ازيكم يا بنوتات يا حلوات
عاملين ايه فالسقعة افضل حاجة للتغلب على السقعة النشاط
دموع التائبة انت بتصدقي فالكلام دا سوبر ماركت حكومة ايه اصلا دا لو قطاع عام يبقى فطشة كبري دماغك و اوعي تشتري حاجة انتي مش عاوزاها او عندك زيها علشان عليها خصم كدا ميزانية فاشلة ... تيجي نحط بنتك على ولادي ونعمل كوكتيل ولادي منتظمين يناموا الساعة تسعة عشرة بالكتييير ويصحو خمسة خمسة ونص كله صاحي منتبه وانا الوحيدة اللى عاوزة انام ربنا يحفظهم عيال اخر زمن علشان كدا مش بعاني فصحيانهم للمدجرسة دانا بقول يا رب تروح عليهم نومة علشان انام انا شوية

حبيبه اوسو يا ترى البيتزا طلع اخبارها ايه ان شاء الله بالف هنا ... ماتزعلش على العباية لعله خيرا يمكن كدا احسن دفعت بلاء عنك

ام البنات المصرية لغة الجسد اللي بترجمه بكتبه فموقع على طول عموما انا كل يوم بضيف رد لو تحبي تقري الشوكولاتة دلع كل النساء لانفسهم انا كمان بموت فالشوكولاتة بالمكسرات والزبيب ..الواحد عاوز ينقص عشرة كيلو لو يعملوا شوكولاتة حارقة للسعرات ..يا سلاااااااااام ... خلي بالك من الاثار الجانبية ...
roney7892000 شكرا على القاب رائعة
مرمر 1 تقومي بالسلامة ان شاء الله

omyosef ما تقلقيش ان شاء الله خير وعموما التطعيم بيكون في اول الشهر السابع يعني مش متأخرة اوي

3aroos elneel شاكرة لسؤال وشاكرة على الكيكة شكلها لذيذ الف هنا وشفا

مدام وائل الله يعينك النضافة حلو وبترفع المعنويات ليه معنويات فالارض عموما حاولي تنعنشي نفسك واكثري من الاستغفار

عطر الشموع سلامتك الف سلامة

نوشا1 موضوع الورق دا عاوز متابعة اول باول اولادي بيطبعوا ورق تلوين و وورق لعب بيعملوا عربيات مجسمة عملتلهم صندوق مخصوص للانجازات المدمرة دي ؟؟قصدي المشرفة طمنينا على نتيجة الامنتحانات

um susu الله يعينك ويباركلك

miro شكرا على الوصفات تسلم يديك

يومياتي امبارح بعد ما رتبت السراير اتخنقت من شكلها ليه ماهي مترتبة كنت بافكر اعمل حاجة جديدة فيها عارفين عملت ايه سراير الاولاد فردت البطاطين عادي و الكوفرتة طبقتها زي مناديل السفرة عندي صورة لتطبيقة مناديل سمبوكسه الولاد فرحوا بيها و كل شوية يدخلوا يتفرجوا عليها سريري فردت البطاطين عادي بس مردتش اعمل حاجة اوفر (زيادة اوي ) جبت وردة حمرا من بتوع هدايا عيد الام السنة اللي فاتت و حطيتها على منديل ابيض و رشيته برفان زوجي بيحبه فوق الترينج بتاع زوجي

بعد المرور على البيت والكنس و تنضيف الحمامات عملت بيتزا بالبسطرمة و لقيت الجبنة الموزاريلا مقصرة بشرت جينة رومي و بشرت عليها بطاطس صغيرة ناية علشان ماتبقاش مملحة اوي و الف هنا وشفا عملت الحلو كريم كراميل

اتصلت بيا بنت عمي ماكناش اتكلمنا من زمان فرحت جدا بس حسيت اني مقصرة معاها بسبب الطاحونة اللي شغالة فيها ربنا ييسر

اخبار علاقاتكم باللي حواليكم ايه واخبار صلة الرحم ايه صاحبات زماان راحوا فين اخرجي من القمم و شوفي اللي حواليكي طلعي جوزك واولادك من تحت الميكروسكوب

ميرو

اكياس الفرن سمعت معلومة مؤكده انها خطر

لانها بتحرر برضة مواد خطرة فى الاكل

انا قررت ان شاء الله ماجبش منها تانى

بس للاسف كان عندى بتاع 3 علب
فأحيانا بستخدمهم فى تتبيل الفراخ او اللحمة فى التلاجة

ولو هاستخدمهم فى الفرن بعمل اية

بجيب اصغر طبق بيركس مستطيل على قد الكيس

واحط الخضار والفراخ فى طبق البيركس وبعدين ادخل الطبق كلة فى الكيس بالراحة واقفل الكيس واقطعة من الجنب برضه

يعنى كل الفكرة ان الاكل مايلمسش الكيس وانا استفدت بالكيس انة بيعملى الضغط المطلوب لتسوية الاكل بسرعة

نفس الفكرة برضة عملتها برضه فى صنية عادية وقفلت وشها كويس جدا بطبقتين فويل
واتبت عليها داير داير الصنية

الخضار والفراخ تستوى فيها فى الفرن فى نص ساعة

سؤال في السريع يا جماعة الخير

انا لو عملت صوص الكراميل ينفع يتشال فترة في التلاجة ولا بيبوظ علطوول؟
يعني ممكن اعمل كمية وتتحط في التلاجة كل ما احتجها ولا بتتعمل المرة بمرتها؟

معقول يا رشا اول مرة اعرف
يعني زي الفويل كده
فعلا مفيش احسن من الطبيعي
خلاص اعمل الاكل في صينية وبرضه هيبقى حلو وفي السريع ههههههه

اه يا ميرو انا لما سمعت الحكاية دى وكنت عاملة فرخة مشوية فى الكيس قعدت ادقق فيها قوى لقيت فية قشور بلاستيك رفيعة جدا على وش الفرخة مكان لزقتها فى الكيس وما خفى كان اعظم

مع العلم ان النوع اللى بستخدمة المفروض انه احسن نوع look