في البيت وزن وعند الدكتور وزن؟؟؟؟وش السالفة

يا بنات يا حلوين اشربو الحليب..... ياخف دمي بس والله من القهر
اول شي الحمدلله على الصحة والعافيه
ثانيا
انا اسوي رجيم او تخفيف يعني كل يوم افطر اما كورن فلكس بر مع حليب منزوع الدسم
او توست بر مع جبن منزوع الدسم
اروح الدوام
ارجع الظهر اكل زبادي منزوع مع نخاله ( خلطة القصيميه)
اتغدى العصر دجاج مشوي صدر مع سلطه بس
اتعشا اي شي خفيف فاكهه او زبادي
حلو
كل يوم اوزن الصباح انا لي شهرين ما شيه على هذا النظام اول ما بديت كان وزني 90 الحين وزني 83في ميزان بيتي......
طيب رحت امس لطبيب هرمونات وغدد
لما وزنت عنده طلع وزني 88:(
انا مصدومة اذا كان ميزاني خربان هل يكون الفرق كذا 5 كيلو فرق؟؟؟
وش السالفه لا حظوا اني عدت وزنت 3 او 4 مرات وكل شوي اقول للممرضه انتي متاكده تقول ايه متاكده اخر شي انا سويت الميزان بنفسي تعرفون ميزان المستشفيات هذاك الي طويل وفيه حديدتين
معقوله شهرين واخر شي كيلوين
لاحظوا اني والده من ثلاثة شهور
بليز وش السالفه
اليوم رحت على طول على الثلاجه وكلت كل شي حارمة نفسي منه لاني مقهورة
هذي اخره الصيام كيلو في الشهر؟؟؟
والله بغبسه