مين عايشه فى القاهره ترد عليا
اروح القصر العينى القديم ازاى من الترجمان
اما اروح اعمل اى منظر فى البيت احسن كدا بقى ميمفعش

ايمان وحشتينا
ماما زوزو مفتقدينك

دعواتكم سلام

السلام عليكم ورحمة الله وبركاته
كل البنات بدون اسثناء وحشتووووووووووووووووونى مووووووووووووت ووحشنى المشاركه معاكم بجد ربنا يكرمكم اعذرونى انا كنت مشغوله المده اللى فاتت بشغل الامتحانات اللى عندى ده غير مذاكرة الولاد وامتحاناتهم والحمد لله انها عدت على خير والحمد لله نجحو وبتفوق وان شاء الله ارجع اشارك معاكم زى الاول وبحب ابداء مشاركتى بالرد على ام مريم لانى ما شفتش غير الصفحه دى و ها قولك خبرتى البسيطه فى الموضوع ده احنا زمان كنا فى ترحال وسفر على طول يعنى مع اهلى انا واخواتى كنا وقتها صغيرين ابتدينا الاول بالسعوديه وبعديها رحنا ليبيا وكانت ماما زى ما بتقولى كده تشترى كل حاجه وتشيلها فى كراتين لما بننزل مصر وها قولك بصراحه لما رجعنا بلدنا واستقرينا بداءت ماما تطلع حاجتها وتستخدمها بس للامانه فى حاجات كتيره انا خدتها لما اتجوزت كانت شيلهالى وما رضيتش تستخدمها يعنى فادتنى فى جهازى لان لما رجعنا واستقرينا كنت انا دخلت الكليه وفى سنه تانيه على طول اتجوزت بس تحسى ان فى حاجات كتيره زى الاجهزه الكهربائيه بينزل منها دلوقتى الاحدث بس مش معنى ده انها وحشه ؟لأبس انا بحس ان الطبيعى انك تشترى الحاجه وتشيليها لما تستقرى لانك مهما اتغربتى فى الاخر ها ترجعى بلدك والحاجه اللى ما بتسخدميهاش اكيد ها تفيد ولادك ما فيش حاجه بتضر او بتبوظ بس انتى ادرى بظرفك وتقدرى تحددى مثلا هل فعلا انتى دلوقتى محتاجه اوى للاجهزه دى ولا حاسه انها هاتفيدك اكتر لما ترجى بلدك وسط اهلك ويكون ولادك كبروا ؟؟؟غير انك اكيد دلوقتى مش مستقره يعنى ممكن فى اى لحظه ممكن ترجعى دا يعنى انك تلمى كل حاجتك فى مره واحده وتنزليها معاكى هاتقدرى على كده؟؟؟ ولا الاحسن انك تنزلى حاجتك على مراحل وتشيليها وترتاحى عموما انا بقولك وجهة نظرى وانتى تحددى على حسب ظروفك لانها بتختلف من واحده لتانيه يعنى مش معنى ان جارتك بتعمل حاجه يبقى ينطبق عليكى انتى كمان لأ كل واحد ادرى بظروفه ويارب اكون افدتك
يالا ها اروح احاول اقرا اللى فاتنى ويارب الحق بسلم عليكم كلكم وبحبكم كلكم فى الله

السلام عليكم ورحمة الله وبركاته
سلام سريع قلت يابنتى دحرجى التماسى على مجموعة البنات الحلوة هنا لانى باكتب لكم وانا فىفى الشغل عندى مراقبة
النهارده من4 الى7 مساءا
وكنت بقالى فترة لم ادخل النت علشان بناتى الكبار عندهم امتحانات(عندى رورو فى الاعدادية و نوجة فى اولى ثانوى )
الحمد لله بتاعة الاعدادية خلصت النهارده وان شاء الله بتاعه اولى ثانوى حتخلص يوم الثلاثاء القادم دعواتكم معانا ربنا يسهل
باشكر كل من رد على اسئلتى واللى سأل عليا .روشانا ورانيا ودموع تائبة
بسم الله ماشاء الله الملف كبر ربنا يزيد ويبارك فيكم أنا وصلت فى القراءة لغاية صفحة 47 وأكمل قراءة و حأرجع لكم
صحيح قبل ما أنسى عندى أقتراح أنا واصحابى كنا بنعمل مسابقة مع بعض وهى ان احنا بنقول ذكر معين مثلا سبحان الله
لمدة أسبوع ونكتب فى نهاية الاسبوع أحنا قلنا الذكر ده كام مرة (مثلا حد قال 1000 مرة التانية قالت 3000مرة وهكذا وشوف مين أكثر واحدة قالت الكل يستغفر لها 100 مرة تبقى الجايزة هى ان كل واحدة فينا تستغفر لها مائة مرة ) ايه رايكم فى المسابقة تيجوا
نعملها مع بعض وفى ذلك فليتنافس المتنافسون
يومياتى على السريع الخميس اللى فات طلعت جمبرى وعملت رز و لبست و نزلت علشان كان عندى مراقبة من 4 الى 7 و رحت الشغل وقعدت لغاية ميعاد المراقبة ونزلت اللجنة وراقبت واستغليت 3ساعات فى الذكر والاستغفار لغاية ماخلصت اللجنة وروحت البيت طبعا أستقبلت بحكايات وروايات الاولاد واية التؤام عملوه والبنات عملوا ايه فى الامتحانات وحضرنا العشاء وقعت شوية كان عليا
المغرب والعشاء ضبط الموبايل على الساعة 4 صباحا علشان اقوم أصليهم وأصلى القيام وأقعد للفجر الحمد لله قمت وصليت
نمت لغاية الساعة 9 صباحا وقعدت شوية مع البنات ولبست التؤام ورحت أشوف والدتى لانى بقالى كذا يوم لم أشوفها وكمان فرصة البنات يذاكروا فى هدوء بعي عن شقاوة التؤام.و رجعت شطبت المطبخ وعملنا العشاء وقعدت أراجع مع رورو الدراسات بالاصح التاريخ
ولم أجد نفسى نمت من كتر الارهاق وبطل يا واد بطلى يابنتى وكثر المشاحنات بينهم ربنا يهديهم
صحيت النهارده قبل الفجر وصليت العشاء والقيام والفجر وبعدين نمت لغاية الساعة 9 واشتغلت شوية فى البيت وحضرت الفطار للتؤام ونزلت للشغل
معلش صدعت لكم دماغكم وسلام دلوقتى علشان ألحق أصلى العصر قبل ماأذهب للمراقبة:27:

جزاكم الله خيرا عروس وام البنات وام سوسو وام مريم
ام مريم الحاجة المهمة وهتريحك استعمليها والرفاهيات عينيها لما تيجى بلدك
سها فكرة رائعة يلا حددى ذكر ونشترك فيه كلنا
هبة واية وامانى وعطر مساء الخير عليكم

السلام عليكم ورحمة الله وبركاته
كل البنات يارب تكون بصحه وعافيه
ام مريم طبعا هى دى مشكلة الغربه عدم الاستقرار انك تخزنى كل حاجه لما تستقرى فى مصرى ولما تبداى تستخدمى الحاجه
تلاقى الجميع بيضحك ياه دى موديلات قديمه جدا لان التطور فى الاجهزه سريع جدا وكمان الانسان حا يعيش كام مره
بما انى فى غربه فمعيشتى هنا اكتر من مصر فهنا استقرارى فبستخدم الاجهزه هنا ولما انزل آخد حاجتى معايا
وفى حاجات مش بعرف استغنى عنها بجيب لهنا وهناك فنصيحه استخدمى عندك الحاجات ولما تنزلى مصر خديها معاكى
حبيبه فكرة الثلاثين ده احساس اى حد بيمر بيه لكن لازم تقاومى وبلاش تستسلمى لان الشباب شباب القلب والروح
وكل سن وله جماله ومطلباته
كنت سمعت دكتور عادل عبد العال بيقول انه كان مقرر انه ينهى عمله على سن الخمسين
وده سن مناسب للمعاش لكنه زار مزرعه وانبهر جدا بتنسيقها ونظامها وان صاحب الزرعه عامل خطه مدروسه
تطبق فى خلال عشرين سنه ولما شاف صاحب المزرعه كانت المفاجأه ان عنده 80 سنه
يعنى استحاله انه ينفذ الخطه لكنه عنده حيويه وشباب
وانا عندى قناعه اخرى ان الرسول عليه الصلاة والسلام نزلت عليه الرساله وهو فى سن الاربعين
وكانت بداية المشقه والفتوحات فمفروض ان كلما يتقدم بينا السن نزداد خبره وحيويه ونشاط
ومقدره اكثر على العطاء لكن لو عشتى بقناعة اننا خلاص كبرنا
يبقى مش حا تستطيعى انك تنجزى اى حاجه فى حياتك