_ عرفينا على نفسكِ في سطور ؟ (البطاقة الشخصية)

عندي امل

متزوجة ماعندي اطفال دعواتكم

جايه لامريكا للعلاج مرافقه مع اخت زوجي الله يشفيها ان شاءالله دعواتكم بنات

وش بعد عمري مثل نور عيني جنان 1989 ونقصوا 5 سنوات :42:

_ ماهي استعداداتكِ لرمضان ؟!

ماستعديت باي شي جو امريكا مايساعد

_ماهو نظامكِ اليومي في رمضان بشكل عام و العشر الأواخر خصوصاً ؟

اقوم الساعه 1 الظهر واصلي الظهر



لاتضكون على سجادتي ماجبت الا سجادة الجيب نسيت السجادة

بعدين اروح المطبخ اطلع اللحم المفروم والدجاج من الثلاجة

وابدا بسلق الدجاجه

وبعدين اسوي غدا اخت زوجي هي ماتصوم الله يشفيها ان شاءالله

غداها خفيف ماتعبني الله يعافيها ان شاءالله

بعدين اجلس اتصفح النت وافر في قسم الطبخ لين يفتر راسي معقدني الفطور احتار ايش اسوي :icon33:

قبل اذان العصر ابدا اجهز الحشوات وبعدين اصلي العصر وابدا الشغل الجامد

من فرد وحشي ..... الخ

شوفو حوستي



وقبل اذان المغرب بربع ساعه ابدا تجهيز الصحون للتوزيع



التمر الي على اليمين تمر سكري ارسلوه لنا الملحقيه الصحيه من مزرعه الامير سلطان الله يجزاه خير

هذا فطور زوجي وجارنا



بعد الفطور اسوي الشاي وخلاص

وهذا الباقي من فطايري اليوم اكلناها مع الشاي



طبعا سحور مافيه زوجي مايبغى مريحني الله يريحه ان شاءالله


_ما أفضل رمضان بالنسبة لكِ حتى الآن ؟!

كله حلو الا رمضان هذا :06:

لاني بعيدة عن اهلي

_ما هو دور زوجكِ وآولادكِ في الفطور في رمضان ؟! غير الأكل طبعا!

زوجي يحضر معي الفطور دايم الله يخليه لي ان شاءالله

_ أهم مقاضي رمضان بالنسبة لكِ ؟

جبنا ذبيحة وفرمنا نصها <<< حتى بامريكا ماخلينا هالعادة

فيمتو وتانج بس هذا مافيه شيي زود

كنت اتمنى القى رقايق سمبوسة بس مالقيت

_هل سبق وقمتي بعمل إفطار صائم ؟!

الحمدلله جارنا يوميا يفطر عندنا والله يكتب لنا الاجر ان شاءالله

_ هل لكِ أي مشاريع خيرية في رمضان ؟!

في السعوديه ايه بس هنا لا والله

_قارئ تحبين الاستماع له ؟!

ماهر المعيقلي

_هل هذا اول رمضان لك بعيدا ً عن الأهل ؟ وكيف كان الشعور ؟

ايوه اول رمضان والله مادري وش اقول بس الحمدلله زوجي واخته مهونينها على الحمدلله

_ كيف تخلقين جو الخشوع والروحانية في منزلك في غياب صوت الآذان والصلاة الذي نفتقده في الغربه ؟!

انا محمله برنامج الاذان الحمدلله

_ متى بدأتي بالصيام وهل كان تطوع منكِ أم إجباري من الأهل ؟! وهل كنتي تلتزمين بالصوم حتى المغرب أو تخربينها على أذان العصر ؟!

والله ماذكر صراحه

_ هل تهتمين بالمعايدة في هذا الشهر ؟ و كيف ؟! .. و يفضل أن تعرضين النص ..

ايوه اكيد امي وابوي واهل زوجي بالتلفون

اما الباقي برسالة جوال



_ أشياء ندمتي على عدم عملها رمضان الفائت وتنوين تعويضها هذه السنة ؟!

ماختمت القران السنه الي فاتت وان شاءالله اختمه السنه هذي

_ هل تعطين لهواياتكِ حقها في هذا الشهر ؟

انا هوايتي الطبخ والاعمال اليدويه

الهوايه الاولى الطبخ اعطيها حقها اكيد اذا ماعطيتها في رمضان متى اعطيها

_ كيف يكون مزاجكِ نهار رمضان ؟

الحمدلله تمام

_ موقف محرج حصل لكِ في رمضان ؟! و آخر مبكي ؟

موقف مضحك ماحصل لي الحمدلله

بس المبكي يوم دقيت على امي ابارك لها بمناسبه رمضان امي بكت لاني اول رمضان ابعد عنها واول مره اجلس

ماشفتها 8 شهور :icon33:

_ ما معدل تواجدكِ على الشبكة العنكبوتية في رمضان ؟

من 3ساعات الى 4

_ حال سماع الكلمة ( رمضان ) ماذا يخطر ببالك ؟!

صلاة التراويح

_ ألذ طبق رمضاني تشتهيه ؟

كل شي من يد امي الغاليه

_ هل هناك زيارات بين الآصدقاء والجيران في رمضان وكيف طريقتها ؟

لا والله

_ هل تحرصين على صلاة التراويح و القيام .. في المنزل ؟!

بعض الاحيان ماهو مستمر

_ عادة سيئة و أخرى حسنة لك في رمضان ؟

العادة السيئة لازم احرق يدي بس عادي امي تقول لابغيتي تشوفين المرة طباخه شوفي يدها اذا فيها حرق فهي

اكيد طباخه <<<<<< وحدة ترقع لنفسها

والحسنه احب زوجي يعزم على الفطور

_ متى يبدأ ( التقضي) للعيد و حاجيات العيد ؟!

والله ماتوقع اننا بنتقضى

_ هل تهتمين بالسحور ؟ أو متى ما قمت أكلت ؟! و ما هو سحورك عادة ؟!

لا والله عادي ماهتم

_ أحلى وقت عندك لقراءة القرآن ؟ وكم تختمين من مرة تقريبا ً ؟

الظهر وقبل صلاة الفجر

واختم مرة وحدة

_ دعوة دائما ً ترددينها ؟

الله يرزقني بالذريه الصالحة المعافاه ان شاءالله



بنات لاتنسون اخت زوجي من دعواتكم ان الله يشفيها وترجع للسعودية وهي بصحه وعافيه ان شاءالله

عندي أمل
ماشاء الله عليك ,تأثرت مرة بكلامك
شكلك طيوبة جدا جدا
الله يشفي اخت زوجك وترجع للسعودية وهي بصحه وعافيه ان شاءالله
والله يرزقك الذرية الصالحة المعافاة ياكريم

يسلمكم ربي اخواتي الغاليات

انبسطت مرره بمشاركاتكم


عندي امل الله يعطيك على قد نيتك ويسخر لك خلقه

ماشاءالله عليك راعية وااجب
الله يكثر من امثالك ويرزقك انتي وزوجك واخته اللي تتمنوون

وهذا سحوري وفطوري اول يوم رمضان

حيااكم :)

عرفينا على نفسكِ في سطور ؟ (البطاقة الشخصية)

الاسم\ ام ريوم ورنود
ا م لثلاث اطفال
المهنه\ ربة منزل حاليا<<عندها امل تدرس مستقبلا
العمر\.,:)بمنتصف العشرينات
الوزن\ كربوجه==> مو دبه

_ ماهي استعداداتكِ لرمضان ؟!
استعدادات خفيفه يعني تو ساكنه جديد
وعندي ترتيبات اهمه اغراض المطبخ ا الشوربه, والدقيق, واللحم

_ماهو نظامكِ اليومي في رمضان بشكل عام و العشر الأواخر خصوصاً ؟
كان نظامي مره حلو وهالايام تلخبط مره وصرت مانام بالليل وساعات بسيطه بالنهار
يصحوني بناتي 9 ص اكون مجهزه لهم قبل انام فطور ,وانام بالصاله ==>زي نور..لان السبب واحد., الى الساعه 2 ظ اصحى اصلي وارجع انام الى العصر اصلي يادخل المطبخ و اعطي البنات اكل واسوي الفطور.,طبعا انواع الحوسه لاني اكون مره كسلانه ومالي خلق اسوي شي.,ارتب السفره.,وياذن ونفطر.,اروح اريح شوي بعد الفطور على الكنب و سواليف انا :arb: على شاهي . الى ان ياذن العشاء يروح يصلي
وانا اقوم اشوف البيت والبنات وارجع للمطبخ وارتبه اروح اصلي العشاء
مااصلي التروايح هالوقت ااخرهالى 12 يكونوا البنات ناموا احيان اسوي عشاء واحيان اسوي سحور على حسب الجوع ومايعمله في:arb:وسلامتكم

_ما أفضل رمضان بالنسبة لكِ حتى الآن ؟!
طبعا اكيدمع:arb:في اي مكان وزمان

_ما هو دور زوجكِ وآولادكِ في الفطور في رمضان ؟! غير الأكل طبعا؟
بصراحه ماله دور معين .,بس يدخل المطبخ ويشوف وش مسويه يفتح القدر الفرن الثلاجه:mad:الى اصل<==

_ أهم مقاضي رمضان بالنسبة لكِ ؟
طحين خميره BB والزيت فيمتو شوربه ولحم
جبنه

_هل سبق وقمتي بعمل إفطار صائم ؟!
لا ان شاء الله في لايام القادمه

_ هل لكِ أي مشاريع خيرية في رمضان ؟!
لا
_قارئ تحبين الاستماع له ؟!
السديس.,ماهر اعقيلي .,الشريم

_هل هذا اول رمضان لك بعيدا ً عن الأهل ؟ وكيف كان الشعور ؟
اول مره اصوم برا ديرتي وبرا بيتي وبعيد عن اهلي ., افتقدهم كثير بصراحه احيان تتقاطر بعض الدمعات:44: اثناء الافطار.,ولكن دامهم بصحه وسلامه انا مرتاحه
_ كيف تخلقين جو الخشوع والروحانية في منزلك في غياب صوت الآذان والصلاة الذي نفتقده في الغربه ؟!
صراحه محمله الاذان على ا لاب توب ومعطي جو الحمد الله والقران شغال طول النهار وانا اشتغل
واذاعة القران.,يعني فيه جو روحاني

_ متى بدأتي بالصيام وهل كان تطوع منكِ أم إجباري من الأهل ؟! وهل كنتي تلتزمين بالصوم حتى المغرب أو تخربينها على أذان العصر ؟!
مااذكر والله متى صمت بس اذكر اني كنت اشرب مويه بالدس

_ هل تهتمين بالمعايدة في هذا الشهر ؟ و كيف ؟! .. و يفضل أن تعرضين النص ..
ايه مره اهتم.,اكلم امي وابوي واخواني والمهمين اصدقاء اقارب على حسب

_ أشياء ندمتي على عدم عملها رمضان الفائت وتنوين تعويضها هذه السنة ؟!
ختم القران وصلاة التروايح.,كنت مقصره

_ هل تعطين لهواياتكِ حقها في هذا الشهر ؟
اكيد.,
_ كيف يكون مزاجكِ نهار رمضان ؟
متقلبة المزاج==>على حسب النوم

_ موقف محرج حصل لكِ في رمضان ؟! و آخر مبكي ؟
مااذكر انه حصل شي
_ ما معدل تواجدكِ على الشبكة العنكبوتية في رمضان ؟

من بعد الساعه 10 الى ان انام

_ حال سماع الكلمة ( رمضان ) ماذا يخطر ببالك ؟!
صلاة التراويح.,

_ ألذ طبق رمضاني تشتهيه ؟
قطايف.,سمبوسه
_ هل هناك زيارات بين الآصدقاء والجيران في رمضان وكيف طريقتها ؟
زياره بعد الساعه 10 م يوم بالاسبوع
_ هل تحرصين على صلاة التراويح و القيام .. في المنزل ؟!
نعم ولله الحمد


_ عادة سيئة و أخرى حسنة لك في رمضان ؟
العاده السيئه \اكثر الحلى واكله انا ..وحوسه البيت عشان الكسل
والليل هدؤ مااقدر اشتغل كثير وخصوصا هنا
حسنه\بطلت مشاهدة مسلسلا ت برمضان

_ متى يبدأ ( التقضي) للعيد و حاجيات العيد ؟!
ماادري اتقضى او لا بس نشوف:arb:ماتكلمنا بالموضوع
بس رمضانات الي فاتت اخرايام..... رمضان

_ هل تهتمين بالسحور ؟ أو متى ما قمت أكلت ؟! و ما هو سحورك عادة ؟!
اكيد اهتم بصراحهواغلب الاحيان اسوي سحور.,لو تمر وماء
وهذا في احد الايام
سليق

_ أحلى وقت عندك لقراءة القرآن ؟ وكم تختمين من مرة تقريبا ً ؟
اذا ناموا البنات مرة وحده و .... بعد الفجر
مره وحدة
_ دعوة دائما ً ترددينها ؟

واللهم اعني على ذكر وشكر وحسن عبادتك

وشكر موصول لصاحبة الموضوع الحلوة
والاعضاء الي شاركوا مشاركتكم ولا احلى