فيه حل للقدم اللي السواد فوق الاصابع ؟؟؟

الله يخليك لابو عيالك

ادهنى اصابعك فى فكس والبسي شراب وكررى هالعمليه اسبوعين او 3

وكل ما جيتى تتروشين فركى اصابعك بليموووون

هلا أم حصه .. حبيبتي أعتقد هذا السواد من الله يعزج الجزم والصنادل وأشعة الشمس , لأن أنا كان فيني بعد .. المهم بقولج شتسوين
-خذي ليمونه وافركيها عدل على أصابع ريولج واذا خلصتي خلي بقايا الليمون 10 دقايق عقب غسلي ريلج بماي دافي ,
- استخدمي الاسكينول .. اختاري النوع اللي يعجبج وحطيه على قطنه أو فوطه بيضه صغيره وافركي فيها أصابع رجلج عدل
- وسوي تقشير لأاصابعج , احلطي ليمون وملح وسكر خشن وشوية زيت لوز وافركي اصابعج فيهم بليفه وعقب اغسلي أصابعج
- وكل ليلة رطبي رجلج قبل لا اتنامين , استخدمي الجليسوليد
أنا استخدمت الليمون والاسكينول والسواد الحمدلله خف وااايد , جربي مب خسرانه
خخخخ أحسن من الصالون

حبيبتي انا كنت اعاني من سواد شديد على تحت الكوع اللي بالرجل سواد فضيع

واستخدمت الليمون كل يوم افركه واخليه عليه نص ساعه واذا غسلت دهنته بفازلين ولبست شراب والله شهر والله رجلي بيضا بيضا ولا في ولاسواد والحمد لله ياارب ..

انا مجربه طريقة فله ووناسه

من جد أنصحك بها روووعه

احسن شي تعملين لها تقشير كل أسبوع(فرك بمقشر للأقدام ويفضل المشمش) يعد ماتنقعينها بماء دافي وتنظفينها سوي تقشير وشددي على مناطق السواد وبالليل قبل ماتنامين ادهنيها بجلسرين سائل +ليمون لآنه مفعولة يرطب ويطري ويفتح لآن السواد هذا من الضغط حق الجزمة والجفاف

شوفي هذا الموضوع يمكن ينفعك
http://forum.hawaaworld.com/showthread.php?t=302677