كلمي اهلك بكل شي وقولي انه يحشش ويتهيأ له
قولي كان في جوالك صورة اختك او صديقتك لذلك رفضتي تدي له مش معقول يتفرج على اعراض الناس
قولي كان فيه سر اي حاجة
قولي ما صدق ويشك لانه يحشش ولانه هو يعمل الحاجات ذي
واحكي لهم عن كل وساخته لا تخبي شي
وموضوع السكين كمان احكي كل شي
يختي سكوتك بيثبت التهمة عليك بيقولوا ساكتة لانك خايفة
قولي انك سكتي هالمدة من الصدمة جاتك حالة وما استوعبتي والان صحيتي وحكيتي
قولي ماانك مصدقة انك نجوتي من يده ولازلتي على قيد الحياة وابكي وانهاري
انقذي نفسك يا حرمة واصحي على حالك وانقذي نفسك واولادك لهم عليكي حق لا تلقي بنفسك للتهلكة حرام
لا ترجعي لا ترجعي
وكلمي امه بكل شي عنه وانك كمان كنتي تاخذي حافز وكله الهدايا من فلوسك خلي يعرفوا
بس قبل تكلمي امه كلمي اهلك

ونصيحه لوجه الله ولا تجني على نفسك وعلى عيالك ايش اللي جالسه تتعذريله لاتكونى معميه لهذه الدرجه محد يتمنى بيتك ينخرب بس كونى واعيه واعرفي ايش لك وايش عليك ولا تتنازلى عن حقوقك وربي عيالك بعيد عنه لانهم راح يدمروا من تحت راسه وماراح تفوقى الا وانت مضيعه كل شي حرام علي نفسك وعيالك هذا وانت عاقله استخيري ووكلى امرك لرب العالمين اذا خايفه من موضوع الانفصال استخيري مرا ومرتين وعشر المهم شوفي لنفسك صرفه رفعت السكين مو شي عادي ان سلمت هالمرة ماراح تسلم الجايه وحكمي عقلك وضميرك واتركي قلبك على جنب الا على عيالك ونفسك ..

1/ توبي لله من ذنبك انك كلمتي رجال غريب وامسحي كل شيء ثم سوي له بلوك ثم احذفي حساباتك بكبرها ثم احذفي البرامج ولا تعلمين أحد أبد عن هالشيء وانتبهي تعترفين لا لزوجك ولا لغيره
2/ ترى ذنبك ذا حتى لو دروا عنه كلهم زوجك وأهلك ما يقارن بذنوب زوجك علاقات وصور ويطلع مع حريم ومدمن وشكاك ويموتك ضرب بدون سبب وحتى لو عنده سبب ما يحق له هالخسيس !!!!!!!!!!!!!
3/ ترى سالفة الطبخ والتنظيف والترتيب أيضا ما تجي شيء عند عيب واحد من عيوب زوجك ولا تعتبر عيب أصلا خصوصا بحالتك !!!!!!!!!!!
3/ انتبهي ترجعين له لو وش ما صار تطلقي منه وحتى لو ما طلقك لا ترجعين لهالمجرم لأنه ما يقدر ياخذك غصب من بيت أهلك
4/ إذا هاينه عليك نفسك تعيشين هالعيشة فكري بولدك المسكين وولدك اللي بيجي إن شاء الله حرام عليك يعيشون مع أب مريض زي كذا
5/ إذا مستصعبة العيشة عند أهلك عشان الفلوس ترى الفقر أهون مليون مرة من عيشة مع حقير مثل زوجك وإذا أخوانك ماراح يتقبلون الموضوع ماعليك منهم هذا بيت أبوك أو أمك عيشي فيه غصب عنهم
6/ أنت جامعية وتقدرين تتوظفين وتأمنين لنفسكوعيالك عيشة كريمة
7/ ترى أخوانك لو يدرون عن جريمة واحدة من جرايم هالحقير بحق أختهم هم بيطلقونك منه بنفسهم
8/ شيء غريب كيف مع كل اجرامه مستحملته كنك مجبورة وكن ما في شيء اسمه طلاق بالحياة وباقي تحسين بالذنب ان طبخك وتنظيفك مو مرة بينما زوجك النذل مسوي الهوايل فيك !!
9/ الأغرب انك ما رحتي لاهلك الا لما هو وداك وطلعتي نفسك قدام الكل غلطانه بينما بالحقيقه هو الغلطان الوحيد والغلط راكبه من ساسه لراسه واغلاطه في قمة البشاعة ولا تغتفر ابدا !!
10/ اذا بعد كل ذا رجعتي له بارادتك فأنت تستحقين كل شيء يجيك منه لكن وش ذنب عيالك المساكين
11/ تراك فاهمه الدين والقضاء والقدر غلط ترى المسلم يستسلم لقضاء الله ويرضى بالقدر لما يكون غير قادر على فعل شيء لتغييره مو ينضرب وينهان وينذل وينظلم وهو ساكت وراضي ويقول قضاء وقدر !!
12/ هذا اسمه القاء بالنفس للتهلكه وهذا حرام لو كنتي ما تعرفين يا متدينه !!!!!!

شوفي انا ما قرأت الردود ولاكن اقلك
خذي ابوك وأخوانك الكبار على جنب من غير امك بس الرجل
وتكلمي معهم
قولي انا ابنتكم وعارفين تربيتي ومستحيل اهدم بيتى بيدي لو كان فيه امل
وعددي جميع عيوبه تعاطيه للحشيش علاقته المشبوه مع النساء
شكه فيك محولت قتلك ودخوله عليك بالسكين وضربه المتكرر
لك وانك اصبحتي لا تامنين على نفسك ولا علا ولدك هذا هو الحل الوحيد في نظري
ولا تحولين الرجوع له مهما كان السبب لقد كثر قتل المتعاطين لزوجاتهم انفذي بجلدك
ابنك والحمل الذي فيبطنك خير من ربنا لا تعلمين انت تنجبي غيرهم او لا حافظي عليه وشكري ربك
والله يسرلك امرك ويريح بالك ويكفيك شر هذا الزوج الخئن

فعلا راسلي المشرفات يحذفون الموضوع...لكن ترى كلامك هذا يخوف ويدل على أنك مو مدركة لحجم الخطر الي انتي فيه ...يابنت الناس ليش ساكته ومخليه الموضوع أمام الكل انو تقصير في شغل البيت وانك مو نظيفة ..على الاقل خلي الموضوع سر بينك وبين أمه علشان تساعدك في علاج ابنها ...انت شايفه ان السبب انه كشفك وشك فيك وذابحه الشك وفي نفس الوقت يحبك وهذا جهل منك بمصيبة الحشيش وتتعذرين له وأنه مقلل ومتوقف...الحشيش قليلة مثل كثيره يتعب الإنسان ويعجز تماما يتركه أو يخفف منه علشان كذا مصنف على انه ادمااان وفي الغالب يعجز يتركه وفي نفس الوقت مايغنيه يعني مايقدر يعيش إنسان سوي وينتقل لنوع آخر مع الحشيش وفي الغالب يكون كبتاجون حبوب وسواء الكبتاجون أو المرحلة الأخيرة من تعاطي الحشيش توصل الإنسان لخلق في الدماغ والأعصاب ويشوف اشياء غير موجوده مثلا يشوفك تضحكون بمكر وهو يتكلم عن خيانتك أو يشوف اي علامة تدل على شدة اعجابك بشخص آخر ويسسسسسمع اصوات غير موجودة مثلا ضحك قوي أو صياح أو أشياء أخرى والله اني قاعدة أكلمك بصورة علمية متااااكده منها حتى لو مقلل...لأن إشارات الدماغ تتغير ..هذي المعلومات سمعتها من زوجة محشش تواصلت مع الدكتور المعالج لزوجها وقال مصيبه الزوجات تحب وتجعل أشياء كثيره...حياتك في خطر لالالاترجعين كتب لك ولعيالك عمر جديد ..الله يحفظك ويكفيك شره وشر حبك له ...حكمي عقلك المسألة حياة أو موت ...وإذا مصممة تستمرين تسترين عليه وتاخذينها في وجهك انك مو نظيفه وو فاستخيري علشان ربي يختار لك الخير واجتهدي في الدعاء...الله يحفظك ويحميك واطفالك