بسم الله الرحمن الرحيم..
طبعا الموضوع باين من عنوانه وأنتم تتساءلون ليه أبكتب
القصة<<< ما أحد سأل بس أنت ودك تقرقين ..
أيه أنا كتبت القصة لأني 24 ساعة مسنترة بالموقع والأعضاء بعضهم عندهم أمتحانات
وأخواني كذلك ما عدا الصغارين ما عندهم<<<< بدت تقص قصة حياته:icon31:
المهم<<< ولللللللللللللوش بتدخل بالقصة:icon28:
أيه السالفة وما فيها ..
راح أبدأ من يوم الأثنين 5/1 يعني قبل الأمتحانات بيووم كان من بكرى عندي إمتحاان كيمياء
يعني أنواع الدجة:icon810: أنا وهالمادة تصدقوون أني أحيانا أقوول وشلوون نجحت من أول ثانوي
وأنا ما أدري وين الله حاطني بالكيمياء..
المهم كنت شايله هم هالمادة مع أني ذكية وعبقريه:rolleyes: <<< الله يستر بس
لالالا جد ترى أنا مو كسلانة بس ما أحب الدراسة؟؟
وليلة الأمتحان اللي زاد علي الهم أني ما أدري كيف طريقة الأمتحانات والقاعات
لأنه أول سنه لي بالكليه<<< يحليله بزر ما تدري وش السالفة:tongue1:
لا وزيادة على كذا هم الأمتحانات لحال..
المهم يوم الإمتحان 6/1 وأنا أروووح الساعة 7 وربع <<<يا الله صباح خير
وأركب السيارة مع بابا<<<صدقت إنه بزر
ويقولي أبوي جوجو شوفي درجة الحرارة وأطالع وت ذيس 3 تحت الصفر
قلت: يا الله بعذري تقل ماسكن كهرب البرد و الأمتحان..
المهم وأصل الكليه و المشكلة الإمتحان يبدأ الساعه 8 وأروح وألقى بنات من قسمنا
قلت بنات وين القاعة:
قالوا: شوفية فوووق وحددوا المكان
قلت: قاعة واحدة
قالوا: أيه وقسمنا كله فيها
قلت: معنى قسم ثاني
قالوا: لا قلت: كويس..
المهم وأطلع فووق وأرووح للقاعة وأدور أسمي أقرأ الأسامي يوووه وين أسمي مافيه وأرووح
لأخر الكشف لأن أسمي دايم الأخير أقرأ نورة نورة نوف مادري مين خلص الكشف وين أسمي
لأن بالقاعة مافيه أحد زي أسمي بس وينه عاد تطقن نفاضة:help: لا يصيرون ناسين أسمي
تهي تهي والله كان تصير مصيبه..
قلت يا بنت الناس هدي من روعك<<<أكشخ تتكلم بالفصيح:
قمت قلت يمكن فيه قاعة ثانيه روحي لمه يمكن تلقين أسمك وأرووح للقاعة اللي بعدهـ وأنا ألقى
أسمي ولللللللللللللللللللللللللللوش بس وين حاطينه بقاعه ما فيها إلا خمس مستجدات والباقي باقيات
وش هالفال ناوين علي لا وبعد حاطين معنى قسم ثاني ...
بغيت أصيح الله يهديكم يا أهلي ليه خلصت حروووف الهجاء عشان تسموني <<<< ما راح أقوول أسمي عناد ههههههه
أقصد تسموني بأخر حرووف الهجاء<<< تراي مو أخر حرف اللي قبله<<<ودهـ تقوله
صح إن أسمي حلو<<<يا شين اللي يمدح نفسه..
بس شكلي أبحط قبله حرف (أ) عشان ما أصير بالأخير
المشكلة ما أعرف بالقاعة إلا 3 بنات بصراحة ما أحب أقعد بمكان ما أعرف اللي فيه
********************************************
وبعدين دخلت الإمتحااان وجتني الورقة وأطالع فيها وش السالفة والله ولا كأني أمس أكله الكتاب
جوجو وش جاكي مو من عوايدك تسوين كذا ...
وأجلس أفكر وأفكر وأدعي و يالله كم سؤال حليتهن والباقي أحط ناتج التفاعل
H2o يعني بالعربي ماء هذي اللي أعرفه...
المهم يوم خلص الأمتحان وأطلع لما الشلة وأقعد وسولفنا<<< ودهـ تكتب وش سولفوا به
ههههههههههههههههههههههههههههههههههههه
************************************************
عاد لما صرت الساعة 10 وأطلع وأرووح للبيت ..
وتجي أمي تسألني عن الأمتحان قلت مو ذاك اللي
قالت إلا إن شاء الله حليتي زيين على مذاكرتك أمس إني
أمس لما مريت من عند غرفتك دخلت عليك وأسمعك وأنت نايمه
تقولين(بروميل) <<<هذا واحد من عيال الكيمياء
قلت كيف .. قالت والله أسألك وش فيك تقولين (بروميل)
تقولين بروميل بروميل<<<< يا عمري جالسة أناديه..
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شكلكم بديتوا تحسووووون أني دافورة<<<<هع هع هع
وبصراحة ضااع وجهي..
وعقبه حطيت لافته على باب الغرفة يمنع دخوول الغرفة أثناء فترة الإمتحانات
لدواعي أمنية<<<< يا قليبي تعقدت..
***********************************************
هذا الجزء الأول عفوا أقصد اليوم الأول <<< صدقت إنه فيلم
هع هع هع
إذا أعجبتكم<<< ما فيه أمل تعجبهم..
ممكن أكملكم باقي الأجزاء..
أتنمنى ما أكوون أطلت عليكم<<<أبد بس أخلصي..
طيب خلاص أتمنى تعجبكم خربشاتي..
..ودمتم بخير..
إحســـاس الـوجـدان @ahsas_alogdan
عضوة نشيطة
يلزم عليك تسجيل الدخول أولًا لكتابة تعليق.
ياحظي اول مره ارد الاولى كملي القصه رهيبهياحظي اول مره ارد الاولى كملي القصه رهيبه
مشكوووووورة قلبي على المرور
عنود2007 :
لا يمكنك مشاهدة هذا التعليق لانتهاكه شروط الاستخدام.
يا قلبي صح عليك أسمي وجدان كيف عرفتي <<<ياشين الذهانة
ههههههههههههه
مشكورة عنودة على المرور
ههههههههههههه
مشكورة عنودة على المرور
اكشخ مافي الموضوع دمتم بخير هههه وش طرا عليك
بعدين عرفت اسمك وكشفتك اسمك جميله او دلال صح لاتنكرين استنتجته من المعطيات اللي عطيتينا اياها << كيفني بس ؟؟
بعدين تعالي هنا وش علاقتك ببروميل هاه تحلمين به بعد خخ
يسلمو ع الموضوع الختيير
بعدين عرفت اسمك وكشفتك اسمك جميله او دلال صح لاتنكرين استنتجته من المعطيات اللي عطيتينا اياها << كيفني بس ؟؟
بعدين تعالي هنا وش علاقتك ببروميل هاه تحلمين به بعد خخ
يسلمو ع الموضوع الختيير
الصفحة الأخيرة
كملي القصه رهيبه