حلوه هذه أمه تحبك تروحي عندها تعلمك الطبخ وشغل البيت عشان ما تطلقي هذا ماهو سبب تطلق الناس عشانه هذا أولا وكان قلت لهم بفم مليان أمي علمتني كل شيء أساسي وضروري قبل ما تقبل تزوجني وقبل ما أدخل بيت زوجي وهس قاعده أطور حالي وأحسن قدراتي بكل شيء ليش ما أفحمتيهم ، والحمل تطلقي ومعك إثنين يتونسوا ببعض أحسن من واحد ومو ضامنه تنجبي ثاني لا تقعدي تلومي في حالك وإنتبهي لصحتكم هذا رزقك والله ساقه لك لا تتبتري على النعمه بالعكس هم قوتك وسندك مستقبلا ورزقهم موجود عند الله مو عند الناس.

تعرفي إش إلي مخليك سلبيه الآن هو إنك خايفه يفضحك ويقول إنك تكلمي شباب ولأنك غلطتي مره كانت زله موغلطة ما تستاهل تضيعي حقوقك عشانها بس لأنك عندك خوف من الله مكبرتها وكأنك سويتي مصيبه عديم الضمير يزني وباله مرتاح ويقلب في الأمرعليك عشان تسكتي ليش خايفه ماسك عليك دليل لا مجرد شكوك إنكري تخلصي من تأنيب الضمير والخوف من كشف أمرك ماهي إلا زلة مقارنة بمصايبه وخلاتك متزعزعة فيقي على حالك إنت ماسويتي شيء عشان تخافي وتستحي قوي قلبك وتخلصي من عقده الخوف سوي غسيل مخ لنفسك وإنسييييها راح يزول إرتباكك وخوفك وتدافعي عن نفسك لأنك بنت ناس وشريفة ما عمرك أرسلت غراميات لأحد وكنت عشيقة له إذا إتهمك قولي هيك وفعلا صادقه.

عندك أدله توريها لأهلك وأهله على الأقل أنه يخون إذا لا إسحبيه بالرسائل قولي له مثلا شفت رسالتك وغرامياتك .... إنت تحشش .......تستغلني وتآخد فلوسي من حافز .......إنت سحبت السكين .....إنت تشك فيني وتقدفني ....إنت مقصر يوم جات أمك أنا دفعت وسويت ..... وكل مره هو راح يرد يقول ليش تتجسسي نعم أكلم......ردوده كلها إحفضيها عندك هي دليل على كل شيء هذا أولا .

بعدها إقلبي الطاوله عليه إنهاري بكاء و" إزرعي كل شيء وخلي ينبت " مثل ماقال المثل قولي لهم إبنكم مريض بالوسواس لأنه يحشش سووله فحص دم وأنتم تتأكدوا وخائن يعرف بنات حرام ويراسلهم ويقابلهم كشفته وقرأت كل شيء بجواله ولأن البلا فيه يشك فيني أرسلت مره رساله ثقافيه أمامه قلب علي الدنيا ومنعني بلاك بري وتويتر ويراقبني وحب يقتلني بالسكين وسكرت على حالي الباب أخاف أعيش معه ما أأمنه على حالي وعلى الأولاد سترت عليه وصبرت بس حالته مالها وتزيد لازم تعرفوا عشان تسووا شيء وتلحقوا تعالجوه من إدمانه صدقيني هو وأهله راح يبوسوا رجولكم عشان ما ينفضح إبنهم وإخوانك وأهلك راح يسندوك لاتكوني غبية وتخليه يعديها عليك إش أصبر و أستر عليه حلوه هذه أستر عليه وأخليه يفضحني وأنا ماني مسويه شيء لا والله أتغدى به قبل ما يتعشى بي ما يستاهل هذا ، رب يفرج همك وينصرك عليه

كيف تحملتي هذا كله ولا علمتي احد اختي نصيحه حبي نفسك لا ترضين لها المهانه واكراما وحب لنفسك قبل كل شيء ختاري لها اللي يريحك ويخليك سعيده لا تهون عليك نفسك اجعلي لك قيمه واعتبار كل انسان نفسه غاليه عليه حبالذات فوق كل شيء والله يكون بعونك ويقويك ع كل متسلط .