باب فضل السماحة في البيع والشراء

عن جابر رضى الله عنه رسول الله صلى الله علية وسلم قال: (رحم الله رجلا سمحا إذا باع وإذا اشترى وإذا اقتضى) رواه البخاري.

(إذا باع وإذا اشترى وإذا اقتضى) أي طلب قضاء حقه بسهولة والمراد بالسماحة ترك المضاجرة ونحوهما لا المماكسة في ذلك.

وعن أبي قتادة رضى الله عنه قال: سمعت رسول الله صلى الله علية وسلم يقول: (من سره أن ينجيه الله من كرب يوم القيامة فلينفس عن معسر أو يضع عنه) رواه مسلم.

(وعن أبي قتادة رضى الله عنه قال: سمعت رسول الله صلى الله علية وسلم يقول من سره) أي أفرحه.

(أن ينجيه الله) أي يجعله ذا نجاه.

(من كرب) وهي غم يأخذ بالنفس لشدته.

(عن معسر) أي ليؤخر مطالبة الدين عن المدين المعسر، وقيل معناه يفرج عنه.

(أو يضع عنه) أي يحط عنه وهذا مقتبس من قوله تعالي: { وَإِن كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَن تَصَدَّقُواْ خَيْرٌ لَّكُمْ إِن كُنتُمْ تَعْلَمُونَ} سورة البقرة الآية 280.


فعلا الحمد لله رب العالمين انا بقيت اعمل كده وده مش افتخار يا جماعة انا بقول كده عل حد منكم يقتدي بيا في الموضوع ده
في السوق بقيت لما اشتري حاجة مبدققش اوي في الفصال لان في حديث معناه ان في البيع والشراء لحسنة مخفية وفعلا سبحان الله البياعين بيبقوا مستغربين وعايزين يحطوني على دماغهم وبينقولي احسن حاجة ومبقفش انقي انا لاني ببقى شايلة ابني
ودي احسن من اني كنت زمان بقف افاصل لغاية ما اطلع روح الراجل وامشي وانا حاسة اني منتصرة وان هي دي الشطارة وممكن بعد ما امشي يكون الراجل دعا عليا من زهقه

ففعلا الاسلوب ده من حسن الاخلاق كمان وربنا بيبارك في الحاجة وفي الفلوس كمان

جزاك الله خيرا اختى زوجة مطحونة
جزاك الله خيرا يا ميرو

السلام عليكم و رحمة الله و بركاتة على ك البنات و يا رب فى اسعد حال و اتم صحة


ام سوسو ............... آمين يارب العالمين ربنا يسمع دعائك يارب و يظلنا تحت ظله و ربنا يبارك فى بناتك يارب و يفرحك بيهم

زوجة مصرية ............ جزاكى الله خيرا على المقالة اكتر من رائعة و هى ديه فعلا حقيقة لازم كلنا نعرفها اللهم ارزقنا حسن الخاتمة و توفنا مسلمين و الحقنا بالصالحين .

و كل البنات عروس و ميرو و رانيا و مرمر و هايا و حبيبة أوسو و بوتا و ام مريم و مادو و عطر و ايمان و بطوطة و نيرفانا و شيماء و اسفة لو نسيت حد بس بسلم عليكم كلكم

اما بالنسبة ليومياتى امبارح كان عندى اكل فايض من قبل كده كلناه و بعدين روقت المطبخ فى السريع و غسلت المواعين و مسحت الرخام بتاعه
و كان فيه غسيل ابيض حطيتة يتغسل و نشرتة و كان فيه غسيل تانى طبقته

و على السريع كده مسحت الزجاج بتاع اوضتى و الليفنج بالمناديل المعطرة ( بجد اختراع سريع و جميل و بينضف ) و بعدين كنست الأوض و الطرقة و المطبخ بالمكنسة الكهربائية
و بعدين لمعت كده الخشب بتاع الليفنج بالريشة و غسلت الحوض و التواليت و نفضت ارضية الحمام
و بعدين السجادة بتاعت الليفنج حدث و لا حرج من شكلها الفظيع من بواقى الأكل بتاع روان الله يهديها فعملت الخلطة بتاعت البريل و الكربونات و الخل و ميه و شوية ديتول كده و دعكت السجادة كويس و بعدين نشفتها و طلعت زى الفل جزاكم الله خيرا عليها بجد حلوة جدا
و بعد ما خلصت عطرت اوضتى و الليفنج و الحمام بالكمفروت و الميه
و بعدين جه زوجى من الشغل و اغدى و غسلت مواعين تانية وراه و قعنا شوية و بعدين بدأنا رحلة كل يوم عشان روان تنام و الحمد لله رب العالمين نامت حوالى الساعة 1.30 زى المعتاد ربنا يهديها :eek:

استنوا انا لغاية دلوقتي مقلتش يومياتي

اصلي انهاردة عندي حالة انتعاشه لاني هغيب عنكوا الويك اند فلازم يبقا عندكوا حالة اشباع مني ههههه
امبارح عملت صينية خضار مشكل وفراخ وماشروم حلوة اوي ولما استوت على النار دخلتها الفرن خدت وش كده حلو
وعملت رز حبة وحبة بعمله بالزيت وبضيف قشطة بيبقى طعم الرز روعة

كمان عملت صوص الكراميل طلع غامق شوية بس فعلا حلو هستعملة في نوع حلويات جديد كده بس رومانسي هقولكوا عليه بسرعة بس للاسف مش هعرف احط صور
بتجيبي شيكولاته وتسيحيها في حمام مائي وتحطيها في كيس نايلون صغير ونقص الطرف بالمقص ونعمل بالشيكولاته خطوط عشوائية على ورقة زبدة
ونحطها في التلاجة تجمط
ونجيب كيكة شيكولاته نحطها في طبق ونقطعها على اي شكل ممكن شكل قلب ونحط معاها شكل الشيكولاته اللي عملناه ونحط عليهم صوص الكراميل ونزوقها بالفراولة ممكن واحدة بس وقطعة شيكولاته صغيرة وبيبقى شكل الطبق رومانسي جدا

يلا بقى هقطع نفسي النهاردة عشانكو
جبتلكوا طريقة مكرونة سريعة من حماتي وبجد زي مطاعم بيسترو وكده

مكرونة قلم نتتسلق وتتصفى والصوص بقى صلصة وعليها كاري ملعقة صغيرة وملعقة بردقوش او ملعقة ونصف وبهارات على طرف الملعقة كده وملح وفلفل لغاية ماتستوي وتتقلب مع المكرونة
حلوة بجد