كل بنت لمن تتزوج تتخيل إن لها بيت حلو وأسرة رائعة وحياة سعيدة ..!!
أنا باختصار تزوجت لسبب وهو اني أفرح أهلي فيني .. الصدق ماكنت مرتاحة للزواج بس قلت شعوري يمكن عادي أي وحده مقبلة ع شي جديد تكون متخوفة بالبداية وبعدين ربي يسهلها .. وفعلاً زواجي تم بعد أقل من 3 أشهر وكانت الأمور متسهلة وبسرعة :) .. وكنت مخططة إني ماأحمل بحكم الدراسة وللعلم إحنا متقاربين في العمر ..
طبعاً واجهت مشاكل كثيرة مع زوجي وواحده منها الضرب !
وللأسف زوجي يده شديدة علي .. وكلها أسباب واهية وربي يشهد فقط ع قولته تأديب !
طبعاً موضوع الضرب الكلام في تفاصيله كثيره لاني تعبت تعبت تعبت لمن أتذكره
و الاسلوب المتبع من قبل زوجي هو إنه يسبني وكانه شي عادي
غبية ! نوامة ! مفهية ! مجنونة ! قليلة أدب ! منتي محترمة ......... وكثيير
وهالشي ينرفزني بكلامه وطبعاً أنا اقوله ليش كذا تقول ترضى إني اقولك كذا يقولي أنا رجال !
( حسبي الله ونعم الوكيل عليك )
ومرة لمن أجي أتسأسف وأقوله أسفه انا ماتوقعت إنك تزعل " قبل النوم " وأحنن عليه طبعاً يرفسني ومرة قالي وهو يطالع فيني وقال : الله يشفيك !
انا غلطتي إني أتأسف كثيييييييييير مع إني في أغلب الأشياء ماني مجبرة بس وش أسوي علشان هالزوج مايزعل وبعدين ربي يعاقبني :(
والله يابنات نفسيتي تعبت وقسماً بالله العلي العظيم إني تعبت
طبعاً ماني عايشة حياة متزوجين وربي ,, ماأحس إني مستقرة ليش ؟
لأنه مراااااات يكون مررة طيوب وحنون ونعيش مبسوطين بس على اي شي يزعل وانا اكون مو مسوية شي غلط ويصير شخص ثاني غير 180 درجة وتنقلب حياتنا الى جحيم !
خالتي تقولي أدعي الله يهديه ..
بس مشاكلنا زادت بشكل كبييييير وصار حسااااااااااااااس وعصبي جداً خاصة ...
لمن طلع موضوع جديد في حياتي وهو العقم !
انا يابنات كان نفسي بالحمل بس عشان الدراسة خلصت سنة من زواجي وفكرت بالحمل وماحملت ولا مرة واستغربت
وزوجي ماكان متحمس يقول عادي بعدين وبعدين لمن تأخرنا وافق وقاللي خلينا نكشف !
بس قال خليني انا بالأول ووافقت وعمل التحليل طبعاً بعد النتيجة وش قاللي !
قاللي أنا طبيعي وإنتي اللي مو طبيعية وصدق والله هذا كلامه وانا مرة انقهرت يومها وافكر وضااااااق صدري :(
بس ماوراني التحليل الا بعدها بكم يوم وجاني بعدها وكلمني إنه التحاليل تبين إنه عقيم عقم شديد
انا أنصدمت بس سويت نفسي عادي وكذا بس جواتي قلبي يعورني وأبكي بحرقة بس بعيد عنه :(
أنا أحب الأطفال أبي طفل يكون لي سند بهالحياة ..
وقعدت أفكر بهالمشكلة الحين أنا وش مصيري بحياتي الزوجية هذي ؟
انفصل طيب وين أعيش ؟ من جد أنا الحين مالي لا أخ ولا أب ولا أم حتى :( .. وهل بتجيني فرصة وأتزوج ويصير عندي أطفال !
ولا أستمر وأستحمل يمكن يصير زوجي كويس بس أعيش من دون أطفال !
بنات الله يوفقكم ويحقق لكم كل أمانيكم ساعدوني .. عطوني حل .. والله إني تعبانة :(
طفلة تحلم بالأمومة @tfl_thlm_balamom
عضوة جديدة
يلزم عليك تسجيل الدخول أولًا لكتابة تعليق.
ماااشي الحال
•
الله يفرج همك يارب ماحبيت اطلع من دون ما أدعي لك
نصيحتي تسريحبمعروف وحرام انك تضيعين عمرك مع واحد مثله لو كا مدللك ويعاملك كويس كان شي يعوض لكن كذا تطلقي ولك الله وربي كريم يرزقك الي يسعدك وتقر عينك بشوفة ضناك الله اكرم من خلقه
اشكرك اختي صمتي ..
انفصل !!
والله فكرت فيها كثير لدرجة إني افكر فيها يومياً ! :(
بس أهلي !
أبوي متوفي ومالي أخ ولا أم ومرت أبوي ماتبيني أعيش معها تقول يكفيني اللي فيني !
وش أسوي :(
انفصل !!
والله فكرت فيها كثير لدرجة إني افكر فيها يومياً ! :(
بس أهلي !
أبوي متوفي ومالي أخ ولا أم ومرت أبوي ماتبيني أعيش معها تقول يكفيني اللي فيني !
وش أسوي :(
الصفحة الأخيرة