إزاي الكلام ده يحصل ؟
سوف نوافيكم باالفيلم الرومانسي : إزاي الكلام ده يحصل عقب نشرة الأخبار لذلك ابقو معنا ( سينما وأخبار ... لاتدققون ... يعني المخرق عاوز كده !)


-------------------------------------------------------------

نشرة الأخبار من تلفزيون شقة الاحلام (<=== منتب عاقلين يالجزيره )
* وقعت مشاجره عنيفه فجر امس الاول بين تمساح و17 خكري .. هذا وقد اسفرت المشاجره عن نقل الخكاريه كلهم لقسم الطواريء .. اما التمساح فقد تعرض لقبصه ومخشه اسفل خده الايسر وعند السؤال عن اسباب المشاجره ذكر التمساح ان احد الخكاريه ذب عليه وقال : كش عليك ياابو برطم كبير مما ادى لفقدان التمساح لأعصابه وارتكابه لجريمته
* أصيب مالا يقل عن عشرة أشخاص وتوفي سبعه عصر امس الاول اثر مشاهدتهم للمثل الكبير سعد خضر وهو ياخذ حمام شمسي في احدى النوادي هذا ولم يعرف بعد عدد الضحايا الذين تساقطو اثر مشاهدتهم للمثل الكبير وهو عاري الصدر
* أصيب المطرب جواد العلي بأنهيار عصبي خطير نقل على أثره للمستشفى .. ومما تجدر الاشاره اليه ان المطرب جواد تعرض لهذا الحادث اثناء حضوره حفله للمطرب الكبير خالد الملا وكانت الحفله يوم الخميس بالليل .. هذا ولم يعرف بعد سبب هذا الحادث الخطير المآساوي .. وترجح مصادرنا الموثوقه ان للمطرب الكبير ابو حنان دخل في هذا الموضوع ولكن كيف .. الله اعلم
* تم القبض على على ثلاثة تماسيح في إحدى الشوارع .. إثناء قيامهم بمطاردة فلبيني وعند التحقيق معهم اعترفو انهم قامو بفعلتهم لأنهم كانو يرغبون بسؤال الفلبيني عن نوع الشامبو الذي يستخدمه للحفاظ على نعومة ولمعان شعره ومما تجدر الاشاره إليه ان الفلبيني كان اصلع الرأس


------------------------------------------------------------------

كلمة إدارة السينما
قبل تصوير هذا الفيلم .. توفي المخرج الكبير : باسكن روبنز وذلك على أثر خلاف حول الأجر مع الممثل الكبير مدحت عضلات أقدع القدعان ... والذي هبده ببقس ماعاد قام بعدها المخرج باسكن روبنز .... وتنعى إدارة السينما مخرجها الراحل وتهدي هذا الفيلم لأسرته .

----------------------------------------------------------------------
أفلام نص لفه تقدم
فلم المقاولات
إزاي الكلام ده يحصل ؟
فيلم من بطولة : الممثل الكبير واللي بعد تصوير الفيلم صار مسجون ( قاتل المخرج باسكن روبنز + خفس عين الممثله شكريه الحولا بقلم.. باالغلط وهو يغازلها ) مدحت عضلات . أقدع القدعان
فنانة الإغراء : شكريـه الحولا ( صارت عورا بعد ماخفس عينها مدحت عضلات باالقلم )
وإخراج : بابا نجيدا .

---------------------------------------------------------------------

تنبيهات وحقائق
هذا الفلم : فلم رومانسي موب صاحي .... يحتوي الفلم على بعض المشاهد الـ ( محذوف من الرقابه ) ... يعني تدخل الفلم لحالك ولا علينا منك ... ولازم يكون عمرك فوق 20 ... ويفضل تكون متزوج ...
بتقول لي ليش ... بقول لك أشهر فنانة إغراء معنا ... وش بيصير يعني ... يله عاد افهمها ياذكي !
عموماً : هالفلم حقق أعلى إيرادات في محلات الفيديو بالشميسي ( بالقرب من دوار أم سليم ) ... حتى لدرجة أن الباكستانيين معد يلحقون يسجلون ....
ويقال أن سعر النسخه الواحده أرتفع الى 15 ريال نظراً للإقبال المتزايد على الفلم ... لدرجة ان الباكستانيين صارو يبيعون أشرطه فاضيه على أساس انها الفلم ....

-------------------------------------------------------------------

ملاحظه هامه : سبق وأن قام الكاتب بعرض هذا الفلم في ساحة الإقلاع قبل مده ,, لذلك جرى التنويه

نتمنى لك اطيب الاوقات فالي الفيلم
إزاي الكلام ده يحصل ؟
--------------------------------------------------------------------

يبدأ الفيلم ومدحت عضلات جالس يحتري شكريه الحولا عند محل سياكل , لأن ابو شكريه محجر لها ومعيي انها تشوف حبيبها مدحت عضلات .
جت شكريه ويوم شافها مدحت عضلات أبتسم أبتسامه كلها حب وحنان يوم قربت منه شكريه الحولا قالت بدلع : مدحت حبيبي انتا ليه قايب معاك اخوك التوأم ؟
قالها مدحت عضلات برومانسيه : شكريه ياالحولا فتحي عيونك كويس انا حبيبك مدحت عضلات وبس .
ضحكت شكريه ضحكه أغراء وقالت : حبيبي مدحت انا لازم أعمل عمليه وأرقع عيوني زي ماكانو .. البارح يامدحت ياحبيبي بخيت على بابا فليت بدال ماابخ عليه كلونيا لأن علبة الفليت والكلونيا كانو قنب بعض ..والمشكله بدال ماابخه في هدومه ..بخيته في عيونه بس كان موقف رومانسي اوي يامدحت والله فاتك شكل بابا وهوا في الأسعاف مسدوح ويصارخ : عملتي فيني أييييييه ياعطيات منك لله يامقرمه ( حتى ابوها أحول يحسب أمها هي اللي بخت عليه )
قالها مدحت عضلات : أهم حاقه نتقوز ياشكريه ..أنا أحبك ومش عاوز أبوكي يقوزك للمعلم بطاطس .
قامت تصيح شكريه وقالت : مدحت .. بابا ناوي يقوزني غصب عني للمعلم بطاطس أعمل ايه ؟؟ إزاي اتصرف يامدحت ؟؟
قالها مدحت : مافيش الا اننا نهرب انا وانتي سوا ونتقوز في أي حته .. أولتي أييه ياشكريه ؟؟
قالت شكريه : حخربها معاك يامدحت .. حنعط سوا انا وانتا ونتقوز ونخلف سبع عيال واربع بنات .. وحأصلح ليك المسلوسه و الزلطه اللي انتا تحبها كل يووم ياحبيبي .
قالها مدحت عضلات : خلاص ياشكريه انتي ولمي اغراضك وانا أمر عليكي ونعط انا وانتي سوا .
قالت شكريه : بس انا خايفه عليك ياحبيبي يامدحت من بابا والمعلم بطاطس لما يعرفوا انتا حنهرب سوا ؟
قالها مدحت عضلات : أزهليها ياشكريه ..أي حد يفكر يعمل أي حاقه حكسره.. حشرب من دمه ..أنبطه باالنبيطه وأخليه يقيب العيد .. آآه ماعنديش لعب عيال !
قالت شكريه الحولا وهي تناظر في سيكل واقف تحسبه مدحت عضلات خلاص ياحبيبي يامدحت .. وعدنا اليوم الساعه 10 بالليل .
طلع لها مدحت الورده الصفرا اللي كان زارفها من محل وهو جاي في الطريق وقال بحنان : شكريه ياحبيبتي .. أسمحيلي أهديك هديه صغيره .
قالت شكريه الحولا بدلع : الله ياحبيبي حلوه أوي البلوزه الحمرا ( ترا من جد عيونها منعدمه ) ان شاء الله ماأتحرمش منك ومن هداياك الحلوه .
ينتقل المشهد إلى قهوة المعلم بطاطس , اللي كان قاعد وقدامه الشيشه وهريدي أبو سبع أصابع يضبط له الجمر ويعلمه انه شاف مدحت عضلات وشكريه الحولا يتواعدون على الزواج .
قال المعلم بطاطس : باين أن الوله مدحت مش ناوي يرسيها على بر .. ناوي يزرف مني شكريه !!! بس انا حوريه شغله ..لازم أتقوز شكريه النهارده .. يالله ياهريدي قيب الشباب ويالله بينا على بيت ابو شكريه نخطبها .. وماتنساش ياحمار تقيب معاك الفراخ لزوم الفرنكه يعني , وعاوزك ياهريدي بعد ماتحط الفراخ هناك .. تروح انتا والشباب تشغلو مدحت عضلات لحد ماأتقوز شكريه ( والله ياهو كرفه مسيكين ) .
كان مدحت عضلات قاعد يشتغل في عماره توها تبنى قاعد ينقل بلك .. ومادرى الا وهريدي أبو سبع أصابع يناديه من تحت العماره : مدحححححححت ياحمار في أمك خير أنزل .. حكسر راسك يا..يا..يا..يا..ياأصلع ( مدحت عضلات له شعر على جوانب راسه بس ) !
مدحت عضلات سمعه يقول أصلع وهو اللي يطب من الدور 12 ( بكيفكم تصدقون ماتصدقون بس تراه سواها و طب من جد ) كان هريدي أبو سبع أصابع ومعه 15 واحد يحترون مدحت عضلات ناويين يليخونه .. وكان كل واحد منهم معه 10 قنابل .... و 8 صواريخ ... وبندق أبو صتمه ( موب كنه خش غلط ذا ) !
وصلهم مدحت عضلات وماكان معه الا بلكه وحده بس ياناس وقف قدامهم مدحت عضلات وفي أقرب عمود قام يصقع راسه .. يبيهم كودهم يرتاعون اذا شافوه يصقع راسه في العمود ويمسك البلكه وعلى طووول في راس هريدي ....
يوم جو الباقين يبون يجلدونه وفجأه ... قام مدحت عضلات يتنافض .. خش جو المطاقه وجته أم العبيد طقته النفاضه وتملكه جو الطرب ( لاأحد يقول وش دخلها .. لأني انا نفسي ماأدري ) ويطب عليهم وبحركه خطافيه تدل على سرعة أستجابه.. أبن أمه يسويها .. يعطي أولهم بقس .. ويخفس عين الثاني ..ويدغدغ الثالث .. ويمسك الرابع مع رجوله ويقعد يدور فيه... ويعطيها نقزه في الهوا مع صرخه على سبلكس خلفي ويعدم أبو جد الباقين ( فيلم مقاولات ياناس لاتستغربون )
ولا بقى الا هريدي أبو سبع أصابع توه مابعد قام من قوة الكمخه باالبلكه ويجي مدحت عضلات ويقومه مع شعره ويقول : هريدي يامعفن .. أوعى اسمعك قايب طاري الصلعه فاهم .. وانتا شبه فرخ التمساح .
قام ينتفض هريدي ويشر على فمه !!! ... ارتاع مدحت عضلات وقال : هريدي رد عليا انتا بلعت لسانك ياحمار والله ماكانش أصدي اني اكمخك ببلكه ياحبيبي .
قاله هريدي :لا ياغبي أرب مني عاوز أؤلك حاقه .. مش هما في الافلام لما ييقو يموتو يؤلو حاقه وبعديها يروحو فيها
قاله مدحت عضلات : آآآه صحيح .. عاوز تؤول إييه ياحمار؟
قال هريدي : المعلم بطاطس حيتقوز شكريه بعد ساعه .
قال مدحت عضلات : ايييييييييييييييه ؟؟ ومن هول الموقف مسك مدحت اقرب بلكه طااااااااااااخ .. فوق راس هريدي ( والله ياهو هريدي ضعيف انكرف في هاالفيلم من جد )!!!
ويشغل مدحت عضلات اللادا 73 ويجي مشوت مليون ويدعس هريدي على طريقه ( الخبل تحمس ودعسه صدق موب تمثيل ) ويروح لبيت شكريه وهو ناوي يعدم المعلم بطاطس على أبو شكريه على أم شكريه على شكريه نفسها ( خلاص أذا استنزل وخرو عن طريقه ) !!!
وصل مدحت عضلات لبيت شكريه وشاف أم شكريه ( عطيات ) واقفه في البلكونه وقاعده تزغرد وتشكشك وبحركه أكشن متهوره من النادر نشوف مثلها هاالأيام يسحب مدحت عضلات جلنط باللادا 73 والشارع مليان أوادم على اساس يبي يوقف بسرعه لأنه كان طاير ( تلقاهم دايم متحمسين .. والقير يقعد يحن .. وآخرتها ماشي 40 ويحسب نفسه طاير ) يوم سحب جلنط زحفت معه اللادا 73 ولارده الا صعيدي قاعد يشيش على كرسي .. نتف ابو جده فوق الشجره وينزل مدحت عضلات وهو يصارخ : شكريييييييييه .. وتطلع شكريه مع الدريشه وتقول : مدحححححت .. حاااااسب من العربيه يامدحت حااااااسب !
يوم التفت مدحت ولا المعلم بطاطس مخربها وجاي طاير بقلابي ناوي يدعسه ( شباب الحركه اللي تبي تصير الحيين مدحت عضلات سواها وهو محشش علشان يضبط الدور ) مسك مدحت عضلات اقرب صعيدي شافه وجدعه قدام القلابي..وطلع نبيطته وغمض عيونه وقال : انا حكمخك يامعلم بطاطس بإحساسي مش بنظري وفعلا حط مدحت عضلات سبع حصيان وأطلقها جهة القلابي وهو مغمض عيونه ( كل هذا صار والقلابي مابعد صدمه .. حركات كابتن ماجد اذا سوا دبل كيك يقعد حلقتين مابعد وقع على الارض ) المراد .. صدم المعلم بطاطس مدحت عضلات .. لأنه ولا وحده من الحصيان جت في القلابي .. طار مدحت عضلات من قوة الصدمه وبنط في جدار بيت شكريه وطاح وغمض عيونه يعني اني ميت ..
جاه المعلم بطاطس وقال : واخيرااااا حتقوز شكريه ومش حشوفك مره تانيه يامدحت ياعضلات ..
وفجأه حس المعلم بطاطس بشي وراه يوم التفت ويلقى شكريه قاعده تركض ناصيته والشوشه طايره ومعها خشبه ناويه تليخه فيها تحسبه ذبح مدحت عضلات .. وتتوالى المفاجآت ويقوم مدحت عضلات من طيحته ويقول لشكريه وهو يضحك ( توها مابعد فكت ) شكريه حبيبتي ايه رايك فيني وانا ميت ..أعرف أمسل مش كده وتتوالى المفآجآت اكثر واكثر ( فيلم مقاولات يعني عادي كل شي … أن شاء الله لو ابي اخلي المعلم بطاطس يكتشف أن مدحت عضلات طلع ولده في النهايه مااحد يقول لا ) ويجي ابو شكريه ويقول : إييييه اللي انتا عملتوه ده يامعلم بطاطس الفراخ اللي انتا قايبها طلعو ميتين يامعفن .. عقابا لك مش حقوزك شكريه .. شكريه انتي حتتقوزي مدحت عضلات على سنة الله ورسوله ..
قام مدحت عضلات يتشقلب ويرقص باليه في الشارع من الوناسه و يصيح من الفرحه ويمسح خشمه بطرف كمه والنشقه يسمعها اللي بآخر الشارع ( موب لله بس علشانها تبي تسوي له زلطه كل يوم ) وشكريه بحنان الدنيا كلها قامت تناظر عمود نور ( تحسبه مدحت عضلات ) وتقول بأغراء : ياحبيبي يامدحت .. وأخيرا حنتقوز ياحبيبي .
وهكذا نستفيد أخواني من القصه بأن كل واحد لازم يفطر في الليل علشان مايتأخر عن جامعته العصر . وأن يدبر له دافورين أقل شي من بداية الترم علشان اذا غاب واحد منهم مايتورط ويصير له اللي صار لي .





ملا حظه مهمه الفليم مسروووووووق من شقة الاحلام
===========================
:26: دقااات قلبي:26: