بداية حياتي .. :

أنا ما أخاف من زوجي .. والحمدلله متفاهمين .. بس مرة حسيت بخوف منه .. مرة دخل سيارتي الوكالة للفحص .. وقالي بآخد سيارة أخوي وانتي استخدمي سيارتي .. والصراحة استغربت .. لأنه من النوع اللي وايد يهتم ويخاف على سيارته .. بس لأنه واثق من سواقتي واهتمامي عطاني اياها بس اروح فيها الجامعة .. المهم أول يوم كنت وايد خايفة لأنها أمانة ومن كثر الخوف وقفتها في مكان بعيد عن الزحمة .. ويوم طلعت شفتها مشحوفه ( فيها ضربه الله لا يراويكم اللي يقول متعمدين ) .. وأنا راده البيت .. وكنت مرهقة ومستعجلة عسب اوصل البيت قبله .. وحمرت الاشارة وما قدرت اضرب بريك .. وطفتها وصادني الرادار .. لأول مرة اسويها في حياتي .. وقبلها بأسبوع قالي عن عقوبة اللي يقطع الاشارة الحمره .. بتكون عقوبة صارمة .. وما تدخل فيها الواسطات .. المهم .. وصلت البيت وأنا خايفة .. والصراحة كنت مستحيه منه .. مب عارفه شو أقول له .. ولا فتحت له موضوع السيارة .. لانه توه راد من الدوام وأكيد تعبان وما فيه يسمع خبر ينرفزه ويعصبه .. وهو ماشاء الله عليه كلمة بس تخليه يعصب .. المهم بعد ما اتغذا ودخل يرقد .. قعدت افكر شو أقول له .. وشو اسوي .. وادعي .. وصليت لقضاء الحاجة .. وما خليت دعاء ما قريته .. وكنت متوترة .. وأقول ياريت ما خدت سيارته .. ويه المغرب وكان بيطع في سيارته .. جان أقوله عن الشحفه اللي في السيارة .. وكنت خايفة يعصب لأنه كان رايق هاك اليوم .. وسأل عن التفاصيل وقلت له بالتفصيل الممل .. في النهاية .. قالي هاي أول مرة يصير في سيارتي جيه .. بس كل شي يمون لأجل عيون .. وأهم شي انتي ما فيج شي .. جان يقولي اذا مب تعبانة ولا فيج شي .. قومي خلينا نطلع .. مسكين كان خايف علي .. وأنا ميته من الخوف .. وبعدها بكم من يوم .. قلت لازم أقوله عن الاشارة الحمره قبل لا يتفاجىء .. وقررت اني اقوله واريح ضميره لأني وايد كنت خايفة .. ومب عارفه لا ارقد ولا آكل .. حتى كلام ما اكلمه وايد ... كله ساكته .. وهو كاان مستغرب ويقولي شو تبين تقولين .. المهم .. قلت له الموضوع بشكل سريع .. بس قلته له في التيلفون .. وكنت انتظر ردة فعله .. جان يقولي اللي سويتيه كان بيعرضج وبيعرض الآخرين للخطر .. قلتله ادري .. وانا اعترف اني غلطت .. وهالشي ان شاء الله ما بعيده مرة ثانية .. قالي اذا حاسه انج غلطتي .. وتعترفين بغلطج .. خليها على الله .. وان شاء الله خير .. بس اذا ما تعلمتي من الغلطه لي تصرف ثاني .. أكييييييييييد في الوقت قلتله .. بلا اتعلمت وانا مستحييييييييييل أعيد هالشي مرة ثانية .. وقعدت ادافع عن نفسي ..لووووول .. والحمدلله الحين احس براحة نفسية .. هههههههههههه .. وتسلمييييييييييييييييين الغالية على هالموضوع الحلوووووووو .. وهالمواقف .. والله يعطيج العافية ..

أنا ما أخاف من زوجي .. والحمدلله متفاهمين .. بس مرة حسيت بخوف منه .. مرة دخل سيارتي...