دا ردى وشكرى لك بيوم 17\3

ياروشانا
واحب اقولك يا روشنة
علشان اسمك كله دلللللللللللللع
ومشكورة مرة اخرى

صباح الفل على كل الامهات الحلوات

وخاصة ماما زوزوووووووووووووووووووووو

كل سنة وانتى طيبة ياست الكل


النهاردة يوم كله نشاط والحمدلله

كنت قايمة من النوم وكلى اكتئاب من شكل المطبخ بس قلت مبدهاش لازم حملة تنظيف شاااااااااااااااااامل

الاول روقت الليفنجج وكنست السجادة وروقت الصالة هى مبتاخدش وقت لان قعدتنا دايما فى الليفنج

وغسلت الحمام وظبطت حجرة النوم لان مرمر لسة نايمة وكدة البيت من برة خلالالالالالالالاص

بااااااااقى المطبخ استعنت بالله ودخلت روقته الاول وبعدين جبت طبق عميق وحطيت فية فيرى وملح ليمون وخل وماء وقلت النهاردة اغسل حيطة من الحيطان بس بفضل الله غسلت كل الحيطان والارض دعكتها كمان كله مخدش وقت الا الحيطة اللى جنب البوتاجاز والارض تحته وزحزحت البوتجاز والانبوبة وغسلت وراهم وتحتهم ونضفت تربو الخضار وكمان زحزحت الثلاجة والفريزر ومسحت الارض تحتهم مع انى بمسح المطبخ علطول بس لاقيت تحتهم بلالالالالالالالالالاوى وغسلت الحيطة تحت الحوض وكمان باسكت الزبالة ودعكت الحوض وغسلت طبقين كانو باقيين من العشا امبارح ودلوقت المطبخ منور من النظافة حيطان وارض ................الحمدلله






اليوم الغدا حواوشى بطريقة ام يوسف

وبطاطس محمرة بطريقة عروس



غيرت ملابسى وحطيت كريم على ايدى وقلت اريح شوية

انا كدة خلصت النهاردة شغل البيت بس لسة فى طاقة هقوم اكوى شوية غسيل


هااااااااااااااااااااااااااا شاطرة

لميا

والله كنتت عاوزة ارد على الكل بس جوزى دخل من الصلاة ولازم اخرج بسرعة لانه مبيحبنيش اقعد على النت وهو موجوود

صباح الفل ياقمر


مرمر

ياساتر يارب

اللهم اجرك فى مصيبتك

معليش ياجميل ربنا يعوض عليكم

بس انتى خضتينى ازاى اتسرقتو يعنى حد دخل وزشرق الشقة وانتو موش موجودين ولا لا قدر الله حد كان عندكو؟؟؟؟؟؟؟؟؟؟؟؟؟


ام يوسف انتى فييييييييييييييييين مختفية لييييييييييييييية

ولا الويك اند ممنوع الكمبيوتر



توتة

ماشاء الله عليكى ايوه كدة عاوزينك منورة الموضوع علطول

ربناا يقومك بالسلامة


ام سوسو


جميلة اوى مقالة الوالد الله يحفظه


وجميلة القصة التانية بتاعة الايميل

السلام عليكم ورحمة الله وبركاته

صباحكم رضا وهنا وسعاده

شهيده ...... ربنا يكرمك يا حبيبة قلبى على تشجيعك والسقفه الكبيره دى ههههههههههه وادعيلى بس يكن كده على طول لان الحمل مبهدلنى وكل فين وفييييييييييييييين لما بعمل انجاز

بالنسبه لموضوع النوم يا قمر انا معوده ايمان عليه من وهى لسه يمكن شهر متستغربيش ...... عارفه انا كنت بسمع الناس تقول العيل ما بينمش امه ومش عارفه ايه و خلاص اقلمت نفسى على كده وبقيت افضل قاعده بيها بالليل زى العيال وكده باباها قالى لا انتى الى تعوديها مش هى الى تعودك فقلت له كل العيال كده

قالى لا مفيش حاجه اسمها كل العيال كده احنا هنتعب شويه فى الاول وبعد كده هى هتتعود على نظامنا ونستريح

وفعلا بقيت مثلا الساعه 9 اقوم وخداها فى الاوضه واقفل النور واخدها ف حضنى واحكى لها حدوته او اغنى لها وامسح على راسها كده واطبطب عليها وارضعها لغاية ما تنام

طبعا فى الاول مبقتش تنام بسهوله بس بعد كده خلاص فى الميعاد ده اخدها تنام على طول لغاية ما كبرت على كده

وطبعا ممنوع نوم الظهر خاااااااااااااااااااالص

وكنت بصحيها الفجر معانا او وباباها رايح الشغل ....... واقول لباباها حرام صغيره يقول لا عشان تتعود

وفعلا بفضل الله اتعودت على كده وخلاص بقه نظامها فى النوم كده والحمد لله

بس برده فيه ناس عودو ولادهم وهما كبار شويه على كده عادى

كل حاجه ممكن تحصل يا شهيده لكن بالصبر والمثابره والتدريب ........... مش مره واتنين وخلاص ونقول مفيش فايده

ودلوقتى لما باباها بيجى من السفر وتبقى طبعا فايقه ومش راضيه تنام ابدا وعايزه تقعد اقوم وخداها واقولها ماما هتحكى الحدوته لمييييييييييييين .......... تقول انا اقولها يله نقول الحدوته عشان بابا ميسمعهاش واخدها اوضتها نحكى الحدوته وننام على طول وبعدين اقوم انا من جنبها وبسسسسسسسسسسسسسسس

طولت عليكى بس انا حاسه انه موضوه مهم جدااااااااااا وله تاثير مباشر على العلاقه بين الزوجين

..........................................................

فهمت من الكلام كده انه انتى عنك مشكله بس انا مش قريتها فى الصفحات الى فاتت لو فيه حاجه احيلنا يا قمر كلنا اخواتك ويمكن نقدر نفيدك

بحبك فى الله

لمياء ...........ازيك يا قمر مالك كده ...... شكلك مش فى المود ؟؟؟؟؟؟؟

ام مريم ............ تسلمى يا حبيبتى على التشجيع

وماشاء الله انتى يومك كله نشاط وانجاز وفعلا انتى عارفه الموضوع محتاج خطوه بس وهتلاقى نفسك عايزه تخلصى وبقيتى نشيطه

بس على رايك اهه يوم كده ويوم كده

ربنا يكملنا على خير احنا وكل نساء المسلمين يا رب ..........آمين