انا عندى نفس سؤالك يافطوم
محتاسه مع بنتى اخر حوسه
هيا يومين ان شاء الله وتدخل التامن ومش عارفه اعمل ايه فى الخضار
الكوسه والذره والقرع احفظهم ازاى
مش معقول كل ماتجوع حقوم اسلق واهرس واديها حتكون فضحتنى ولمت عليا الجيران

اسفعونى الله يكرمكم بطريقه حفظ للكوسه ليها مخصوص لانها بتخرب بسرعه ف التلاجه
ينفع اسلقها واهرسها واشيله فى الفرزيرز جربت اعمل كدا مع شوربه خضار طعهما كان وحش الصراحه والبنت رفضت تاكلها

ميليسا
للاسف الكوسهو البطاطس صعب حفظهم مهروسين
انا عن نفسي كنت بعمل الخضار و بشيله في التلاجه مش مهروس بس مش اكتر من يوم
انما انا رايي انك تحضري الحاجه متقطعه و مغسوله في الثلاجه و قبل ما تجوع تعمليهم على السريع
اصل المشكله في اكل الاطفال انه لازم يكون طازه عشان يحتفظ بالفيتامينات و ميكونش مجرد سد جوع


بصوا يا بنات انا يوسف وهو بيبي كان رافض شوربه الخضار المسلوقه
فبقيت بشوي له الخضار
يعني اقطع كله مربعات و بعدين ادهن ورق فويل بنقطه زيت زيتون و احط الخضار و ارش عليه رشتين ميه و رشه زعتر
و اقفله كويس و ارميه في الفرن
نص ساعه و بيبقى زي الزبده بس بجد كان بيحبه جدااااا و فعلا لو انتوا نفسكوا دقتوه هتلاقوا طعمه فظييييع


و بالنسبه للقرع للاطفال مفيييييييييييييييد جدااااااااااااااااااااااااا
و كنت برضه بعمله ليوسف وهو بيبي
كنت بسلقه بشويه مياه صغيرين اوي بحيث ان فيتاميناته تفضل فيه
و اهرسهولو مع رشه قرفه و طبعا بدون سكر او عسل


و كنت بشويهوله مع بطاطا مكعبات في طاجن صغير و احط عليه رشه مياه و رشه قرفه
و مجرد يتهرس و يبرد بيكون طعمه راااائع و مفيييييييييييييد اوي


احيانا كنت بشوي له مكعبات تفاح مع مكعبات البطاطا و برضه في طاجن و رشه قرفه و يتهرس


يعني انا غالبا عمري ما سلقتله حاجه غير مرتين تلاته لان طعم الحاجه في الفرن بتكون احسن للاطفال ميت مره و بتحتفظ بالفيتامينات

ازيكم يا كل البنات
الحاضرات والغائبات

المتذكرينى والناسيات
واهلا وسهلا بكل الجديدات
كلكم منورين ونورتو ا احلى الملفات
ملف قعدة الستات
ههههههههههه

هى جت معايا كده
كلها ات ات ات

فعلا وحشتونى
وانا متابعكم
بس مش ليه نفس اشارك

وو انى كتير من مشاركاتكم عجبانى
وحاسه ان فيه تركيز اكتر
وكأنكم اكتسبتم خبرة
وبعدتم كتييييير عن الحدل
ماشاء الله عليكم

يابنات ما تنسونيش بالدعاء
الازمة عمالة تشتد
وتقريبا انا تعبت خالص
مع انى الحمد لله توكالى على الله والحمد لله
وكمان مستبشرة خير
وبتضرع لربنا سبحانه وتعالى يفك الكرب

الحمد لله والشكر لله
لكم منى احلى السلامات
واطيب التمنيات

ازيكو ازيكو انا جايه افرفش عندكو
ازيكو كلكم لأني صعب اقول اسم اسم بس سلامي للجميع نفر نفر
ماما زوزو ربنا يفك كربك وهمك (اللهم صلي صلاه كامله وسلم سلاما تاما علي نبيينا ورسولنا محمد الذي تنحل به العقد وتنفرج به الكرب وعلب اله وصحبه اجمعين في كل لمحه ونفس بعدد كل ماهو معلوم لك يا حي يا قيوم يا الله يا الله)
المشكله اني ما عنديش حاجه مفيده اقولها

السلام عليكم
ماما زوزو ربنا يفك كربك وييسر لك كل امورك
نيرفانا لتلميع النحاس ليمونه تقسميها نصفين وتدعكلى بيها بيرجع اصفر وكانه جديد
فطوم ربنا يعينك على البيت والولاد القرع بشيله فى الفريزر بدون سلق يقطع مكعبات وعلى الفريزر
وصينية القرع بتسلقى القرع بماء وسكر ويكون مكعبان وتصفيه من الماء وفى ماء السلق تعملى البشاميل
وفى الصينيه بشاميل والقرع مكعبات ومكسرات ثم باقى البشاميل وعلى الفرن وانا بعمل البشاميل عموما بدون بيض
ميليسا بالنسبه لاكل الاطفال لازم يكون فريش يوم بيوم وماء السلق يكون بسيط حتى لا يفقد قيمته الغذائيه
وكمان صعب ان الطفل يعيش على وجبه وحده لازم تنوعى حتى لا يمل طف ثمان شهور
وجبه شوربة خضار ولو الطفل ما حبهاش كان الدكتور يقولى ضيفى لها سكر وكانت بنتى تحبها كده
وجبه مهلبية جزر تسلقى الجزر وتضربيه فى الخلاط وعليه حليب وسكر ونشا وتلفيه على النار
وجبة بسكوت ساده فى عصير برتقال فريش
وجبة قطعة جبنه مثلثات
ماء البليله
وجبة مهلبية رز يسلق ويضرب فى الخلاط ويلف على النار بحليب وسكر ونشا بسيط
وجبة زبادى كل دى اكلات لثمان شهور
من بداية التاسع تضيفى صفار البيض ووممكن تضيفيه على الزبادى
فول مقشر وهروس ناعم وشوربة لسان عصفور
فطوم ابنك خمس شهور يبقى تعطيه عصير برتقال فريش وعصير تفاح
وشوربة خضار وايضا القرع مفيد
مقادير البسكوت المالح
4كوب دقيق
نصف كوب زبادى
كوب سمنه ملعقة شاى كمون وملح وحبة البركه وسمسم وملعقة شاى بيكينج بودر
يضرب السمن والزبادى وتضاف باقى المقادير ولو العجينه يابسه يضاف زبادى