طبعا مينفعش الاقي عروس و ماما زوزو الا لما لازم اجي و اسلم

الوقت
الهم القاتل لكل منا
ورانا ميت مليون حاجه ما عملنا منهم ولا حاجه
بس الي حقيقي مينفعش ناجله هو حق ربنا
لني بحس اني عندما اقدم حقه على اي واجبات اخرى ان الواجبات دي بتخلص و انا مبسوطه جدااا
و لما بنسى و ائجل حقه عشان الحاجات التانيه بلاقيها مش بتنقضي
سبحان الله
بجد مثلما نجد في فكره الصدقه كل قرش بيطلع بيرجع اضعاف و ان مكانش فلوس قبيبقى بركه في الباقي
و كذلك في الطاعات البسيطه كلما نعطي كلما نجد البركه في الوقت
حقيقي نظريه اقتصاديه رائعه

و بجد من خبرتي وجدت القراءه من اروع النعم اللي حاسه اني بتمتع بيها
القرايه بتفتح المخ
بتنمي الملكات
بتضاعف الذكاء و الفطنه
تعلمك الربط السريع بين كل معلومه

باختصار القراءه دي كنز و انا مقدرش اعدي يوم من غير ما اقرا


و بجد من الدروس القيمه اللي اتعلمتها من الداعيه عمرو خالد في رمضان الماضي هو اداره الوقت::

ساعه رياضه
ساعه قرءان
ساعه قراءه حره
ساعه مطالعه اي برنامج تثقيفي في اي مجال
تدوين كل الاهداف اليوميه و الاسبوعيه و الشهريه

اما باقي اليوم فانت حر فيما تفعله

تخيلوا بقى لو شحنا يومنا بالاربع ساعات الاساسيه دول مش بجد هنبقى اتخلصنا من الوقت اللي بيضيع من غير ما نحس

ربنا يعيننا على نفسنا و برضه مش عايزين ننسى ان الناس اللي عندها بيبيهات لسه دول ربنا معاهم لان بجد وقتهم بيكون منعدم

عايزين بقى يوميات جديده متطوره متوافقه مع موضوعنا في اداره الوقت


مادو منتظرينك بشده و بالحاح لان فعلا احنا هنا بنعين بعض قارجوكي متستسلميش لاحزانك

شيماء انت كمان تعالي يلا شاركي و كلنا هنرجع ان شاء الله

باقي البنات
بتوع اول الملف اللي كان من سنه بالتمام و الكمال نفسي ترجعوا تاني و نرجع لبيتنا تاني

السلام عليكم ورحمة الله

مبروك الملف الجديد
وان شاء الله يكون تشجيع واستغلال للوقت افضل
ربنا يعنا ويقوينا على عبادته

سلامي لكم
اختكم
ام عبد الرحمن

صباح الخير يا بناااااات
الف مبروك على الملف الجديد ان شاء الله دايما متجمعين على الخير وفى الخير يارب اعذرونى لقلة مشاركتى معاكم وبحاول دايما ابقى معاكم ومتبعاكم بحبكم كلكم فى الله يالا اروح اقرا بقى اللى فات

ايمان ولكل البنات الف مبروك علي الملف الجديد انا متابعه الملف القديم من فتره وانا فعلا مع كل البنات اللي قالوا ان استغلال الوقت والمداومه علي الطاعات بتحسن الحاله النفسيه وبتدينا طاقه ان احنا نستمر
فلندعو الله ان يثبتنا جميعا علي الطاعات

السلام عليكم ورحمة الله وبركاته
صباح الخير على الجميع عطر وماما زوزو بجد فرحت جدا لمشاركتكم
بجد تجمعنا ده عامل زى بيت العيله مهما لفينا بنرجع له وبنشعر فيه بالامان
والدفىء الاسرى كل البنات الغايبين نداء ورجاء تعالو وحشتونا
لان انا واثقه ان كلنا التجمع ده غير فينا كتير
فى الملف السابق الحمد لله عملنا فيه فكره ايجابيه وهى الصلاه فى وقتها
وصلاة الفجر حاضر الحمد لله الجميع انتظم فى صلاة الفجر وشعر بلذة الصلاه
عايزين نكون فى الملف ده ايجابيين فى فكره جديده
وهى الغيبه والنميمه
طبعا مجتمع النساء لا يخلو فكلنا نقترح افكار وتجاربنا وان شاء الله نتغلب على الآفه دى
أكيد كلنا عارفين الآيات والاحاديث عن الغيبه بنتأثر ونخاف لكن بنضعف سريعا
الحل هو القراءه ازاى
ما انا لو عندى سعه فى الافق وشخصيه مثقفه فى اى جلسه نسائيه عندى ماده للحوار
وماده شيقه بتجزب من حولى معلومه قريتيها مقاله معينه وصفه فى المطبخ
زى تجمعنا كده بنتدخل نستفيد ونفيد بدون قيل وقال
خلاص اتورطى وجات سيرة فلانه الحل
الحق نفسى فلانه الله يهديها ويصلح حالها
يبقى انا كسبت الدعاء لها بظهر الغيب ولك بمثل
وبلاش أخوض فى سيرتها
خلاص أنا مخنوقه من صحبتى وصدر منها موقف عايزه احكى او افضفض

حا تحكى لمامتك او زوجك يبقى نقول مثلا صدر من سين من الناس كذا
وتحكى الموقف بدون ذكر اسماء
وحاولى فى تجمع النساء انك ما تكونيش مصدر لنقل الاخبار فلانه راحت فلانه عملت
اتكلمى براحتك فى عموم الحياه وليس عن خصوصياتك او عن الاخرين
حا تكون مادة حوار شيقه وثمرتها فى الدنيا والاخره
يالا عايزه تجاربكم واقتراحتكم ازاى بتتحكمى فى نفسك فى موضوع الغيبه
يومياتى ان شاء الله ترتيب سريع للبيت وغسيل عميق للحمام
وعمل مندى دجاج للغدا
واشتريت ميكريويف مع فرن كهربائى فعندى مذاكره للكتالوج طبعا
واكيد حا يكون فى خسائر لغاية افهم نظام الفرن يالا سلام