قبوط وكشري

افا عليك ليش زعلانه انت امري بس

القبوط طريقته سهله
تسوي عجينه من ماء وطحين بس و تكون العجينه لينه تتشكل كور بس مو متماسكه مثل الفطاير
رشي على الوجه شوي ماء و غطيها لحين الاستعمال
( انا استعمل الطحين الاسمر والملح ما احطه بالعجين حتى اتحكم فيه في المرق )

اعملى مرقه لحم او دجاج مع خضار مقطعه كبير ( حاولي نفس حجم القبوطه الوحده)
الخضار جزر و كوسا و باذنجان و بطاط و فلفل اخضر
لا تنسي اللومي الاسود والدارسين مع المرقه وصلصة الطماطم
المرقه تكون ماي مو ثخينه

الحشوه بصل مقطع صغير و لومي اسود بودر و ملح شوي و زبيب
( اذا تبينه للنفاس اضيفي الحلبة و الحبه السوداء بعد سلقهم جيدا للحشوه )

اخذي قطعه من العجين و احشيها بملعقه من الحشو و شكليها مثل الكبه اصبع طويل
نفس حجم الخضار
بعد ما تنتهي من المقدار سقطيها في المرقه
واتركيها على نار هادئه حتى تنضج من ساعه الى ساعتين حسب رغبتك تبين القبوط متماسك و الا لين ذايب

لا تخلي العجينه سميكه لانها راح تاخذ وقت للنضج

وبالعافيه

الكشري موجوده طرق كثيره بالمنتدى بس
حاولي تبحثي عنها

مع تحياتي

تسلمين ياأحلى عصفوره وانشالله بسويه اكيد ما دام طريقتك لا زم تظهر حلوه مثلج :)