قد رحتي زواج اختك الساعة 11 ووقت الزفة

مرحبا حوائيات كيفكم

بموت من القهر ولألم وبذكر القصة عشان تستفيدون وماطيحون باللي طحنا فية انا وأخواتي وابي منكم الحكم

أنا عارفه انا بزمن المصالح وزمن الانانية بس مو لذي الدرجة انضغطت مرة مرة في زواج اختي زين ماصار فيني شي

المهم / بما اني الكبيره رحت مشغل معروف عشان ادفع عربون واحجز لي وللبنات أخواتي وشفت دفتر الحجوزات كان حجزنا الوحيد قلت تمام عشان يمدي نخلص بدري المهم دفعت لهم وحطيت رقم جوالي عندهم للطوارئ .
في نفس يوم الزواج قدر الله والسياره تعطلت وكنا ناوين نروح من الصبح دقيت عليها وقلت بنتاخر شوي طبعا ما قالت شي ولا نبهت
انقسمنا في سيارتين ورحنا للمشغل وصلت الدفعة الاولى الساعة 1 لنتفاجاء بزحمة زحمة زحمة فوق المتوقع والمتخيل تخيلو انها استقبلت 4 عوايل كاملة غيرنا وباطفالهم بعد . كان عددنا أحنا 6 فقط وقالت يمكن اخلصكم الساعة 9 طيب اش ذنبنا لية ماقالت لنا قبل. زين العروس على اخر الايام غيرت في حجزها لمشغل ثاني

توترت وعرفت انا في ورطة واطلع ارقام المشغال اللي حولنا من الاستعلامات والنت وادق عليهم كان يوم جمعة واجازة عيد ومافية حجز مسبق !!!!! ورفضوا يستقبلونا

صارت 4 العصر ولافية امل ينادون على احد فينا والتوتر واصل حدة عرس اختي والمعرس اخو زوجي المفروض بعد المغرب اكون جاهزة عندي حجوزات ومساهمة باشياء ونفسيتي دمار .
نسيت اقولكم انها ماعندها عاملات( الفلبينيات طالعين اجازة والسعوديات في الحج )ومستقبلة 60 وحدة
متعامله مع عاملات مؤقتات بالنسبة وهم مبتدئات نجي للعب الصحيح بعد ماشافتني ابكي قدامها ومرتفع ضغطي وكل شوي اكلمها وجوالي ماسكت وينك وينك عطفت علي وخلت وحده تبداء فيني كانت الساعة 5 حسيتها تسوي لي مساج بااااارده ومتعلمه ماتعرف شي حتى استشوارها يفشل انفشت شعري وكل شوي تسالني انهرت تحت يدها ماخلصتني الى 8 ونص وتسريحة تفشل في نص الشغل وقفتها انادي الاستقبال اقولها غيريها تقول احمدي ربك دخلتك قبل دورك ياتمشي حالك ياانتظري للاخير مافية حل ثاني يعني عطتني الفضلة اللي محد يبيها ؟؟؟؟؟

سويت مكياج وخلصت 9 ونص الحمد الله انا اول وحده خلصت من خوات العروس الباقي مابعد بدو فيهم كل وحده بااااقي بكشتها يااااربي قلت لهم اعذروني انا الكبيره وعلي شرهه وامي بالقاعة لحالها انا مراح انتظركم بمشي ادق على زوجي
وانكبة المسكين زواج اخوة بعد وبيشرف على عشاء الرجال والوقت كان مرررررة مو مناسب واطلبه يجي ياخذني ويجي مسرررررع ربي حماة وساهر ماقصر فيه .

وادخل عليهم وجهي معفوس ماكاني رايحة فرح من الوم اللي توجهه لي من كل جهه
والعروس مسكينة محد حولها منا مدري من لبسها فستانها واكسسوراتها . وصلت اناالساعة10 و زوجها عندها تصور والحريم قلطو على العشاء ماقدرت اسلم على حد مالي وجهه ابد الكل يسال وين خوات العروس امي اش صار فيها وهي تعبانه قصة ثانية
طبعا لحظات خلصوا الحريم عشاء وي**** زفة وتصوير لبست عباتي وشيلتي ومحد شاف فستاني ولا شافني بكبري لاني التهيت مع اختي داخل وعلى فكرة البنات باقي بالمشغل صار ان اخوي مقدر يجيبهم 10 ونص لانة وقت زفة وربكة اضطرينا نرسل خالي لهم واتصالات ومايدري عن محلهم وووو جاو مساكين واختهم طالعة من الكوشة يمكن كانت الساعة 11 ونص .
12 ونص انتهى العرس وكلن راح بيتة احس ماحضرت ولا شفت شي من غير رفعة الضغط والتوتر عاد كلام الناس حسبي الله ونعم الوكيل اللي قالو انا متعمدين الله لايسامحهم

طبعا تحسبون انا حاجزه بمشغل يفشل ورخيص .....لا والله انها خذت مبلغ وقدره اللي شعرها قصير 400 واللي طويل 750 بس تسريحة من غير المكياج اما الاسلوب والمعامله السيئة حدث ولا حرج بعد المغرب تهاوشو الزباين مع بعض كل وحده تقول انا اول وانا اول وتعالو شوفو الصراخ والحوسة هي خذت الفلوس من 60 حرمة واختفت مافية احد نتفاهم معة مااقول الا الله لايسامحها وين ماراحت هذا اسمة غش وخداع وانا زعلانه اني مااخذت حقي ولا تكلمت كان همي اطلع من الزبالة ذي كان كلمتني قبلها بيوم وحطتني في الصوره اما ننقسم او نشوف مشغل ثاني من بدري
والله يكفينا جميع شر بنات الحرام وعيال الحرام