هلا يا أحلى واحه للخير
الإجابه أربعه شهور لأني متزوجه من اربع شهور .وما عندي شغاله بينما قبل زواجي كانت ماتفارقني زي خيالي.
بالنسبه للأفكار الجديده بتظهر بعد أربعه شهور (يعني زي الدورات الاولمبيه كل خمس سنين .بس أنا احسن منهم كل أربع شهور)
بس فيه ملاحظه باخذ رايك فيها:
لاحظت أني لمن اصلي الفجر وابدى ارتب البيت ماتجي الساعه عشره بالكثير لمن يكون عندي شغل كثير الا وانا مخلصه ومرتاحه بينما لو بديت بعد ذا الوقت استغرق وقت طويل واتعب وما أخلص
وش تقولون

السلام ياخوات..
افكاركم حلوووه وانا بعد مثلكم اعمل بعض الافكار السابقه .. وبالذات بشهر رمضان نفعتني حكاية البصل والثوم والطمام والخضار وتخزينها بالفريزر ريحتني ووفرت علي الوقت ... والرااااحه ... وفكرة تعليق الملابس حلووووة ...

انا عندي بعد افكار .... وهذه الافكار اللي ماعندها شغاله بالذات ......
..بالنسبه للتحف بمجالس النساء والرجال ...بدل عرضها ليل ونهار للغبار واتعب في تنظيفها يوم بعد يوم ...
احاول اجمعها في كرتونه مغلقه واغطيها بقماش ... واخلي المكتبة فاضيه ويسهل علي تنظيف المكتبة باي وقت مرورا بها من دون تكلف ...واذا عرفت بوجود ضيوف قادمين طلعت التحف ورتبتها من دون عناااااء ...والحمدلله ... وفرت وقت ..


بالنسبه للكنب ايضا اغطيهم بشراشف حتى احافظ على نظافتها ورونقها ...ومن الغبار ... وعلى سجاجيد الارض بعد ...


المطبخ ...مخصصه رف كامل للضيوف من صحون وفناجين قهوة وشاي وترامس وووالخ الفخمه واضع مابين غطاء الدولاب والفتحه من الداخل سفرة نايلون عشان ماتتغبر وتبهذلني بالغسيل في كل مرررررره ...تبقى لامعه ونظيفه ..

ايضا البوتجاز البس الوجه للعيون قصدير بعد كل اربع ايام ابدلهم واريح يديني ووقتي من التنظيف والدعك ...


عند غسيل الملابس حتى انتهي من غسيل الملابس من الصابون ثم انتظر حتى اضع ماء نظيف واغسلهم مرة ثانيه وانشفهم بياخذ وقت ...للاختصار
اعبيء البانيو بعد ماينظف تماما بماء نظيف وعند ما انتهي من غسيل مجموعة اضعهم بالبانيو واحط عليهم لينور واغسلهم واتركهم شوي .. بينما اضع الدفعه الاخرى من الغسيل وهكذا وفي كل مره ابدل ماء البانيو وانشف الملابس وانشرهم وبكذا انتهي بسرعه بدل الساعتين والنصف ماياخذ مني ساعه ونص ...بالذات اذا كان الغسيل كثيييييييير ..
والحمدلله ..


بالنسبه لبيوت المخدات النوم اذا تريدين انها تبقى نظيفه لمدة اطول عند النوم افرشي عليهم مناشف صغيره حتى لا تتسخ بسرعة بالذات اللي يعرق والا شعره دهني لابد من ترك اثر ورائحة على مخدات النوم ....
... وبذلك اوفر علي غسليها بعد كل يومين ...وتبهذلني ...


بالنسبة للنفايات الله يكرمكم ... يجب شراء اكياس زباله متوسطة الحجم .... لان لو كانت كبيرة وتعبات راح تتورطين من يطلعها لك ...زوجك بيرفض مثل اللي عندي اكره شيء عنده .. واطفالي صغار وانا اتعب من حملها الين باب الشارع ...

فمن الافضل تكون صغيره وكل يوم بيومه افضل واسهل واخف وانظف بعد ...

بالنسبه للمرا يات والزجاج ... هناك مساحات سهلة الاستعمال بسرعه امسحي واشطفي مثل اللي بيستعملوها العمال بمحطات الوقود يجون ينظفون بيها زجاج السيارة ...هاااه عرفتوها ...
والا اذا ماعندكم .. ممكن بالجرايد بسرررعه وانظف ...

الابواب الداخليه ...انا ابلل قماش بالفيري والجل الاخضر مع شوي ديتول .. وعلى طول مسح بكل سهولة وكل اسبوع مره يكفي .. ماعدا بابين بالبيت يبي لك يوميا .. مثل باب المطبخ وغرفة المعيشه والحمام لانها تستخدم باستمرار ...

بالنسبه لشجر الزينه والورود ... اذا تبينها جديده ونظيفه بالذات على قرب موعد الضيوف خذي قارورة رشاش (( مثل ماء الزجاج )) وعبيها ماء مع فيري وشوي خل ابيض وخضيهم وبخي على الورق والشجر وشوفي اللمعه والنظافه وبكل سهولة ...

اذا تبين ريحة البخور تبقى لمدة اطول حاولي دايما تكون اتجاه رايحة البخور على الستائر لكي تثبت الريحه ايام ...


والى هنا انتهت افكاري واذا افتكرت شيء فلي عودة باذن الله ..

عسى افكاري تعجبكم ...

مع خالص شكري وتحياتي ...


.
:26: :27:

عزيزتي تسلم يدك على الأفكار الحلوه بس ممكن أعرف وشهو الجل الأخضر.

يا بنات ترى بقلكم على شي مهم ماقلته من الأول:
الأواني الورقيه أو البلاستيكيه صحون زبادي كاسات تريح كثير
لمن استخدمها أختصر ثلاثة أرباع الوقت عند حوض غسيل المواعين .صدقوني إنها رهيبه .

غيم 2000 طريقتج حلوة في التنظيف وعندي أسئلة
- شو الجل الأخضر
- نبات الزينة قصدج البلاستك
حبوبتي IOIOIO
ألف مبروك على الزواج بعدج عروس ، وين أيام الخدامة والعز ..... ما دام ما عندج أطفال استغني عنهم احسلج
أختج عجوز صاري 18 سنة مزوجة مو وايد عجوز
بالنسبة لسؤالج أقول اللي قاله النبي محمد صلى الله علي وسلم ما معناه في دعائه (( اللهم بارك لأمتي في بكورها ))

لا تقاطعين تحياتي لك :26: :26: