فيه طريقه تطلعها من ذا المأزق

السلام عليكم اختي متزوجه قبل 12 سنه وبالبدايه كانت تمرها احيانا مشاكل مع زوجها على مدار اربع سنوات من بداية زواجها .اتفقت مع دكتوره تعرفها بقسم النساء انها تكذب على زوجها وبدأت تشتكي قلبها لزوجها راحت وقت دوام الدكتوره هي وزوجها وسوت تخطيط لقلبها وقالت لها انتبهي لنفسك من الزعل عندك مشكله بنبضات وممكن مع كثرة الزعل تسبب جلطات وكتبت لها علاج من الصيدليه وقالت تستمري عليه ثلاثة اشهر .صار يجيبه زوجها وهي ترميه بالحمام على فترات وعلى بالهاتستخدمه علاج القلب
ورجعت هي وزوجها على الدكتوره بعد ثلاثة اشهر و قالت وقفي العلاج وانتبهي من الزعل ممكن يعرض حياتك للخطر
.ومن ذاك الوقت وزجها حتى لو هي غلطانه يمشي الأمورخوفا على سلامتها حتى لو عصبت على عيالها يهديهاوإذا زعلت يطلعها من جو الزعل على طول ..انا ادري انها اثمه من هذا الي سوته والان تفكر كيف تطلع من المشكله وماتقدر تقول لزوجها انها خادعته طول هالمدهخايفه يقلب عليها وهي ندمانه ندمانه كذبها وتميرضها طول الوقت وصارلها قريب 8 سنوات على ذا الموال