في قلبي حقد دفين على اهلي

السلام عليكم .. اخواتى الاغلب يعرفوني .. ويعرفون معاناتى .. انا ظاهريا مافيني شئ .. عايشه طبيعي جدا .. اكل واشرب وانام واسولف واجلس على الاب توب واطلع اتمشئ .. واروح زيارة لاهلي .. لكن في قلبي حقد دفيييين لهم او اشياء توني افهمها واستوعبها انها كانت تعمل لنا بالغلط نحن البنات .. احنا كنا ثلاث بنات .. انا اكبرهم .. تصدقون ماعمرنا حسينا بالعطف والحنان والمحبة من امي وابوي الله يرحمه .. امي كانت كل همها رضى ابوي وبسس كلمة ابوي ماشيه .. ماتقوله لا .. لو يقولها ارمي نفسك بالنار تروح ترمي نفسها .. هذا غير اهمالها لنا شوي .. احنا يالبنات كنا محبوسات بغرفه مانطلع ولا نروح ولانجي من المدرسة للبيت ومن البيت للمدرسة حتى تلفزيون ماعندنا وايام الاجازات الصيفيه نموت طفشش وكان ابوي يقضيها ضرب علينا يضرب فينا ليل نهار على اتفه الاسباب وحبس بالغرفه .. حتى اذا بدا العام الدراسي نفررررررررح كثير بالمدرسة لاننا نبي نطلع نبي نشوف بنات نبي نشوف ناس .. لان اجازتنا قضيناها مابين عصى ابوي وسلبيه امي وحبسنا بالغرفه .. امي كانت تشوف ابوي يضربنا وتسكت احيانا تدخل بس ما تقدر عليه واكثر الوقت تتفرج فينا واحنا ننضرب ويغلق علينا بالغرفة كئيبة .. في فصل الصيف يصحي ابوي بدري ويطفي علينا المكيف مع اذان الفجر .. وطول اليوم نجلس من دون مكيف في الصيف ما نشغله الا في الليل عند النوم ثم يطفيه الفجر .. ملابسنا كانت رثه ما نعرف سوق ولاشئ حتى ملابس داخليه واشياء البنات من فوط وملابس تحتاجها كل بنت ماعندنا حتى كانوا البنات بالمدرسة يضحكون علينا لاننا ماكنا نلبس سنتيانه .. الدورة الشهرية اول ما جتنا تبهذلنا كثيير مانعرفها ولانعرف كيف نحافظ على انفسنا منها .. بس الزمن والحاجة والحرمان علمونا كيف نتصرف وعرفنا كيف ندبر امورنا ...

اول ما تبدا المدرسة نبدا نحط حرتنا بالمعلمات .. والطالبات مشاغبيااات ونتكلم على المعلمات ونتطاول عليهم ونتضارب مع البنات .. وصرنا مكروهين بالمدرسة وما احد يحبنا .. لاننا كنا مكبوتين بالبيت ونطلع حرتنا بالمدرسة (( والله انا مسساكييين )) فيييه وحده من المعلمات مسكتنا على جنب وقالت لنا ليششش انتم كذا وعرفت قصتنا :unsure: لانها كانت متفهمه

وكان المعلمات يطلبون امي تجي للمدرسة .. وامي ماتحضر لانها مو سائله عنا .. ولا هميناها الله يسامحهاااا .. والمعلمات دايما يقولون لنا انتم ويين امكم وين اهاليكم عنكم .. .
احنا كنا بالمرحلة المتوسسطة ..
وكان ابوي قبل الشهادات يحذرناا اننا ما نزعجه بنتايجنا ولا نفرررح فيها
دايما يصارخ في وجيهنا قبل النتايج ويقول نجاحك لك ورسوبك لك ... زي اللي يقول ما هميتوني ..

...
وبعدين تعرفون قصتى المشهورة اللي دايما ارددها بالمنتدى وازعجتكم فيها يوم زوجنى انا واختى من شياب من دون مشورتنا .. وغصب عننا .. الله يرحمه ..
وامي كانت سلبييه جدا مالها كلمة
والحريم جارات امي كانوا مستغربين من اعمارنا وكيف ابوي زوجنا وليش امي ما دافعت عنا .. حتى صاروا يضحكون من امي وينتقدونها ويقولون مافكت بناتها راضيه على بناتها انهم يتزوجون شيبان .. وكل وحده تفتحت عيونها وصارت تتخير لبنتها افضل عريس تقول ما ابي اصير مثل فلانه وسلبيتها ..

تزوووجنا .. كنت اجي عند امي اشتكي من زوجي .. ولاتقف معي تبرر له افعاله وتطلعنى الغلطانه .. اشتكي من اخوات زوجي .. واقول عملوا فيني وسووو فيني وتسسكت ما ترد على .. واسمع من البكره من البزارين يقولون امك جات عندنا .. ورحت لبيت خوات زوجي وفعلا شفت امي جايبه قهوتها وشاهيها وتقوها معهن وتضحك .. وانا امسس ليلي كله عندها اشتكي منهم ماتحركت فيها شعره

...
صرت ما اشتكي لامي .. وامي تحب حريم عيالها كثير لدرجة انها تطبخ لهم .. وهن متسدحات على تلفزيوناتهن واذا صار بينا خلاف طلعتنا يا بناتها احنا الغلطانات وتركناها خدامه لحريم اخوانى لانها راضيه لنفسها كذاا وياويلنا لو نقولها شئ .. الله يرضى عليها ..
ويوم ننفس عندها .. اكلنا وحلوياتنا وقهاوينا اللي تجينا من الحريم اللي يزورونا على طول تاخذ منها وترسلها لزوجة اخوي ..
..
الان اصبحنا حريم كبار ونعرف الصح من الغلط .. ومسامحين امي وابوي على اللي سووه فينا .. لكن في قلبي انا غصصصصه تجاههم
واذا احد ضرب بنتى قدامي ينجن جنووني ما احب احد يضربها
واصررخ واقوول بنتى ما احد يضربها وانا انظر .. واحس من امي انها فاهمه احسها تطالع فيني كثير اذا قلت هالكلمة .. وكانها تقول اي انا ما اهتميت فيكم يوم كنتم صغار ..
احسسها انها فاهمه .. انا احيانا اقولها اسمع امي واحيانا لا والله اقولها صادقه ..
الله يسامحهم ويغفر لهم