لي 12 سنه متزوجه على كثر مشاكلي مع زوجي وعيوبه بس احسب رجال ستر وغطا
رغم انه بكل محاسبه عند الكاشير لازم يتكلم علي ويرجع بعض الأغراض لازم يجادل بكل مره طلبت منه مايناقشني قدام الناس ويفشلني .. وعيب الي تسويه
بس ماتوقعته الى هذي الدرجه …
كان اكثر من مره يفتح الرسائل الصوتيه عند أهله !
كنت احسب يهوجس وبالغلط فتح الصوت !
بس صدمني ولدي اليوم وهو وراجع مع ابوه وعمه من صلاة المغرب يقول يمه ابوي يفتح صوتك قدام عمي ويعلمني وش بالنقاش ووش كنت اقول ..!!
كان نقاش حاااااد بيني وبينه 💔💔 حسبي الله ونعم الوكيل
انصدمت!
جاني سألته قال بالغلط ويتكلم ببرود..
انهرررت وتهاوشت معه قال قصري صوتك الرجال بالمجلس ..!!
قلت ليش وش بقى!
قعدت استرجع تصرفاته معي قدام أهله دايم يكلمني جوال بنقاشات خاصه بيني وبينه واسمع الناس حوله
اذا قلت ليش تكلمني عند الناس قال ماعندي احد !! 💔
والله اني في حالة صدمه ادور فيها..
ابكي بكا مرير الي انا فيه وشو ياناس
ليش يسوي كذا !
مصدووومه كرهته كرهته
ودي اتطلق وخايفه اندم
هدوء وسط الزحاااام @hdoaa_ost_alzhaaaam
محررة ذهبية
يلزم عليك تسجيل الدخول أولًا لكتابة تعليق.
هدوء وسط الزحاااام
•
يااارب ان كان موتي انا وطفلي بيوم واحد خير لنا فيسره
دايم اقرا مواضيعك اسالك الله ان يسحره لك
اذا تبين تتطلقين استخيري واقدمي الطلاق مو عيب.
اما انك تدعين على نفسك وعلى ولدك بالموت بذا الشهر الفضيل ؟؟!!!
انتي اصلا مستعدة للموت عشان تستعجلينه ؟عندك رصيد كافي من الحسنات قريتي عن نعيم القبر وعذابه ؟
والا تحسبون الموت سهل يوم تدعون به ؟؟
اذا تبين تتطلقين استخيري واقدمي الطلاق مو عيب.
اما انك تدعين على نفسك وعلى ولدك بالموت بذا الشهر الفضيل ؟؟!!!
انتي اصلا مستعدة للموت عشان تستعجلينه ؟عندك رصيد كافي من الحسنات قريتي عن نعيم القبر وعذابه ؟
والا تحسبون الموت سهل يوم تدعون به ؟؟
زائرة
•
لاحول ولاقوة إلا بالله أختي لاتدعين على نفسك وأبنك مو سهلة شفيها والله تندمين خلي لسانك دايمآ لعلها خيره الله يصلح الحال والعباد الله يهدي زوجك وانتي المفروض تقصرين صوتك مايصير الحرمه تعلي صوتها بالذات إن كان فيه احد عند زوجك مو حلوه في حقك صوتك يرتفع ..الزوج له احترامه زي ما وصانا حبيبنا محمد عليه افضل الصلاة والسلام حتى لو كنتي بأصعب المواقف الصياح مايفيد غير يزيد الطين بلة شغلي عقلك وحكمية وقولي له الي تسوية مايرضي ربنا كيف ترضاها اخوك يسمع صوتي وفوق كل هاذا يسمعني ونا اتكلم معك في اشياء خاصة وين غيرتك علي لومية وخلية يفهمك ولا تخرجين من الموضوع معه إلا وانتي مقتنعه في الي سواه خلية يقنعك ويعتذر لك علشان النفوس ترتاح وتتصافى وشوفي إمكن انتي شديدة اللهجة ومو متفاهمة وماتعرفين متى تناقشين الزوج إمكن تجينه في أوقات يكون طفشان ولا جاي من شغل لازم تشوفين القصور من ناحيتك واذا مافي أتمنى من ربنا يألف بين قلوبكم ويسخركم لبعض ويهدي زوجك لكم والي فيه الخير ربنا يكتبة بينكم 🤍🌷
الصفحة الأخيرة