قدر الله وماشاء فعل .. فقدت قطعة من قلبي

السلام عليكم
كتبت الموضوع افضفض وافرغ لو شوي من الحزن اللي فيني
مااحد راح يفهم كلامي الا اللي جرب تجربتي
حملت السنة الماضية مثل هالوقت وفرحححت لاني جلست كم سنة احاول مع ان عندي اولاد الله يحفظهم وفرررح زوجي واولادي وبدوا يعدون الايام والشهور ينتظرون ولادتي لان اصغر عيالي عمره سبع ويبون نونو يفرحهم
ولما كملت اسبوعين من الثامن مات الجنين ولااعرف السبب وقف نبضه مع اني اتابع متابعه دقيقة والدكتورات كلهم مأكدين ان حملي ماشي تمام وكل شي سليم بإرادة ربي لكن انا معاي سكر حمل وكنت ملتزمة بالحمية احتاروا لما مات فقالوا لي يمكن من السكر لان كل شي عندك كان مضبوط
تخيلوا بعد ماجهزت كل شي .. كل شي .. توفى !! كنت اقرا عليه كل ورد واستودعه الله كل شوي وادعي ربي كل ليلة بالوتر ان الله يتمم هالحمل لكني فقدته وااااه من الم الفقد

ولدوني طلق صناعي وشفته وهو يطلع مني .. هاللحظة مستحيييل انساها ماحييت
وكل جهازي له تصدقت فيه بعد ولادتي وهو جديييد الله يجبرني،، كل الغرف اللي حولي اسمع اطفالهم يصيحون وانا بغرفتي اصيح حزنت عليه حزن شديييد قعدت شهرين مااكل ولا انام الله لايواخذني والوم نفسي اكيد انا سويت شي وموته او اني اكلت اليوم الفلاني اكل وارتفع سكري ومات مع اني طلعت عظامي من حمية السكر
وبديت استرد عافيتي لما داومت ولهيت شوي ،، وصرت اتحاشى نظرات الشفقة والعطف لكل من شافني وياصعب هالشعور
الان لي 5 شهور والدة و عمري 44 وودي احمل اذا الله سهل ويمكن مايكتبه الله بحكم العمر مو كله حبا في الحمل لكن ابي طفل يعوضني عن حزني بس خايفة من تكرار التجربة وخايفة يثبت السكر عندي خاصة ان عمري كبير .. زوجي وعيالي يقولون خلاص لاتحملين .. راحميني بعد تجربتي بس الحزن اللي فيني وذكريات الولادة والطفل احس مايجبرها الا طفل ينسيني لو شوي من روعتي وحزني
الحمد لله على مااعطى والحمد لله على ماأخد صرت اكررها كل شوي لعل الله مايواخذني على حزني ولا يعاقبني عقوبة اشد على جزعي مع اني والله مااظهرت هالشي لاحد بالعكس احسس اللي حولي اني متماسكة وصابرة وعادي عندي والحزن يحفر فيني ادخل لغرفتي وادعي ربي وابكي وابكي واغسل وجهي واطلع لعيالي
حبايبي ،، مشاعري هاذي ماقلتها لالصديقة ولا لأهل اقولها لكم لانكم محايدين وحبيت تقرون تجربتي وتدعوووون لي لعل دعواتكم تبلغ عنان السماء
الحمد لله
الحمد لله
اللهم آجرني في مصيبتي واخلف لي خيرا منها
عذرا على الإطاله والله لايوريكم مكروه حبيباتي ❤️