قالي روحي لاهلك..انا وش سويت ؟؟ بنات الي موجودين ساعدوني

اللهم اكشفلي ضري ياكريم

بنات الله يخليكم والله انا مقهوره ساعدوني مادري شسوي . ماقدر ارتب افكاري راح اكتبلكم كل شي بشكل نقاط عشان مانسى:
1-انا متزوجه من 8 سنوات وعندي ثلاثه بنتين وولد البنت والولد الاخيرين ورى بعض والبنت الكبيره بينهم بخمس سنوات
2- بداية الحكايه اول سنه زواج زي العسل دلال ودلع وكل ماتبون لكن السنه الي بعدها بدى مشوار التعاسه من يوم ماقال ابسافر مع ربعي لسوريا وبحكم خبرتي القليله والثقه العمياء وافقت على مضض لكن بعد مجا سويتها زعله كم اسبوع
3- السنه الي بعدها نفس الموال لكن انا صحيت شوي وزعلت وراح وانا زعلانه وبعده جا وراضاني
4- السنه الي بعدها غير وقال بيروح لمصر مع واحد بيزوج عمه ومادري ويش وسويتها له حكايه طبعا ماصدقت زعلت وجلست عند اهلي اربع شهور مافكر يراضيني الا بعد ماكملت اربع شهور انا خبله رحت بشروط بسيطه ومن بعدها قطع جوازه وجوازي
5- بعده كم شهر سافرنا ولقيت الجوازات المقطعه بالدرج وفتحت جوازه وكان فيه سفره لسوريا بنفس الوقت الي كنت فيه عند اهلي يعني مانردع طبعا انا سكت وقلت ماله داعي تناقشنا بمافيه الكفايه ومدام الجواز تقطع خلاص
6-بعدها جلنا فترة هدؤ مكن نتناقش على سفرات داخليه ويسسافر وانا زعلانه بذيك الفتره انفت ماسنجره مره معي وطلعتلي وحده شاميه انا حاولت امثل اني هو لكن مامشت عليه وسكت طبعا مت قهر :mad:
7- بعدها بفتره قال بروح للامارات بجيب اجهزه طبعا زعلت ونكت عليه وتنكدت انا ذيك الليله وهو راح ماطقلي خبر
جا بعده وزعل كم يوم بعدينن تناقش وجبتله سالفة البنت الي بالمسنجر واكيد كان مجهز الرد قال هذي صديقة واحد من خوياي طبعا قلتله ايه صديقته وتقول فلان لمااول مابيحكي معي بيؤلي حبيبتي طبعا وجهه صار الوان
8- طبعا توالت السفرات لدبي بحجة اجيب سيارات ارخص طبعا مره له ومره لخوه وكل مره انواع المشاكل انا وياه طبعا واذا قلت انا بسافر يقول ماعندي لانه يجلس عند واحد من اصدقائه هناك نقل شغله لدبي طبعا هو واخوه مع بعض بنفس السالفه من سوريا لللامارات لكن زوجة اخوه مسالمه وانا بنظرهم القويه سليطة اللسان والي ابتحكم فيه


9- الزبده قبل فتره مادري وش لقفني وفتحت جواله لقيت بالمفوظات رساله الاولى تقول (اسفه عم بعزبك معي) والثانيه (انا ماعندي حساب بس فيك تبعتهم على حساب الشركه واسم الشركه بس نسيته من الخبه واسمه بعد طبعا حفظت الرقم بس الصاعقه ان الرساله باسم الفجيره يعني بالامارات وهنا تاكدت لاني كنت اقول لزوجة اخوه والله ماحولو الوجهه من سوريا للامارت الا وهم جايبينهن عندهم

10- الي يبط الكبد انه وضعه المادي سيء اخر الشهر مفلس وكله ديون وقروض مع ان راتبه اكثر من عشره بس كله يروح قروض على سيارات واشياء مادري عنها طبعا انا موظفه ومصاريفي من والى علي غير ملابس عيالي

11-في بداية الاجازه فاتحته اني اروح لدبي بفرض تجاري قالي مامعي قلت ماعليك كل المصاريف علي قال اصلا من وينلك جواز قلت الي توسطلك وطلعلك يطلعلي قال انسي سالفة الجواز مافيه فرات طبعا زعلت وانا اذا زعلت عيبي انتفخ وماناقش وهو نفس الشي لاني لو ناقشت اصير قليلة ادب عنده وطويلة لسان
12-قبل اسبوع قال بروح للامارات بجيب سياره لواحد طبعا هنا خلاااااااااااااااص طرطعت وزعلت وقلت انت ماعليك الا من نفسك انت تسافر لكم انا لا انا خلاص تعبت اداوم واكرف وانا حامل و بعد الامومه لا شغاله ولا شي كله عشان اكسي نفسي وعيالك واكفيك ببعض المصاريف وخرتها انت تستمتع طبعا هو قال انتي تذلني بهالمصاريف

الزبده طبع هو راح من هنا انا بدت الغيره والحقد يشتعل وارسلتله رساله ان كنت تكذب وعندك نيه ثانيه ادعي ان ربي يوريني فيك عجائب قدرته وهو كلش ولا الدعا ولو كان صادق كان خلى جوازه بالبيت اصلا من بعد الي تقطع اشفت جوازه

طبعا راح وجا وماكلمنا بعض واليوم ارسلي رساله معناها احنا مانصلح لبعض فبلا مانتعب انفسنا وتتعبين معي مالنا نصيب ببعض روحي لبيت اهلك بدون نقاش وبهدؤ واحترام
انا مانصدمت لانه البارح نادى بنتي الكبيره عمره 7 سنوات وقالها بقصلك قصه انا كنت قبل متزوج لكن عمتك قالتلي طلقها وتزوجت ماما وجبناكم وطبعا اذا كبرتي بتشتغلين بالبيت وتساعدين طبعا هذا كلام بنتي لانه يكلنه بالغرفه الثانيه
انا قريت الرساله وكلمت على اختي اختي قالت اجلسي لاتروحين وان طردك قولي اطلع انت انا بجلس وبدفع الاجار
هو جا وشافني جالسه وماتكلم ولا شي راح لغرفة ابنات ولعبهم ولبس ملابسه وطلع وانا الحين جالسه مادري كيف اتصرف
رجاء ابي اسمع اي رد جارح ومابي الا الجواب الشافي والرئي السديد والي ماتقدر دعوه لو بظهر الغيب تكفون الحين وش اسوي