بصى يا أسماء جربى كده تدعكيها ب JIF اعتقد عنكم منه جبية كده و ادعكى بية و لو منضفش أول مرة أدعكى بعدها بيوم خليكى و راها و هتنضف ان شا ء الله

و بالنسبة لفيتات جمانة بصى انقعيها قبل الغسيل شوية فى كلوركس الوان او ابيض حسب اللون يعنى و بعدين ادعكى مكان البقعة بملح ليمون و ان شاء الله تطلع



معلش انوى كده و انتى ربنا هيقدرك على صلاة الفجر و افتكرى دايما ان انتى نايمة و فيه غيرك ناس كتير بيصلوا دلوقتى و بياخدوا الخير و الثواب و انتى لألألألألألألألألألألألألألألألألألأ

و ساعتها أكيد هتقومى عشان تنولى الثواب زيهم ان شاء الله


كل البنات معلش من غير أسماء بسلم عليكم كلكم و بحبكم فى الله

اما عن يومياتى امبارح لما روحت بعد الغذا كان فيه غسيل منشور لميتة و طبقتة و شلتة و كان فيه غسيل الوان حطيتة فى الغسالة و دعكت الحوض و التواليت و مسحت الحمام و حاولت أنضف باب الحمام معرفتش :mad:

و بعدين رحت المطبخ ضبتة و مسحت الرخام كويس و سلت المواعين كلها و شلتها و لمعت درف المطبخ كلها و المقابض من فضل الله
و بعدين كان فيه غسيل ابيض نقعته فى المية و الكلور و دعكت ياقات قمصان جوزى بالفرشة و المسحوق و بعدين بشوية خل ليمون و حطتها عشان تتنقع
و خلص اليوم من فضل الله وجه جوزى و بعد ما اتغدى بنتى قعدت مذنبانا للساعة 12.30 لحد ما نامت ربنا يهديها :06:


معلش عندى كام سؤال :
انتو بتنضفوا الحجات الخشب بايه ( مثلا المطبخ ) عشان تلمع و تنضف و فى نفس الوقت الخشب مش يبوظ ؟؟ و محدش يقولى بليدج ده اختراع فاشل الحاجة الوحية اللى بستخدمة فيها هى باب الشقة بلمعه بيها

و أبواب الغرف بتنضفوها أزاى ؟؟؟ مثلا الأبواب فى البيت عندى مدهونة ابيض عادى بس الحتت اللى فى الأركان ديه مش بترضى تنضف و بصراحة شكلها مش عاجبنى خالص فياريت تفيدونى افاكم الله

ثالثا معلش طماعة ياريت واحدة منكم جزاها الله خيرا مقدما يارب تعملنا وصفات التنضيف كده ورا بعضها عشان انا تايهة اوى فى الموضوع ده

يعنى مثلا : وصفة التلميع - وصفة تنضيف السجاجيد - وصفة الريحة الحلوة للبيت

عطر انا ماقدرش ابدا على زعلك بس كانت حالتى النفسية سيئة والحمد لله على كل حال وانا كمان عندى عروسة ليوسف جودى عندها سنة ونصف وبعدين شطورة بتاخد المعالق والعيش توديهم للترابيزة علشان الاكل شوفى بقى دة من سنة ونصف امال لم تكبرهتساعدك وتعملك محشى وحووشى ،،،،، والف سلامة على يوسف انا سالت عية بس انتى ماخديش بالك
عروس ايه اخبارك ربنا يصلح حالنا وحالك واحوال المسلمين
كوكى ازيك ياجميل
مادو ايه اخبارك -هايا ورونى وام اسلام وام النصر وام سوسو ومنى ورانيا وايمان وماما زوزو والاسكندرانية وتوتوتة وايناس وشيماء وملوكة وام عبد الرحمن -كنزى -وفاء وكل البنات ايه اخباركم
ام مريم انتى فين
نريمين الف مبروك انتصاركم وصبركم وعزميتكم تقبل الله منكم واحيا بكم الحب والعطف فى القلوب

منى انا مسح الابواب البيضاء اللاكية يعنى بماء ووبريل وبعدين بقيت ازود ملح ليمون
بقع الحيطة والنجف بلمع الزجاج وساعات بقع الخشب لولاكية رائع
البليدج انا باستعملة للخشب مفيش حاجة غيرة بس كل سنتين بجيب الاستورجى وخليه يلمع الدهانات الخشبية
الريحة الحلو بخور وبمسح الرخام والابواب فى اخر مسحة بمعطر الملابس الى بيتحط على الغسيل

السلام عليكم ورحمة الله وبركاته

ازيكم كلكم يا حلوين

عروس جزاك الله خيرا على الوصفات والنصايح الجميله

عطر ...... كده بقه انتى ثبتى إنه أحمد هههههههههههه طيب لو بنت اقترحو عليا أسماء يله

بس ماشاء الله فعلا اكيد التعود على الصحيان هيخليكى تصحى مهما كنتى نايمه متاخر

وعارفه النظام الى انتى بتقولى عليه ده هو الى انا نفسى اطبقه عندى بحيث اكون عملت كل حاجه فى وقتها يعنى صليت الفجر فى ميعاده ووديت منونه الحضانه فى ميعادها ومكنش مستعجله وحاسه ان يومى ملخبط

ربنا يقدرنى واطبق النظام ده والله المستعان

رونا ..... جزاك الله خيرا على الترحيب يا حبيبتى

دموع تائبه .......... بارك الله فيكِ أنا كنت نفسى أسأل الاسئله الى انتى سالتيها كلها والله سبحان الله .... منتظره الاجابه معاكى يا جميل

أم البنات ......ألف سلامه يا قمر وانا كمان رديت عليكى وانتى طنشتينى خاااااااااااااالص انا مقموصه ومش هتصالح الا ما تصالحينى ههههههههه

كل القمرات اخباركم ايه ويا رب مش اكون نسيت حد

السلام عليكم يا بنات انا عايزة منكم وصفة للتخلص من رائحة الترجيع اكرمكم الله بنضف بمساحيق و نضفت بكومرت و دواني و برضة تحسي لن الريحة ماسكة في السجاد يا ريت تسعدوني و لكم جزيل الشكر عشان هنا مبهدلا ني اليومين دول كل شويه ترجيع معلش