روشانا وام سوسو ونادو( امل)

شكرا لردكو كتير وجزاكوا الله خيرا

نادو

انتى اكيد بتقصدينى انا بكلمة (و لا حد غيرك رد على اي كلمة قلتها حتى اللي وجهت لهم كلام :D) بس والله كل اما اجى اكتب الاقى حاجة جدت ومعرفش اكتب حاجة واجى اتح الكمبيوتر علشان اكتب تانى الاقىكوا كتبتوا ما شاء الله حاجات تانية كتير فممبقاش ملاحقة وانا من النوع اللى بحب ميش كلمة تفوتنى لانى بصراحة بستفيد منكوا كلكوا ما شاء الله عليكوا فياريت متزعليش وتشاركينا


ام البنات
ما شاء الله الرؤيا جميلة ويارب تمم شفاء والدك على خير يارب وبالنسبة للطماطم فعلا انا جبت الكيلو ونصف بجنيه وعملتها صلصة

ام مريم

ياريت لو سمحتى تقوليلنا طريقة القرنبيط البانيه

ام يوسف

الحمد لله ان انتوا اتصالحتوا ربنا يصلح احوالكوا دايما يارب

كنزى
الف سلامة عليكى

لمياء
الكيكة اخبارها ايه وكلتوها ولا............

انجى
ربنا ييسر لاخوكى ومراته حالهم يارب

حبيبة اوسو
ما شاء الله فكرة الصدقة للميت جميلة وعقبال ماتوضبى بقيت الشقة يارب

توتة البطوطة

مستنيينك تتكلمى وربنا يهدى نفسيتك يارب


بوتا

ان شاء الله ربنا ييسرلك امورك

السلام عليكم ورحمة الله وبركاته
وحشتونى يا جماعه ما شاء الله المشاركات كتي وكل موضوع عايز قاعده
جربت قطره جديده والحمد لله قللت الجفاف وعملت فى قطره ماء زمزم وعسل
بستعمله مع باقى العلاج والحمد لله ربنا يجعله فى ميزان حسناتى
قبل ما ابدأ فى الردود انا غليت زى رشا ما قالتقشر برتقال وليمون
واستخدمته للبشره رائع وكمان بعد ما خلصت المطبخ دهنت ايديه منه وبعدين كريم بشره
جربوها ما شاء الله نعومه غير عاديه
وكمان للشعر زيت القرفه ممتاز بينعم الشعر جدا وبيلمعه وغير مكلف
سخنت كوب زيت دوار الشمس ووضعت فيه ملعقتين اكل قرفه ناعمه
سخنت مع الزيت وعبيته فى زجاجه بعمله حماما زيت ريحته حلوه
وبتحسى بحراره شويه فى راسك لانه حار وبغسله بعد نصف ساعه
ارحب اولا بشيرى انا كمان من عشاق ابراهيم الفقى بحب كلامه جدا
وبجد منتظرين منك انك تفيدينا بكلامه وهو عامل برنامج جديد على قناة الانسانيه
ياريت لو تعرفى تقولى لى ميعاده
رشا الف سلامه على روان ربنا يعافيها ويطمنك عليها
ميرو حمد الله على سلامة شادن وربنا يصلح ما بينك وبين زوجك
نودى ولا تزعلى معلش من كتر المشاركات بنتوه لكن كلنا بنحبك فى الله وكلامك كله جميل
بوتا وتوته البطوطه ربنا يفك كربكو وييسر لكو جميع اموركو
ام يوسف مبروك الصلح واكثرى من الدعاء ان ربنا يصلح ما بينك وبين زوجك
ام مريم تسلمى لى على السؤال والدعاء
منى مع انك سنك ما شاء الله صغير لكن فى ردك على اى اخت عندها مشكله بحس فيكى
بعقلية الام ال بنتصح بنتها يعنى خبره وعقل واتزان وصغر سن ما شاء الله لاقوة الا بالله
ربنا يجزيكى خير ويبارك لك فى بنتك
مى موضوع عناد ابنك طبيعى جدا لان سنه هو بداية العناد فلازم انتى تغيرى طريقتك معاه
وما يبقاش اعطاء اوامر وهو ينفذ اغسل ايدك بعد الاكل طبيعلى حا يعاند
يالا تعالى نغسل ايدينا سوا
تعالا شيل العابك
يالا نعمل سباق سوا مين يلم الالعاب اسرع
يعنى كل طلب عايزه تكلفيه بيه تحورى طريقة عرضك للطلب
واهم شىء عدم العصبيه منك
وفى مقالات كتير عن عناد الاطفال احفظيها عندك حا تفيدك كتير
نانسى منوره معانا
أم البنات ما شاء الله رؤيتك خير انا جسمى قشعر وانا بقراها
هى بشرة خير لوالدك ان تعبه فى الدنيا له أجر عظيم ان شاء الله
اللهم اشفيه واجعل تعبه فى ميزان حسناته
موضع الاستيقاظ بعد الفجر فعلا نعمه تصورى ان اطباء علم النفس
بتلزم المريض ال بيعانى من اكتئاب انه يستيقط بعد الفجر ويستنشق الهواء النقى
لانه له أثر كبير فى النفسيه وكمان البركه فى البكور
لميا انا وسام ولا تزعلى انتى اسمك ايه انتى كمان
بالنسبه لموضوع زواج والدك انا عارفه ان كلامى حا يزعلك
ربنا يحم والدتك ويغفر لها اكيد صعب انك تحسى ان حد مكانها
لكن واقعيا حرام والدك يعيش بدون زوجه لان الوحده صعبه
واكيد لما يكون معاه زوجه انتى بتكونى فى بيتك مطمنه عليه
ان فى حد يراعيهفعشان تتفادو خطأ ان تزوج وطلق فلازم انتو تساعدوه
فى اختيار زوجه تتقى الله فيهوتراعيه عشان انتى كمان تطمنى عليه
ماما زوزو كلام حضرتك جكميل ووصفه سريعه وسهله لعلاج الملل والاكتئاب
فعلا عن تجربه اى اشغال يدويه مهما كانت بسيطه لكن تأثيرها فى النفسيه
جميل وبيقتل الملل والفراغ والشحنات السلبيه
عطر حبيت اختم بيكى لانى تأثرت جدا لقصة اخوكى
ربنا يفك كربه ويهدى زوجته
طبيعى ان الاولاد تكرهكو لانه طفل وعاطفتو لامه اكبر وهى بتنقل لهم
كرهها ليكو وانها مظلومه فلازم يكون فى كره
لكن الصغير بيكبر وعقله بيكبر وبيعرف الصح من الغلط ومين الغلطان
يعنى مهما بعدوا عنكو لازم حا يرجعوا لكو
فانتى قدمى كل ما فى وسعك لاولاد اخوكى عشان يرجعو لحضنكو تانى
قدمى الخير وحا تحصدى النتيجه لكن على مسافه بعيده شويه
واكيد انتى كمان معذوره انك شايفه معامله جافه
فمعلش هما اطفال لا تدرك شىء وانتى احتويهم بحنانك اكثر
وربنا يفك كربكو وييسر لكو الحال
ام سوسو طمنينى على الجو عندى حالة كسل وعايزه اعمل تنظيف عميق
لكن كسلانه والجو غير مشجع
رغيت كتير واكيد نسيت ناس لكن بعتذر العدد ما شاء الله كبير
سبحانك اللهم وبحمدك اشهد ان لااله الا انت استغفرك واتوب اليك

السلام عليكم ورحمة الله وبركاته

لمياء وام البنات ومنى وكل الى دعا لى ربنا يكرمكم ويتقبل منكم يا رب

طبعا انا قلت لكم ادعولى لانى متضايقه جدا وهفضفض معاكم

قبل ما اقول الى مضايقنى اليومين دول بالذات هقولى الى مضايقنى اصلا وعلى طول

انا زوجى مسافر وعايشه انا وايمان بنتى لوحدنا وطبعا حامل تقريبا كلكم عارفين

طبعا مش محتاجه اقولكم على الاحاسيس البشعه الى جوايا من وحده وخوف وقلق و و و

وعشان كده معظم الوقت نفسيتى بتبقى تعبانه وكل ده كوم والمسؤليه كوم تانى وياااااااااااااااه لو بنتى مثلا تعبت فى نص الليل

او حصل اى ظرف مش بلاقى حد يقف جنبى واتعودت اعمل كل حاجه بنفسى منتظرش حاجه من حد

واوقات كتير بكون محتاجه حد اتكلم معاه حد اشتكى له حد اضحك معاه طبعا مفتقده حاجات كتي روكتير وكتير

والكلام ده نفسى كل البنات الى معانا هنا ومتغربه مع زوجها تقراه كويس عشان تعرف ان هى مش فى غربه ولا حاجه الغربه انط تكونى فى مكان وزوجك فى مكان وتفضلو فترات وفترات متشوفوش بعض وكمان كل المسؤليه هتكون عليكى رغم انفك ويا سلام بقه لما بنتك تفضلتقولك يا ماما ليه انا الى بابايا مسافر وصاحبتى فلانه باباها معاها على طول وكلام من ده كتير

فبجد وجود الواحده مع اسرتها كامله يستحق التضحيه باى حاجه لان مفيش فايده من انك اتجوزتى وخلفتى وبعدين تبقى العيله مقسومه نصين

معلش قلب دماغكم وحاسه ان افكارى مش مرتبه بس ده الى انا حساه

السلام عليكم ورحمة الله وبركاته:

ما شاء الله المشاركات كثيرة والمواضيع مفيدة ، ربنا يبارك فيكم يارب.

ام البنات: ما شاء الله لا قوة إلا بالله ، رؤيا جميلة ومبشرة ، جعله الله من اهل الجنة

معليش يا بنات زوجي رجع وحنروح نتغدى وان شاء الله حكمل تاني \
في امان الله
بحبكم كلكم

ورده مفتحه ليه زعلانه انتى اسمك كله تفاؤل
الزوجه بتتعب كتير وخصوصا لو بتشتغل يعنى جهدها مضاعف
جوا وبره وممكن الزوج مش بيحس بمجهود الزوجه ودورها فى البيت
لكن الحمد لله ان لنا رب كريم كرمنا وضاعف حسناتنا فتعبنا وجهدنا
وتحملنا للمسؤليه لن يضيع لان لنا رب كريم
وسن ابنك اكيد صعب ان زوجك يساعد فيه
وانتى شوفى قدرات زوجك فى المساعده تكون فى ايه
بحيث تكونى مرتاحه وهو كمان ويوم الاجازه هو بيكون مع اصحابه
خليه يكون معاهم عشان يكسر روتين الاسبوع
لكن يكون لك انتى كمان يعنى يقسم الوقت بينك وبينهم
وربنا يعينك بعد نزول الشغل لكن نظمى وقتك وال بيشتغلوا
ممكن يساعدوكى فى تنظيم الوقت ولازم يكون فى وقت لنفسك ومزاجك عشان تقدرى تواصلى