مرحبا حبيباتي
انا عندي ولد وبنت وكنت قبل 5 سنوات تقريبا وزني 88 وكنت مقربة اولد بنتي ...كانت نفسيتي متل العمى بعيد عنكم..دايما اسمع تعليقات من اهل زوجي وزوجي كان يتمسخر علي يحكيلي بتعرفي تمري من الباب ولا لازم تلفي على جنب مشان تمري؟؟؟
:mad::mad::mad::mad: لولا العيب كان كسرت صحون البيت كلها :angry:
من يومها فكرت منيح وقلبتها براسي..
ليش مكتوب علي اكون انا دبة العيلة:44:
ليه ما اغار من خواته وهن ما شاء الله مانيكانات وانا الوحيدة الدبة اللي بينهم .......... والمصيبة انه جسمي مش متناسق ضعيفة كتير من فوق
ومن الاجناب الله لا يبتليكم شي عجيب
بعد ولادتي بشهر تقريبا نزل وزني 80 بعد ما خلصت نفاس وبلشت ريجيمات
دبحت حالي دبح
اول ريجيم بلشته ريجيم شوربة الملفوف مع الخضار والفواكه
كنت اضل اكرره
بعدين قطعت فترة الرز والسكر والخبز
بعد شهور رجعت لريجيم الملفوف بس مليت منه تركته وصرت اجرب ريجيمات كتير كنت اقراها من المنتدى الحبيب
وقبل 4 شهور تقريبا كان وزني 70
ورحت لاخصائية منعتني من الرز والسكريات قطعيا وما كنت اكل الا 2 توست الصبح مع بروتينات قبل شهر وصلت قريب 53 والان بين 55 و57
والحمد لله مبسوطة كتبر من حالي حتى شخصيتي تغيرت والكل بدو يعرف كيف عملت
كانوا اول يحتقروني وانا ناصحة
سبحان الله كيف الدنيا مظاهر
صح اهم شي الاخلاق والدين
بس كمان مظهرك بيخلي الناس تقربلك او تبعد عنك قبل ما تكتشف جوهرك
قطعت شوط طويييييييييييييييييييييييل وخليت ارادتي حديد
ادعولي اني ما ارجع اسمن
وان شاء الله اضل محافظة على رشاقتي لاني تعبت على حالي ودقت حلاوة الرشاقة
ودقت كمان مرارة السمنة
وبدعي من كل قلبي لكل اخواتي اللي ماشيين بطريق الرشاقة الله يوقف جنبكم ويقوي ارادتكم
مش مستاهلة القصة الكل يحتقرنا مشان صحن رز ولا بكيت شيبس
الله يوفقكم جميعا
بس كلكم ادعولي اني ما ارجع للمرار اللي كنت فيه وادعولي من قلبكم
حوا بجد @hoa_bgd
كبيرة محررات
يلزم عليك تسجيل الدخول أولًا لكتابة تعليق.
ام ماسه
•
انجاز بصراحه ..
مبروك الرشاقه ..
وانتي حاولي تتبعين نظام صحي مدى الحياه وبدون حرمان ..
بالتوفيق ..
مبروك الرشاقه ..
وانتي حاولي تتبعين نظام صحي مدى الحياه وبدون حرمان ..
بالتوفيق ..
حوا بجد
•
من عيوني
قبل5 شهور كنت 70 وزني 159
اول شهر الصبح كلي 2 توست مع لبنة او جبنة قليلة الدسم ممكن مع خيار او بندورة
وبعدها مباشرة حبة وحدة فواكه
الغداء
150غم لحوم او دجاج او سمك جنبه خضار اللي تحبيه مطهي او ني المهم اليوم كله ما تحطي الا ملعقة وحدة زبدة او زيت انت حرة يا بتحطي هالملعقة مع اللحم او الخضار المهم اليوم بطوله مش مسموح اكتر من معلقة دهون وبعد الغدا مباشرة حبة فواكه
العشا
100 غم لحوم يعني ممكن تونة او سردين او ممكن جبنة بتقطعيها مع سلطة والفواكه عالعشا ممنوع
انتبهي انه الرز وباقي النشويات ممنوعة بتاتا الا التوست في الصبح
تاني شهر وتالت شهر متل الاول تماما لكن بدال 2 توست في الصباح وحدة فقط اول شهر نزلت من 70 ل 65 تاني شهر 60 تالت شهر 55.5 لكن ابدا ما خربت حتى الدكتورة تفاجئت من النتيجة وانبسطت كتير
اي استفسارات اخرى انا بالخدمة
قبل5 شهور كنت 70 وزني 159
اول شهر الصبح كلي 2 توست مع لبنة او جبنة قليلة الدسم ممكن مع خيار او بندورة
وبعدها مباشرة حبة وحدة فواكه
الغداء
150غم لحوم او دجاج او سمك جنبه خضار اللي تحبيه مطهي او ني المهم اليوم كله ما تحطي الا ملعقة وحدة زبدة او زيت انت حرة يا بتحطي هالملعقة مع اللحم او الخضار المهم اليوم بطوله مش مسموح اكتر من معلقة دهون وبعد الغدا مباشرة حبة فواكه
العشا
100 غم لحوم يعني ممكن تونة او سردين او ممكن جبنة بتقطعيها مع سلطة والفواكه عالعشا ممنوع
انتبهي انه الرز وباقي النشويات ممنوعة بتاتا الا التوست في الصبح
تاني شهر وتالت شهر متل الاول تماما لكن بدال 2 توست في الصباح وحدة فقط اول شهر نزلت من 70 ل 65 تاني شهر 60 تالت شهر 55.5 لكن ابدا ما خربت حتى الدكتورة تفاجئت من النتيجة وانبسطت كتير
اي استفسارات اخرى انا بالخدمة
الصفحة الأخيرة
وعقبالي يااااااااااااااارب