وهزمنى الشيطان

الحمد لله سمعت اذان الفجر وتنبهت من نومي واخذت افكر كم انا محظوظة ان الله ايقظنى كي اصلي الفجر واحظي بالثواب
وتذكرت حديث للشيخ محمود المصري عن كيف نحافظ على صلاة الفجر

وكيف ان من يستيقظ لصلاة الفجر يكون في ذمة الله وكيف تكون لذة الصحيان والناس نيام وخصوصا في ايام البرد الشديدة

واخذت اغبط نفسي على ذلك وقلت ما ان ينتهى الاذان حتى اتسحب ببطئ من جانب ابني الرضيع كي لا يستيقظ واصلي والناس نيام

ولكن هيهات ان يدع لي الشيطان كل هذا الكم من الحسنات والخيرات
لقد جثم بكل قوته فوق جفوني وحرمني متعة الصلاة الحاضرة

لقد نمت

اقولها بحسرة والم لقد عرفت الان ماهو شعور الضيق والقلق لمن ترك صلاة الفجر عامد او سهوا

انتصر الخبيث علي:(
نمت
نمت
نمت

وراحت الصلاة وراحت احلامي بثوابها

اسالكم الدعاء لي بالمحافظة على صلاة الفجر حاضر والانتصار على عدوي وعدوكم وعدو الله ........................الشيطان



كان هذا خاطر جال بخاطري واردت ان تشاركوني فيه

حيث ان صلاح الدنيا والدين في نظري يبدا من المحافظة والمداومة على صلاة الفجر

اما عن يومياتي الرهيبة

امبارح كان يوم العدس العالمي هههههههه

عملت اكل ليومين
كشري وشوربة عدس

هتقولوا عليا مفترية ومش هاممني معدة جوزي بس هو اللي هيموت على شوربة العدس وانا كنت هموت على الكشري قلت مبدهاش

وطلعت كمية لحمة من الفريز

حطيتها في البرستو وبصلة وتوابل وزودت المية
واااااااااااااو طلعت لحمة كباب حلة تجنن وبصوص كتير وخفيف زي الشوربة
جوزي بيحبها كده

هقسمها في اكياس وعلى الفريزر بالصوص بتاعها بتريحني اوي

وحميت شادن وقصيتلها شعرها (ظبطة من الجناب بس ) ووضبت المطبخ والمواعين وخلافة وبس


شاطرة صح؟

يومياتك رائعة يا عروس جزاك الله خيرا
انا كتبتها عندى وان شاء الله امشى عليها

كل البنات صباح الخير
يومياتى الحمد بناتى والحمد لله احسن فى الصلاة وانا بس زى ميرو ماقالت فى الفجر الشيطان بيطبق على نفسى اللهم اعنا علية
بس الايجابيات 90% بقول الاذكار و100 بصلى السنن وفرض من القديم الى عليا
***** الله اليوم هيبقى الاول فى تخصيص وقت للزوج ووقت للبنات ووقت نفسى ادعو لى يارب اظبط
امبارح عملت صنتين جلاش بالخضار طعمه زى البيتزا وسهل
نصف كيلو جلاش بنحط رشة سمن او زيت ذرة فى قاع الصنية وكل كام رقاق رشة سمن او زيت والحشو طماطم + زيتون اسود مخلى +فلفل رومى شرائح + جبنة رومى مبشورة(( انا بشترى الجبنة واضربها فى الكبة ) واغطي الصنية واشلها فى الفريز ولما اسويها احط عليها كوب لبن + بيضتين
وعملت ملوخية وشللتها على الطشة وفاصوليا جافة وشلتها جاهزة على التسخين بقى عندى اكل اسبوع ***** الله دة يساعد فى تنظيم الوقت لان بارجع من الشغل اقعد فى المطبخ على راى ايمان
وعملت فشار وبليلة
البليلة للى مايعرفش قمح مبشور من عند العطار ننقية وننقعة مدة 12 ساعة فىالماء وكل شوية نغير المياة علشان تبقى لونها فاتح ونحطها فى حلة + ربع كوب ارز ونغطيها كويس والاحسن لو فية قدر الضغط
وبعدين ممكن لما تستوى تحطى لبن وقرفة ولماتغلىتضيفى نشاءمذاب فى لبن بالتدريج لحد ماتتخن تبقى عاشوراء

نوشاااااااااااااااااااا
انت فين يا بنتي وحشتينيييييييييييييييييييييييي
ايوه كدا هلوا يا بنات و متغيبوش علينا


ميرو
ايه الغيبه دي ؟؟؟
و بجد موضوع الفجر ده فعلا صعب
و عشان صعوبته بتلاقي لذته رهيبه فعلا
انا الحمد لله مش بفوت الا لو نمت بطريقه غير معلومه يعني فجاه و بقوم اخر عكننه

حلو النشاط و اليوميات ربنا يقويكي


ام البنات
ماشاء الله عليكي استمري و احسن حاجه فعلا موضوع تظبيط اكل للاسبوع
عشان تشيلي من دماغك التفكير اليومي في الاكل
و تلاقي وقت لنفسك و لجوزك و لمتابعه البنات


هايا
طبعا الكلام مش ليا في الكيك و الحلو
حبيبتي انا داخله معاكو موضوع الريجيم بتاع المصريات هههههههههههه
انا ناقصه حلويات







قوليلي ايه اخبار نيرمين


روني
ازيك يا حبيبتي وحشانيييييييييييييييييييييي


مادو
كل ده بتنظفي البلكونه ؟؟؟؟؟؟؟؟؟؟؟؟؟؟؟؟


عروس
فينك مش باينه ليه