شيرى 44 :

صباح الخير يا بنات :) ازيكم جميعاااااااااااااا مع انى زعلانه منكم فعلا عشان ماحدش فكر مره يبعت لى ويقولى انكوا مجتمعين هنا وسيبتوا هناك ولا حد عبرنى وسال عنى وانا كل فتره ادخل هناك الاقي الدنيا هس هس ااقول خلاص كل واحده راحت لحالها .. ماشى يا وحشين المهــــم .. من ضمن الحاجات الى خلتنى ما ادخلش كتير حتت ان اكتشفت من زماااان ان بضيع وقت كبير اوى في الرغي هناك من غير فايده ووقتى بيضيع عالفاضي وده خلانى ااقصر واجيب من الآخر وبقيت احب دايما ادخل فى النت على حاجات مفيده ولقيت كمان في الفيس بوك (رغم شكوى الناس منه بس هو زيه زى النت عموما فيه الكويس والوحش والواحد هو الى بيختار) لقيت جروبات حلوه عن التنميه البشريه الى انا بعشقها وبعشق دكتور ابراهيم الفقي وشويه شويه لقيت انى مش بحب اتفرج على اغانى زى زمان لأ وبقيت كمان بكره اعدى حتى على القنوات بتاعتها.. المهم نرجع للفيس بوك لقيت فيه الجروبات دى وانا بطبعي بحب اقعد اقرا وجايبه كتب لابراهيم الفقي وسيدهات ولقيت دكتور كمان شاب اسمه شريف عرفه عامل كتاب حلو اوى يا بنات ياريت تقروه اسمه لماذا من حولك أغبياء جميل جدااااا وكتاب تانى اسمه السر يمكن كتير منكم سمعوا عنه وان فيه شويه قلق عليه وكده بس لقيت (بدماغي) ان الى كاتبه اجنبي وطبعا كافر وبيقول كل حاجه نشكر الكون والكون هو الى بعت وارسل وكده .. شيلي كلمه الكون ويبأه بدلها ربنا طبعا انا لسه ما خلصتش الكتاب ده بس ان شاء الله اخلصه. فمعلش للكل ياريت تعذرونى وتعرفوا سبب بعدى عنكم رغم ربنا العالم بمعزتكم عندى. وبما ان الموضوع بيتكلم عن الوقت فانا مش حضيع وقتكم اكتر من كده :) وان شاء الله اكون معاكم واتابعكم وانا لحد دلوقتى مش عارفه اقرا الملفات الى فاتت ولا اول الموضوع ده !! قريت اول 10 صفحات بس ومش عارفه حخلص الباقي امتى وكنت عايزه استشيركم فى موضوع بس حخليه لبكره ان شاء الله لانى عايزة اشوف شويه حاجات قبل ما امشي .. واشوفكم علي خير بكره

صباح الخير يا بنات :) ازيكم جميعاااااااااااااا مع انى زعلانه منكم فعلا عشان ماحدش فكر مره يبعت...