يوووه قهر ضغطي أرتفع و أنا بس أقرأ كيف أنتوا و أنتوا بأرض الحدث
الله يعوضكم خير و خيرها في غيرها
درس و كلنا لازم نتعلم منه
بس نشوف زحمة نتصرف تصرف آخر أما نكمل في نفس الصالون لااااا
الله يريح قلبك و يشرح صدرك حبيبتي

انقهررررت لاني نفس حالتك وربي في زواج اخت زوجي رايحه مشغل فخم جدا من مشاغل الرياض وحاجزة ودافعه عربون شعري ب500 عند اشهر كوافيرة عندهم والماكياج ب450 من يوم دخلت العاملات يتهاوشون قدامنا وتعاملهم زفت وهالمشغل يعتبر من النخبه ورواده من كبار الشخصيات :(


اول شي قالوا ركبي رموش ولطعوني ساعه انتظر العامله اللي المفروض تركب لي لانها كانت تسوي بديكير لزبونه ولافيه غيرها المشكله انها هي والزبونه طاقينها سوالف قدامي ولاهمهم مع انها تدري اني وراها وانتظرها !! رحت لكوافيرة المكياج وانصدمت اني ماركبت رموش الى الحين وجت تهاوش العامله ليه تتأخر كل هالتأخير
وبدت الماكياج وخلت الرموش اخر شي الحمدلله الماكياج طلع زين المصيبه تسريحتي طبعا حجزي تسريحه الساعه 4 مابدوا فيني الا 6 ونص وجوالي انهلك من الاتصالات زوجي يهاوش لانه بيروح للقاعه يستقبل المعازيم
اول شي استشوروا شعري اي كلام والله ياليتني وقفتهم عند الاستشوار جت الكوافيره الله لايسامحها (كل ماتذكرت فار دمي ) نفشششته ولاني طالبه ريترو ركبت لي حشوه وطلع شكلي مدري كيف لان شعري مب طويل مره المفروض ماركبت حشوة قامت تسلك وانا انقهرت شكلي كان غبيييييييي مررررا مايستاهل 500
ومن زين الطبايع طلبت فرنش مانيكيور سوت لي شغل تخبيص انا والله اسوي احسن منه وكلف 70 :(
ااااه يالقهر


حللفت توبه ماعاد اطبه بصراحه

القهر بعدها باسبوع كان في مناسبه وانا صلحت مكياجي وشعري بنفسي وكل اللي شافوني يقولون شكلك احلى بكثييير من الاسبوع اللي فات ... ليتني صلحت نفسي وحطيت 1000 ريال في جيبي :(

ماالومك يااختي والله حسبي الله على الاستغلاليين اللي مثل كذا
ليته غلا في الاسعار وبس زياده توهيقه في الزواج
الواحد يتحمس قبل بكم شهر يفكر وش بيسوي وش بيلبس والتقديم يجي يوم الزواج والمشغل يخرب اي شي جميل نسويهغلا وشغل يفشل وحرب اعصاااااب من ناس استغلاليين بصراحه

بس نصيحه جيبوا وحده بالبيت والله احسن لكم وواعدوها من ١١الصباح والمكياج خلوه اخر شي ..
عالاقل تعرفون اذا جت الساعه ١٢وماشرفت تدبرون عمركم
بس فعلا الواحد مايدري وش ينتظره من مواقف ..والدنيا دروس ..والحمد لله ماصار فيكم شي كله بس تأخير وماعليك من الناس اهم شي ربي بس يوفق اختك ويسخر لها ياكريم

ياحبيبتي احنا نحجز من أسبووع نذكرها قبلها بيومين اذا في ضغط تقول وبالفعل نضطر نتصل بجده ويجوون يسوون لنا من الظهر المغرب نكون جاهزين بس ندفع حق مشوارهم اما أنتم حالكم صعب فرحتكم ماتت وأنتبهي هذا درس لك

على فكره انا اايد انك تكتبين اسم المشغل اللي رحتي له وتشهرين فيهم حتى العاملات اكتبي اسماءهم
انا المشغل اللي رحت له اسمه دار الميسان اللي جنب مطعم اسماك النافورة اللي صلحت شعري اسمها مدام نجوى اللبنانيه هذي مشهورة عندهم وشايفه نفسها بزياده وتعاملها مخيس ندمت قد شعري راسي اني خليتها تمسكني ليتني مخليه اي كوافيره ثانيه تصلحني ولا جيت عندها والله ان الفلبينيات شغلهم احسن منها

واللي صلحت مكياجي لبنانيه اسمها حنان او سمر نسيت لكنها طويله ومسويه تان مكياجها توب وتعاملها حلو ماعليها
حسبي الله ونعم الوكيل