السلام عليكم ورحمة الله وبركاته
اليوم بتكون اول مشاركه لي في واحة الادب الشعبي وان شاءالله ماراح تكون الاخيره واتمنى تنال اعجابكم
قال مغروره
قال مغروره وابتسم وراح
وش الغرور الي شافه بعيوني
قال لبسج وعطرج الفواح
وابتسامتج كنج اميره تكوني
ولا كلامج مايخليني ارتاح
كنج تقولين الناس مايهموني
ومن طالع بطرف العين ينلاح
رسالة غرور محتواها لا تنسوني
حلوه بس مب سيدة الملاح
ربج خلق مثلج مليوني
راعي التواضع يابنت مرتاح
واتق يقول الناس يحبوني
*********
الا بقول واسمعني يافلاح
عمر الغرور ماعرفته عيوني
ماهو بلبسي و عطري اذا فاح
تقول مغروره ومن حضرتج تكوني
يافلان برمستي عزتي هي السلاح
واثقه ولا اخلي الناس يمشوني
ولا بالقصد تجاهلت كل من لاح
ماهي رسالة غرور ولا اباهم يذكروني
وحلا الويه مثل الرمل بين الرياح
يرحل ويبقى حلى الروح صدقوني
التواضع بين العرب معروف رباح
وبالتواضع يالغضي اباهم يعرفوني
احكم بالعدل واطلبك السماح
ماهو بنظره على كيفكم تحكموني
سارونه البارونه @saronh_albaronh
عضوة فعالة
يلزم عليك تسجيل الدخول أولًا لكتابة تعليق.
الأميره جوري
•
يسلموووووووووو عنوووني ع القصيدهـ الذووووووووق
يسلموووووووووو عنوووني ع القصيدهـ الذووووووووقيسلموووووووووو عنوووني ع القصيدهـ الذووووووووق
الله يسلمج يالغاليه ومشكوووووووووره على المرور الطيب
والله ماقصرتي وجبرتي خاطري ورديتي على قصيدتي
بس للاسف باقي العضوات مافكروا حتى يكتبوا كلمه وحده مع ان 26 مره زاروا الموضوع
والله ماقصرتي وجبرتي خاطري ورديتي على قصيدتي
بس للاسف باقي العضوات مافكروا حتى يكتبوا كلمه وحده مع ان 26 مره زاروا الموضوع
الصفحة الأخيرة