في شهري الثاني وبشرتي كلها جفاف وقشر وسمار وشحوب مين عندها حل

حبيبتي كثري السوائل جسمك جاف

يسعدك ربي

المكيف ترى يجفف البشرة والشعر عندي ناس اعرفهم يطفونه طول الوقت إلا بالحالات الطارئة إذا جت رطوبه أو غبار وجسمهم طري ورطب ما شاء الله وانا قدامهم كاني ضب ﻷني ما استغني عن المكيف حاولي إذا بتشغلينه تفتحين الشباك يخفف شوي من البرودة وابحثي أو اسألي دكتورتك عن شرب ملعقة صغيرة زيت زيتون بكر عضوي بعد اﻷكل هل يناسبك ﻷنك حامل ؟ ترى يلين البطن للي عنده امساك الله يكرمك وبعد يخلي الجسم رطب وناعم سبحان الله اللي جربته من شركة الجوف وناس يمدحون الوطنية بس اسألي قبل الله يجزاك خير ﻷنك حامل وأكل القشطة كاملة الدسم ترطب بس اسألي قبل تناسبك هي الثانية معليش ازعجتك بس اخاف تكون من ضمن اﻷكلات اللي ما تناسبكم والله يقومك بالسلامه 💐

اشربي سوائل كثيره
وعلى راسهم مويه لترين باليوم ..
كولي الاشياء اللي تهدي الخفقان مثل الموز - الطماطم ..
وبرضوا عليك بالعصاير الطبيعيه وعلى راسهم السموذي حطي فيه زبادي كامل الدسم واشربيه ممتاز سبحان الله يرطب الجسم ويمده بالفيتامينات وانتي حامل فهالشيء راح يكون لجنينك فائده
رطبي جسمك ووجهك لاتخافين من العنايه بنفسك بس بحدود المعقول
استخدمي غسول طبي مثل سيتافيل وكريم سيتافيل للبشره امنين باذن الله ويرطبون
جسمك رطبيه لو جاف بكريك كيوفي الحجم الكبير يرطب الجسم وينعمه عشان مايزيدك اجفاف تصبغات لان معروف مع الحمل تكثر التصبغات بالجسم ..
لمن يكبر بطنك لاتنسين زبدة الشيا لبطنك ترطبه وتمنع حدوث تشققات
ومعافايه يارب تقومين بالسلامه ..

راح اعطيك برنامج اختي في عنايتها ايام ماكانت حامل صح ماكانت تسويه يوميا بس ع حسب تحملها احيان 3 مرات بالاسبوع واحيان كل يوم واحيانا مرتين بس ماكانت تنقطع عنه ..
ولحمدلله ماعانت من تصبغات ولا اي شيء ولا اسمرار فقط اسمرار بسيط بالرقبه ع الجوانب وراحت بعد ماولدت ..
اول شيء اشترت لوجهها صابونة الافريقيه اللي يجي معجون وخذت منه 4 ملاعق وذوبته لها بكاس نصفه ماء نقي مغلي والنص الاخر ماء ورد وحطيته بعلبه ضغاط يوم كامل وصار كانه غسول ..
اضفت له ملعقتين زيت جلسرين نقي وخلته غسولهاا ينظف البشرهويشدها ويفتحهاا ..
عندها بخاخ ماء ورد تبخه بعد ماتغسل وجهها وتتركه لين ماينشف بعدها تحط مرطبها سيتافيل ..
واحب انبه بشرة اختي عاديه بس هي مهتمه في بشرتها من قبل لاتحمل عشان كذا مااجاها جفاف ماشاءالله
هذا طبعاا الصباح ولمن تطلع الدوام تحط واقي بايوديرما وبعده ميك اب وبودره .. الخ
لمن ترجع تغسل وجهها بغسول سيتافيل الميلكي ثم صابونة سيتافيل .. وتحط كريم سنووايت منتج كوري جبته لهاا لانه امن ع الحامل وميزته انه يفتح البشره ويرطبها وواقي شمس ويعتبر كانه بي بي كريم
بالليل تغسل وجهها بغسول صابون الافريقي ثم تحط نقط من زيت الجلسرين ع وجهها وتسوي مشساج لين ما يتشربه وتنام .. وهكذا
لجسمها تستخدم صابون الافريقي بنفس الطريقه اللي فوق بس ماكثر مي لن معجون سايل شو اثقل من غسول الوجه .. واحيان تستخدم صابونة الوزير المكعبه ..
قبل الحمام تستخد احيانا هالخلطه ( نشا ملعقه كبير مذابه في نص كاس ماء ورد + جلسوليد العلبه الوسط + بيالة زيت جلسرين ) خلطتها لهاا بعلبه وتدهن منهاا قبل الشور بساعتين كل جسمهاا طبعا
ماسكات كانت تحط ماسك زبادي وطبين مغربي واحيان تستخدم ماسك المهلبي ه اللي هو نشاا + حليب سائل + ماء ورد مجرد نقط
ع النار تحركهم لين مايصير قوامهم مثل المهلبيه ثم تقفل النار وتتركه يبرد ثم تفرده ع وجهها ورقبتها
بالاسبوع تسوي سنفرة ستيفز بالمشمش وبعده ماسك الزبادي ثم بعده الكريم المرطب
وبعد الحمام تستخدم كريم كيوفي ولمن بدت تكبر كروشتها صارت تسخدم زبدة شيا تخلط منها شوي مع لوشن بالمرز للحامل وتدهن جسمه كله
والاماكن الغامقه تنظفه بمحلول بايوديرما h2o بالقطنه طبعا عشان يطلع الوصخ كله وتدهن عليه من لوشن النشا اللي تستخدمه قبل الحمام .
معليش كثرت عليك بس حبيت افيدك مو شرط تسوينه كله بعض منه يعني افيدك وافيد غيرك من الزائرات والعضوات