساء العالم يتهمن أزواجهم بأنهم بيحبو الشغل أكثر منهم


وأنا اصالة عن نفسي ونيابة عن الرجال أعترف بأن هذا صحيح ............صحيح ...... صحيح ليه....؟؟؟؟؟؟؟

لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ ..... بس أنا اللي أصرف عليها!!!



ثانيا........في الشغل ممكن تزعق براحتك و زعيقك يجيب نتيجة...



مع مراتك صعب انك تزعق براحتك ومهما زعقت مش هيجيب نتيجة ....



ثالثا ........ممكن تزوغ من الشغل في أي وقت من غير ماحد ياخد باله أو حد من الزملاء يغطيك



أنما تزوغ من مراتك .. هيهات ..أنسى …..



رابعا .........في الشغل عندك مدير ممكن ترضيه لو اشتغلت كويس ....



إنما مراتك لو عملت قرد .. حمار .. أي حاجة مش ممكن ترضيها !!!



خامسا.......في الشغل من حقك تاخد أجازه...عندك عارض واعتيادي



دا غير يوم الجمعة....والعطلات الرسمية.....بصراحة الشغل خفيف ع القلب.....



أنما مع مراتك...مش ممكن تاخد أجازه......بالعكس دانت لازم تلزق فيها يوم إجازتك و إلا يبقى نهار اهلك مالوش ملامح.....!!!!



سادسا ..........في الشغل ممكن تترقى و تاخد منصب بيه....وباشا كمان ويبقى لك مكتب لوحدك ...... و مراسل.....و سكرتيره خاصة …. والكل يضرب لك تعظيم سلام.... في ا لبيت ح تعيش زوج وتموت زوج...... واللقب الوحيد اللي ممكن تاخده لما تنادى عليك مراتك وتقولك.... يا بابا......أو...... .يا حاج.......... ولما تعجز... تقولك.....يا بركه



سابعا .........الشغل لو زهقت منه ممكن تسيبه بدون مشاكل.... وبسهوله .... أنما مع مراتك......لو روحك طلعت.....لازم تحط في بقك كوتش وتفكر مليون مره.....في المحاكم والمؤخر و النفقة.. والعيال



ثامنا ........ في الشغل...لو سبته .....أو بلغت سن المعاش بتاخد مكافأة كبيره....ومعاش....وحفله تكريم ....



أما مراتك لو سبتها قبل ما تموت... أنت اللي ح تدفع مكافأة ومؤخر ونفقه......وشقه كمان....... وتتحبس لو ما دفعتش





تاسعا.........ممكن تغير شغلك وتتنقل لغيره لو لقيت شغل أحسن منه........ في حين أنك طوووول الوقت بتشوف بنات أحلى ميت مره من مراتك بس ماتقدرش تغيرها........



عاشرا......في الشغل....متأمن عليك عشان لو حصل لك حاجه...... ولو حصل لك حاجه.....مراتك هي اللي هاتقبض التأمين





في النهاية ... بتحب مين أكتر...مراتك ولا شغلك ؟؟

مني حبيبتي كلامك فعلا صح بس انتي عارفه ان الموضوع كله انفيه حاجات ماينفعش نسكت عنها ولازم ساعتها اخد موقف علشان

ماتتكررش وتزيد... انتي عارفه كل ما اشوف موضوع في المنتدي او اي حاجه عشان العلاقه بين الراجل ومرات تلاقيني عملتها

عشانه وعشاني طبعا بس بيني وبينك احنا كده بقالنا يومين مش بنتكلم وهو واحشني خالص .....

الصبح شفت موضوع في المنتدي ان يومنا زي الصلصال ونقدر نشكله زي مااحنا عاوزين .. قلت بعدها ابدأ انا واخد ثواب بس حسيتها

برضه تقيله سبحان الله ... المفروض انه بييجي بعد الظهر عشان يتغدي طبعا بقاله يومين مش بييجي المهم اتصلت بيه وخليت

يوسو يبرطم بأي كلام ... هو كده فهم أني بقوله مستنينك ربنا يهدي