انا اقول اللفت بغسلة كويس جدا انا بيجب اضغر حجم علشان ميبقاش شياخ ومرر واقطع على 4 واضيف ثوم وشطة وملح وخل على 5 ك ربع كوب صغير خل + معلقة صغيرة شطة + 2 معلقة كبيرة ثوم +4 معالق ملح وادوبهم فى ماء دافىء واذوق لو عاوز ملح ولازم المياة تبقى مغطية اللفت البنجر مبحطش لانى مبلاقيش جنبى بس بيبقى لونة حلو لان الثمرة بتبقى غامقة فبتدى لون

السلام عليكم
ام البنات شكرا يا جميل هجرب على ضمنتك
ايناس
انت اللى عامله ايه اسمعى الكلام وخدى كل يوم ضالفه او درج
مش هتحسى بيه
الترتيب اليومى بتاعى فى المطبخ تعليم عروس ورانياوامى طبعا

اكيد كلنا عايزين ننضف كل حاجه كل يوم بس المهم نتعلم من بعض ازاى نعمل حجتين فى وقت واحد عشان ننجز فى السريع على راى ميرو
انا هقول على قدى
واللى بيعمل حاجتين فى وقت واحد يا ريت يعلمنا
يعنى بعد الغدا بدل ما اروح الحمام اغسلا ايدى اروح المطبخ اغسل ايدى والاطباق واحط الحلل على الرخامه
اغسل البوتاجاز وععلى ما اخلص الاطباق امسح البوتاجاز هيكون سهل وارجع الحلل
بعد العشا امسح دولاب المطبخ بسفنجه من بره وعلى ما اغسل الاطباق امسح الدولاب بفوطه مبلوله
واحسن وقت لدعك اى حاجه فى المطبخ وانت بتطبخى والبخار طالع
اى حيطه هتتغسل بسهوله تسالى كده
ولو افتكرت حاجه هرجع

السلام عليكم ورحمة الله وبركاته
رانيا جزاك الله خيرا على الرابط والمقاله
والمقاله جميله جدا وهى فادتنى جدا لان كنت محتاره موقفى صح ولا غلط فى امور كتير
فى التربيه مش بحب فيها مواجهة الابن مباشرة لكن بحب التوجيه يكون بطريقه غير مباشره
مثلا ابنى فى موضوع الصلاه اساله صليت يجاوب نعم وانا واثقه انه بيكذب
اقول له اكيد انت صادق لانك استحاله تكذب فى حاجه خاصه بربنا انت كده مش بتكذب عليا
لان الموضوع مش خاص بيه ده خاص بربنا ومضوع يتكرر يوميا ونفس طريقتى فى الرد
لغاية ما لقته بيبكى ويعترف انه فعلا كان بيكذب فوجهته بهدوء ودون انفعال
فلو فعلا واجهته انت كذاب فخلاص اقريت الخطأ عنده وما وضعتش حل
وحا انفعل والموضوع يقلب بعند لكن الحيله وانك تحكى موقف عن زميله
كانت بتكذب وانتقام ربنا منها مثلا لخطاها بيكون صدى التوجيه افضل
والحمد لله المقاله ده كان محورها
مادو ما تخلينا فى الحلو عشان نخفف المراره ال كلنا حاسين بيها
خلاص تعبت وقررت عدم مشاهدة التليفزيون لانى شفت حلقة امس
من برنامج صبايا وما نمتش بعدها جانى اكتئاب لحال الشباب
فقررت مش حا اشاهد حاجه لانها كلها شحنات سلبيه
وبتحسسنى ان ما فيش فايده فخلينى احلم احسن
واحمس نفسى ان الخير قادم ان شاء الله
وخلينا فى المخلل اى مخلل اغلى المايه وبرديها قبل ما تضيفى عليها الملح
لمنع تكون الطبقه البيضاء على الوش
ام البنات ما شاء الله يوياتك كلها همه ونشاط
شيماء وحبيبه ربنا يفك كربكو وكرب كل المسلمين لميا جزاك الله خيرا الروابط كلها جميله
باقى البنات بسلم على الجمييع

مادو جميله الفكره دى ال بتعمل حاجتين فى وقت واحد تفيدنا
مع الوضوء لصلاة الضحى اغسل الحمام
اى مره بعمل فيها شاى اغسل اطباق فى الحوض
وبعد الغدا بدل غسل الايد اغسل الاطباق
ولو مشغله الفرن افضل طريقه لتنيظيف البوتاجاز من الخارج
والفرن ايضا وهو ساخن سهل تنظيفه
صباحا وضع اللحمه على النار ثم البدأ فى الترتيب
وانتى داخله المطبخ اى حاجه مكانها المطبخ تاخديها معاكى وتوضع مكانها فورا
كذلك غرف النوم كل حاجه مكانها فى الغرف جمعيها وكل ما تدخلى غرفه خدى اغراضها معاكى
بحيث تقللى رايحه جايه وما انتجتيش
وانتى بتحطى الغسيل فى الغساله امسحيها ونظفيها من الخارج وكذلك اى اكسسوارات فى الحمام
لو حا تقلى فى زيت يفضل استخدام الزيت لمره واحده حا تقلى مثلا باذنجان
يبقى قبلها اقلى بطاطس وجهزيها للعشا
شوحى بصل وتوم وفلفل اخضر وطماطم مكعبات وتترك دقاثق وقلبى فيها البطاطس
مع التوابل
كل يوم مع تجهيز الغدا جهزى حاجه سريعه للعشا
لو الغدا سهل مش محتاج وقت جهزى اى صنف حلو سريعا
وكل ما افتكر حاجه حا اكتبها منتظرين باقى البنات

femel en ام البنات مادو دموع التائبه عروس النيل
شكرا ليكم على الدعاء
شكرا يا ايمان::27: