قبل شهرين سويت برنامج كامل لشعري وبشرتي ونحافتي وهذي نتيجة برنامج نحافتي

لسلام عليكم ورحمة الله وبركاته
كيفكم ان شاء الله بخير؟
بصراحه انا جديده بس بعد ماشفت مشكلة النحيفات قلت لازم اعلمهم بلي اعرف وافيدهم
لاني كنت نحيفه وماجربت شي لاني اخاف من الحبوووب والادويه والمكملات<<<< مزاج غريب
لكن هذا الي حاصل وقلت خليني كذا الين جا يوم وحسيت اني مش راضيه عن نحفي ولله الحمد على كل شي
جا وقت حتى الملابس ماكانت تناسبني والتنانييير لازم اضيقها والفساتين حدث ولاحرج والله ماتزبط علي وكانت حالتي تسوء كل يوم وكنت كل يوم انحف اكثر مع حياتنا هذي
ماناكل بس نوم وسهر والوحده ماكأنها بنت الحمدلله وش بقينا للشباب
قلت لازم اتغير واغير حالي
وحلفت مااتراجع وكل ماتكاسلت اروح اطالع للمرايه
المهم هذا هوه النظام:
ملاحظه: انا عمري ماسمنت وزني ثابت من يوم عرفت نفسي
وبعد الشهرين الي نفذت فيها نظامي زاد وزني كثييير وصار فيني شحم
الي كنت اسمع عنه ولاعمري شفته
المهم هذا النظام:
الصباح لازم كل يوم على الريق عصير زبيب (2 ملعقه زبيب عادي تنقعينه في كوب ماء الى الصباح
وتخلطينه بمويته في الخلاط) + كوب تين مجفف منقوع في حليب اومويه من الليل ويصفى وتشربين الحليب وتاكلين التين في الصباح.
وافطري زي ماتحبين لاتظغطين على نفسك بس حاولي انك تاكلين كويس
والحاجات الاساسيه في الفطور الحلاوه الطحينيه اقل شي 3 ملاعق وكوب عصير طازج اي عصير
ولو جا يوم وماتوفر عندك طازج اشربي عادي بس من الانواع المعروفه زي دناو وتروبيكانا وندى وغيرها الي تجي قريبه من الطبيعي.
وبين الفطور والغدا كوب حلبه.
والغدا كمان زي ماتحبين ولاتظغطين على نفسك ابدا بس زي ماقلتلك حاولي تاكلين قد ماتقدرين
والحاجات الضروريه واليوميه على الغدا هو الزبادي.
وبعد ماتصلين العصر كلي مكسرات(جوز لوز فستق كاجو)لو نوعين بس
وتكون محمصه في زبده وتشربين معاها حليب كامل الدسم اي نوع واذا حسيتي وقتها انك ماتقدرين على الحليب
كلي اي سكريم بس لازم يكون دسم بالحليب وكثري اذا تقدرين.
وارتاحي الين المغرب واذا صليتي المغرب اشربي كوب حلبه.
ووالعشا تعشي اذا ارتحتي عشان تتعشين كويس كمان العشا زي ماتحبي وطبعا دايما الافضل انك
تاكلين قد ماتقدرين.
والحاجه الضروريه واليوميه على العشا هيه عصير منقا اوموز بلحليب واذا ماكان متوفر كل يوم استبدليه بأي عصير طازج.
واخر شي قبل النوم لاااااااااااااازم كوب كبير حليب كامل الدسم مع اي قطعة حلى اي شي
توفيه او شي فيه شوكولا او سنكرز اومارس او نوتيلا او سندويشة شوكلاته بس كثري قد ماتقدرين لو على مراحل قبل ماتنامين.
طبعا اهم شي في النظام هذي الحاجات:
اولا الحلبه لازم يوميا زي ماقلت و3 مرات في اليوم والكوب كبير مو صغير.
ثانيا الوجبات موشرط تكون ثقيله مره لكن لازم تكون كامله يعني لازم يكون في كل يوم 3 وجبات
ثالثا المويه دبري نفسك بين الوجبات اورتبي اي وقت فاضي واشربي فيه على الاقل لتر ونصف كل يوم لااااااازم وانتبهي لاتكون قبل الوجبات خليها مثلا زي بعد الحلبه الي بالمغرب
وبعد الحلبه الي في الصباح بعد الغدا وبعد العصريه وهكذا.
رابعا الزبيب والحلاوه الطحينيه والتين كل يوم لااااااازم. وكوب الحليب الي قبل النوم والشوكلاته الي بتكون معه.
واهم شي التوكل على الله وقراءة الاذكار والتسميه والدعاء ون شاء الله بيزيد وزنكم بشكل ماكنتم تتصورونه. ولاتقولون ريحه الريحه مهي مشكله تدبر بعد الشهرين
المهم الجسم الي بيجننك من حلاته ولاتنسون انا توني عروسه مالي شهور متزوجه يعني اذا في احد بيخاف من الريحه المفروض انا.. يللا تحركو بل كسل الي يبي الدح مايقول اح.
وان شاء الله اكتب لكم وصفة شعري ووبشرتي لانها فعلا شهرين بذلت فيها جهد
ماضاع والحمدلله شعري كان قليل واعتنيت فيه مع جسمي بذلت مجهود لكن النتيجه راااااائعه
حتى زوجي ماصدق يحسبني اكلت حبوب نفختني.
لكن هذي الطريقه مو تنفخ وبس لا والله تخلي البشره حلوه والجسم مشدووود لانها طبيعيه
والبشره والله ماتصدقون لكن ان شاء الله تجربون وتستفيدون
لاني ماشاركت الا عشان افيدكم بلي فادني.
الله يوفق الجميع .. سامحوني على الاطاله.
ملاحظه الي تفيدها وصفاتي تدعيلي بالذريه الصالحه مو شرط بالردوووود ابيها لو بقلوبكم.
ودمتم بود