رونى وام البنات وكل البنات
وحشتونى يا رب تكونو بخير

جوسى وام سوسو
والله واخدين بالنا بس انا قلت مش هنرحب جامد الا لما تثبتو انكم هتستمرو معانا ان شاء الله
والجاز يا جوزى ابقى رجيه بالميه قبل الاستخدام والتقيل مش وحش برده

ام سوسو
ايه فين شوربه الشوفان دى مش لاقياها
الصبر يا رب
شيماء ردت عليكى واسفه على التاخير

رواءالاسلام وتحيا مصر
يا مرحب بيكم فعلا اغنيه عن التعريف
وكل البنات كل سنه وانتم طيبين

ازيكو وحشتوني على الرغم من ان محدش سال عليا بس انا دماغي مش صغيرة ولا يهمني
سالتوا مسالتوش انا هاجي برضه لزقة

يعني مش لازم كل شوية كده اقلكوا على يوميات المراه العاملة اللي عندها بيبي كمان

وكله في ايه؟ .............. في السريع يا ولاد شاطرين هههههههههههههه

امبارح بقى شادن بنتي كان نفسها في الملوخية قمت الصبح عملت رز في السريع وطلعت لحمة من اللي كنت عملاها وقلتلكوا عليها وشغلت الغسالة ورحت الشغل ولما رجعت دخلت على المطبخ ولعت على الرز يسخن وطلعت من الفريزر كيس الملوخية(فروزن طبعا عيب وانا وش الطازة برضه) وطلعت كيس شوربة فروزن برضه وثوم فروزن برضه وتك تك عملت الملوخية والتقلية والاكل كان جاهز وسلطة خضرا كمان

وبعد الغدا نشرت الغسيل

ووقت النوم بقالي يومين وانا بنيم شادن بدل ما احكي حكاية بنقعد نقول قصار السور وهي بتقول ورايا وفي الاخر تصبحي على خير يا مامي وتنام طريقة حلوة وبفكرها بالسور اللي هي حفظاها وعلشان تتعود على كده قبل ما تنام



شاطورة يا ميرو صح؟ ههههههههههههه

سها يا جماعة فين ملوكة احنا مستنينك وبلاش قمص مش معنى ان حد قال متحطيش اقتباس لكل رد علشان منكترش الصفح تقومي تتقمصي


عودي يا هاميس................... قصدي يا سها ولا انتي حمرأتي وقلتي مليش في النظافة والطبيخ هقضيها رومانسية وبس

تعالي يلا اثبتلنا العكس واعملي اقتباس لكلامي ولا يهمك حد

مادو...ايوه كده يا قمر تعالى نورى معانا
انجى....مبروك على الكابتن يويو النيرسرى ....وان شاء الله نتيجة التحاليل تبقى كويسة .....تحفة الريجيم بتاعك على فكرة ومش يسد النفس...اما بقى بالنسبة للمطبخ كان نفسى اشجعك بس على راى خالتى شيمو "انا فى مرحلة البط البلدى"يدوبك غسلت الاطباق وروقت من فوق الوش والبنزين خلصصصصصصصصصصصصص
مشمشة....حرام عليك تجوعى امهاهههههههههه......خليكى فى المفيد يا بطة......ما تغيرى الدكتورة اللى مجوعاكى دى
انت فى الشهر الكام يا قمر دلوقتى
بصى بقى لنل مستنياك تعملى بطانية للبيبى ةلاشال لينا ولا اى حاجة كده كروشيه علشان اخدمنك الطريقة واعمل زيك ....يالا انا مستنياك
عروس ...حلوة اوى القصة جزاك الله كل خير
دموع تائبة.....الشوفان موجود فى ماركاتو ...حتلاقيه عند القسم بتاع الارز والبقول وفى منه انواع كتييرة احسنهم داريا
كل القمرات اللى بيشاركو معانا الجداد والقدام ....معلش مش حقول اسامى علشان مش انسى حد ........بسلم عليكو واحدة وحدة

اتشجعت النهاردة وعملت طعمية بالحمص " اصل كان نفسى فيها وما كنتش عايزة اجيبها من برة"....طلعت تحفة ...اللى عايز الطريقة يقول ... وححاول اجرب تورتة الشيكولاتة اللى بالصوص دى شكلها تحفة