في حد منكم مبتلي اكثر مني ؟؟ دعواتكم يا بنات

يتيمة الام والاب وقاربت الاربعين وما تزوجت .
الحمد لله على كل حال صابرة وشاكرة , لا ام عندي ولا اب ولا زوج ولا اطفال
ولا اخوان ولا صديقات ..
دائما احمد ربي على قضاءه وقدره.
انصدمت من اللي كنت اعتبرهن صديقات , اللي لها مصلحه عندي تتصل فيني واللي ما لها مصلحه او اللي تقضي مصلحتها وتخلص تقاطعني وما تتصل وتبقى الاتصالات من جهتي انا بس. ولوانا ما اتصلت خلاص ينسون رقمي , قمة الجحود ونكران الجميل.
طيبتي الزايدة وثقتي في الناس واحترامي الزايد لهم وخجلي منهم وتواضعي اللي لكل من هب ودب هي سبب معاتاتي من الناس .

ادري ان الكثير منكم يعاني من جحود الاصدقاء والاصحاب .

اعيش البيت في وحده فضيعة مااشوف حد ولا حد يزورني حتى اقاربي الله يسامحهم ما فيهم خير , لو انا ما سالت عنهم محد بيكلف نفسه ويتصل يتطمن علي.

ما توفقت في اني اتزوج الي الحين وكنت كل حد يتقدم لي شخص اصلي الاستخاره اكثر من مره لكن يطلع ان هذا الشخص ما يصلح اما انه يكون متزوج وزوجته وحده ما تخاف الله وتتعامل بالسحر , او انه يكون سكير او ما يصلي او زناي وانا ما عندي استعداد اني اتزوج واحد خربان واقول بصبر عليه او بحاول اني اغيره واعدله.

حبيباتي بنات المنتدى...
وربي يشهد علي اني رغم كل الحرمان اللي اعيشه وكل الالم والجروح اللي بقلبي , تخيلوا لدرجة اني ادعي كل صبح اول ما اقوم من النوم (يارب تعينني على هاليوم انه يمر على خير)الا اني وبفضل رحمة الله الواسعة عندي قناعة ان حالي احسن من غيري .

من شاف بلوى غيره هانت عليه بلواه
في حد مبتلي اكثر مني ؟؟؟؟؟؟؟؟؟ ارجوكم جاوبوني