بسم الله الرحمن الرحيم.,
بنات تابع لموضوع أمس و هالرساله ارسلتها لي صديقتي علشان انزل موضوعها.,
.
.
اخواتي اول شيء بقول لكم معاناتي.,
كلنا نعرف وش تعني الأخوة و الحب و التضحية .,
انا اكبر بنت عمري 21 حساسة و ع اتفه شيء ابكي انجررح كثييييير خاصة من خواتي الاصغر مني.,
الاصغر مني 19 و 17 و 16 يعني هالسن البنت تحب تبرز نفسها و تفرض رأيها .,
ابدأ باللي بعدي.,
تقريبا لنا 3 اشهر م نكلم بعض ابدا و احنا بنفس الجامعه بعد .,
اختي هذي دايم تسبب لي مشاكل تسب و تجرحني بالكلام و لا كأني اخت كبيره لها ابدا اخر مرا تكلمنا فيها كنا ننقاش موضوع و قالت لي انتي اصلا كذابة في كل شيء و كلامك غبي و انتي تغارين من كل بنات الكون!!!
تخيلوا ي بنات مثلا شيء م اعجبني وقلت مو حلو قالت تغارين انتي يعني لازم نكون نفس الذوق؟؟؟؟ و تقول هالكلام قدام امي و ابوي و اهلي كلهم و والله انها تحززز بنفسي كثير.,
آخرتها بكيت دم قدامها و كأنها هي الكبيرة و والله ما نزلت منها دمعة وحدة ابداااااا و قالت لي يكفي اني بكيتك .
و بعدها خلاص قلت لا تكلميني و لا أكلمك.,., و فعلا 3 اشهر و الله م نعرف بعض ابدا و مرتاحة انا كثثييير .
بعدها من كم اسبوع و اختي الاصغر اللي عمرها 16 و هي مكرهتني عيشتي هي اصلا نفس طباع اختي الثانية ..
لكن ابلع الموس و اقول صغيرة بس طباعها و جسمها و تصرفاتها أكبر بنت فينا.,.,
كل يوم هوشات و اخرتها قبل يومين كسرت كلام ابوي و قال لها تشيل شيء و عيت حلف تشيله و عيت أنا وقتها غسلت يدي منها و صارت تسبني و (تقذفني) بكلام الله وحده يعلم فيه .,يعني لو رحت المحكمة و اشتكيت والله لياخذون حقي منها .,.,
أمس حصل بيننا مشادات بالكلام و قامت تضارب و كنها ولد و أمي كانت موجوده بس م سويت شيء ولا مديت يدي علشان أمي بس و مو حلوه في نفسي اني اضارب .,
قمت اليوم و أنا مقدر أحرك رجلي اليسار و الله يا بنات من ضربتها لي في فخذي بالضبط أمس شاتتني برجلها بقوة احس فيها الحين مثل الكسر بالاضافة الى ضربات في يدي و تمخيش باظافيرها. وتقول لي بضحك و استهزاء..مريت على ناس كثير في حياتي بس ما شفت احد على النية مثلك!!
امس رحنا المول مع بعض انا بالعادة احب اشتري فساتين طويلة مو علشان شيء بس انا اميل للفساتين الطويله .,
والله ي بنات يقولون انتي تلبسين طويل علشان تعجبين الحريم و ترضينهم و يخطبونك .,
و هالكلام ليته ينقال لي لوحدي يقولونه قدام ابوي و امي و انا معاد اعرف وش اسوي.,
و انتم تعرفون وش كثر هالكلام يجرح و يحز بالخاطر
اكتب لكم وانا ابكي م اقدر اقول لأمي شيء مع انها عارفة كل حاجة لكن م احب ازيد همها .,
الحين قلت لها لا تعرفيني ولا اعرفك مثل اختها اللي قبل.,.,
يعني الحين م عندي الا اخت وحده بس.,
اقسم بالله ي بنات اتمنى اعيش في اي مكان اي بلا المهم بعيد عنهم و ناوية باذن الله اول شخص يتقدم لي اوافق و اتزوج و ارتاح منهم .,يا اني ندمانه ع اللي رفضتهم قبل بس هذا قرار و م ارتراجع عنه..,.
ادعوا لي تكفون في هاليوم و الله اني بحاجة لدعواتكم.,.,
انتهت الرسالة.,
الله يفرج همك و يحقق لك امنياتك .,
تعليقكم بنات.,
ملكـه الحب @mlkh_alhb_5
محررة
يلزم عليك تسجيل الدخول أولًا لكتابة تعليق.
غلاتي ماماتي
•
الله يكون بعونك بس ترى عااادي ياما تهاوشت انا وخواتي وتضاربنا وربي حتى الدم طلع من كثر الضرب هههههه والحين انا متزوجه وانا اكبر خواتي وعلاقتي معاهم سمنه ع عسل بس انتي شكلك حساسه شوي وضعيفه شخصيتك يعني لما تغلط عليك وقفيها عند حدها او قولي لابوك وامك يوقفونها عند حدها الله يسخركم لبعض
االله يهديهم بس ترا القطيعه بينكم مو حل ابدا ابدا .. من المفترض تكلمين والدتك ووالدك عن كل سوء تعامل صدر منهم لانهم راح يتمادون
الله يفرج همك ياربالله يفرج همك يارب
عادي حبيبتي الأخوات تصير بينهم هواشات بس بالنهاية يبقون أخوات وقلوبهم على بعض
الله يكون معاك :13:
الله يكون معاك :13:
الصفحة الأخيرة