ام مريم
الله يرحم بنت خالتك ويجعل قبرها روضا من رياض الجنة ويسكنها فسيح جناته ما شاء الله على حسن خاتمتها ، الله يصبر خالتك ويجعلها نم الصابرين.

باقي البنات جزاكم الله جميعا على المقالات الرائعة الله يجعلها في ميزان حسناتكم
مرمورا (العضوة الجديدة)
اعانك الله على ذلك ، بس ابقي معنا وإن شاء الله راح تستفيدي وخليكي شطورة وتوكلي على الله وإن شاء الله الله راح يسهل عليك كل ذلك
أنا عندي ثلاث بنات اعمارهم خمس سنوات وسنتين و ست اشهر والحمد لله كل شئ ماشئ تمام بس اتعب كثير في البيت بس لا تعلمين سر التسبيحات التي قبل النوم صدق رسول الله عندما قال انها خير من الخادم
وشئ ثاني اعانني على تسهيل اموري هو الصلاة في وقتها والله كنت اعاني من قلة الوقت وعدم النظام والفوضى بس تغير كل ذلك عندما بدات اصلي في الوقت أصبحت نفسيتي احلى ووقتي كله بركة والف الحمد لله.

ارجعلك تاني مع السلامة

السلام عليكم ورحمة الله وبركاته
سلامى للجميع
زوجه مصريه جزاك الله خيرا موضوع الغسل فعلا اكثر من رائع
ام البنات ربنا يصلح لك حالك ويهدى نفسيتك
ام مريم ربنا يرحم بنت خالتك ويغفر لها ويجعل قبرها روضه من رياض الجنهوما شاء الله ربنا يحسن خاتمتنا
مثلها وربنا يصبر والدتها ويعوضها خير فى الدنيا والآخره
عطر مقاله مرعبه لكن الحلول المقترحه من وجهة نظرى
اولا متابعة لعب الاطفال مع بعض لانه ممكن يتعلم الطفل من طفل آخر
ثانيا التليفزيون طبعا الافلام والمسلسلات اصبحت تحتوى على لقطات صعبه وللاسف الاهل
بيكونو معتقدين ان الطفل غير مدرك فلازم الام تنتبه جيدا لو اى لقطه تحول فورا
وروشانا قالت نقطه مهمه فى الطفوله والمراهقه وهى شغل وقت الطفل
والرياضه مهمه جدا لان الطفل او الشباب ال عنده هوايه او هدف بيسعى لتحقيقه
بيكون ذهنه مشغول والامور دى لا تعنيه
تعويد الطفل من صغره على حب الله وليس الخوف فقط وشعار
وتعويده انه لا يغضب من يحب واشعاره بمراقبة الله له
وطبعا اهم نقطه الدعاء فى كل صلاه لاولادنا بالهدايه
ولو لاحظتى ان طفلك دايما بيلمس هذه المنطقه تلفتى انتباهه لاى حاجه وتشغليه فورا
ومع الوقت حا ينسى هذا الامر
وتعويده قبل النوم انه ينام والقرآن شغال جنبه اولا حمايه له
وثانيا مع الوقت الطفل يخاف انه يعصى الله ووالقرآن ملازمه
ولازم الطفل يحفظ من صغره القرآن لانه خير حافظ
لكن بتحبيبه للقرىن وليس كمهمه بيأديها
وربنا يهدى اولادنا جميعا ويجنبهم شر السوء واصدقاء السوء

افكار للتربيه الجنسيه الصحيحه للطفل
؟ 1- اذا كان عمر ابنك 3 سنوات تجنب ان ينظف ابنك شخص غير اهل للثقة .
2- اذا كان ابنك اكبر من 4 سنوات علم ابنك ان يغلق على نفسه باب الحمام قبل خلع ملابسه الداخلية .
3- عود ابنك القوة والشجاعة ، وان يرفض ان يلمسه اي شخص آخر حتى لو كان زميله وابدأ في توضيح هذه المفاهيم من عمر 3 سنوات .
4- تحدث مع ابنك ان يمنع الآخرين من التحرش به عندما تشعر انه يفهم ما ستقوله له ( وانسب سن من الخامسة ) .
5- درب ابنك على كلمة ( عيب ) كلما ظهرت عورته امام الاخرين ..وليكن تدريبك له قبل ان يبلغ العام الثاني .
6- لا تدع ابناءك رهنا عند احد مثل السائق او الخادمة ....فهم امانة في يديك انت وحدك .
وأفكار اخرى
1- مداعبة الزوجين او ممارسة الحق الزوجي امام الابناء او تجاهل الصغار منهم
2- مشاركة الابناء فراش الابوين ...
3- الكتلوجات النسائية
4- بيوت الجيران : امنعوا ابناءكم من دخول بيوت الجيران في حال غياب الاب او الام عن المنزل .
5- ضعف الشخصية : ضعاف الشخصية هم اكثر الاشخاص عرضة للتحرش سواء اكان من باب المزاح او الجد والسبب ان هؤلاء الضعاف غالبا مايستجيبون للتهديد ...........فاحذروا وعلموا ابناءكم الدفاع عن النفس والمصارحة عند الشعور بالايذاء من البعض .
...............

السلام عليكم
أم مريم ............البقاء لله وعظم الله أجركم وربنا يربط على قلب خالتك ويطعمها صبرا جميلا.



توتة البطوطة.........بصى يا جميلة ، أنا بجيب طماطماية متوسطة وابشرها واصفيها واضيفها على العجينة بتخليها فاتحة وطرية كمان و من غير بيض ولا بيكربونات كمان
مرمور.......كل البنات قالولك الخلاصة بس هاضيفلك من واقع تجربة أختى..الفرق بين اول اولادها وتانيهم بالضبط سنة وشهرين يعنى كأنهم توأم وقريبين من عمر اولادك...
-أهم حاجة عملتها وريحتها انها خصصت اوضتهم للقعاد دايما ..يعنى بقت الليفنج وده حافظ جدا على باقى البيت من البهدلة وفعلا الأوضة كانت طول اليوم مفروشة باللعب وفوق السجادة دايما ملاية نضيفة عليها ترابيزة واطية لاكلهم وكراسى صغيرة بتشجع الاولاد على القعاد والتركيز فى الأوضة
-الاوضة لازم تكون خالية من أى حاجة تخافى عليهم منها ، يعنى حاجة البنوتة تشدها تقع وتتكسر ويتعوروا لا قدر الله ،شباك أو بلكونة اتأكدى دايما انهم مقفولين...وبكده تقدرى تقفلى على البنوتة مثلا عشر دقايق تنفضى بسرعة وترجعى لها بس تكونى سايبة لها حاجة تلعب بيها وتشغلها
-حاولى تخلى نومكم سوا،وزى ما قالت أم البنات لازم يكونوا شبعانين دايما والطفل الشبعان دايما اهدى وأسرع فى الوصول للنوم
وممكن تثبتى ميعاد يومى ليهم للاستحمام وبعده وجبة دافية تشجع على النوم وبعده تدخلى الاوضة معاهم وتشغلى قرآن ..المقصود انك تعوديهم على جو وطقوس معينة تؤدى للنوم ولما تتكرر كذا يوم ورا بعض خلاص ساعتهم البيولوجية هتتظبط على كده.
-حاجة نفعتنى أنا شخصيا جدا اللى هى كرسى البيبى ، تاخدى الصغير معاكى مكان ما تروحى حتى الحمام ..، وتربطيه ويبقى شايفك ، حتى لو بنوتك نايمة هو بقى معاكى فى كل حتة ..
-بس لتوفير طاقتك لو فعلا فيه امكانية تجيبى حد ينظف معاكى البيت بشكل اسبوعى أو حتى كل اسبوعين هيفرق كتير معاكى
هى فترة صعبة .... بس ان شاء الله بالمثابرة والإصرار منك هتعدى...ولما تبتدى من دلوقتى تتعودى معاهم على روتين هيسهل عليكى العملية جدا ان شاء الله لما يدخلوا المدارس...عايزة اقولك برضه لو ممكن تودى البنوتة حضانة بريسكول هتستفيدى جدا من فترة الصبح ممكن تنامى مع ابنك فيها أو تخلصى اللى وراكى فى البيت وكمان هى نومها وأكلها هينتظموا غصب عنها بحكم مواعيد الحضانة....ولو ده صعب اعملى لها انتى الحضانة فى البيت برضه فى اوضتهم او الاوضة اللى هتخصصيها لهم ..اسكتشات والوان شمع وكتب فيها صور ومكعبات ودباديب و....لعب البنات كتيييييييييييييييييييييييييير جدا بس مش كلهم سوا ، اشغليها بلعبة كام يوم ولما تبتدى تزهق شيليها وطلعى غيرها وهكذا.....
زطبعا اكيد اكيد كل ده مع التسبيح والذكر ووعلى طول قولى لا حول ولا قوة إلا بالله...كنز من الكنوز فعلا بتيسر الأمور وبتديكى همة وقوة بشكل ...سبحان الله ...وبرضه احتسبى ان كل تعب معاهم بيقربك خطوة للجنة..ما هى مش تحت أقدامنا بالساهل..وربنا يعينك يا جميلة.

عطر...المقالة فعلا تخض ، وطبيعى تتخضى ومش عارفة أنا ليه حاسة ان اللى كاتبها كأنه مترجمها من موقع مش عربى لان الألفاظ فيها أوفر وطريقة تناول الموضوع غريبة شوية؟ وطبعا هم تعاملهم مع الموضوع ده مختلف عننا خالص ثقافيا واجتماعيا وبيتعاملوا معاه على انه غريزة عادية ولا فى ذهنهم تهذيبها ولا غيره الا اقل القليل منهم......
المهم...أنا اتعرضت للموقف ده بس مش بالوصف اللى فى المقالة ، كانت الفترة اللى بين استخدام البامبرز والفترة اللى خلاص بقى كبرنا وهنبطله...وكانت على ما أذكر فى الصيف وبدأت ابطل البسه البامبرز فى النهار وطبعا كل شوية ادخله الحمام ...بدأت الاحظ انه مستغرب المنطقة نفسها وعنده نوع من الفضول والاستكشاف وهو لابس يعنى مجرد انه بيستكشف بايده شئ ما كانش بيشوفه كتير قبل كده، أنا وقتها وكان عنده تقريبا سنة ونص جريت على الدكتورة لانى خفت يكون عنده التهاب او حاجة فى المنطقة دى ، بس هى فهمتنى انه مرحلة عادية بيتعرف فيها على أعضاء حسمه وده حاجة كان البامبرز باستمرار خافيها فلما ظهرت بيشوفها...بس والحل قالت لى طنشى خااااااااااااااالص واشغليه بحاجة تانية...وفعلا عدى الموضوع فى اقل من اسبوع ..لدرجة انى نسيته وما افتكرتش غير لما قريت المقالة دى..، ولا حصل كل اللى المكتوب فى المقالة دى ..الموضوع فيه تهويل جامد...وبرضه انا بتكلم على فترة الطفولة المبكرة جدا...اللى هى لحد دخول الكى جى مثلا...اما المدارس فلها قصة تانية خالص وكلام بينا وبين أولادنا شكل تانى خااالص
اللى فهمته انك قلقانة من مرحلة العمر اللى يوسف فيها...فبجد ما تقلقيش ربنا هو الحافظ ان شاء الله ...وطبعا عروس قالت المفيد وزيادة شويتين...