السلام عليكم ورحمة **** وبركاتة
رانيا انت بتعلمى بناتك مناهج مصر وامتى يعنى فى الاجازة ولا اثناء الدراسة ويا ترى دا مهم انهم يتعلمو منهج مصر ولا لآ
عروس النيل كل المعلمومات اللى انتى كتبتيها عن تربية الطفل حلوة جدا ومفيدة فعلا بالنسبة لتجربتى انا عيالى وهما صغيرين كان لما يعمل حاجة غلط وعايزة اعاقبة عليها ابصلة واقولة واحد......علشان يسيب الحاجة الغلط اللى بيعملها وبعدين اتنين.......تلاتة.......ماسابش الغلط اللى بيعملو يبقى يتعاقب كنت باحبس فى عربة البيبى اللى بنخرج بيها موجودة فى الصالة وقدام عينى بس باربطة وباحرمة من اللى كان بيعملة دقايق بسيطة مش كتير بتجيب نتيجة وبعدين بقيت احبس فى الاوضة دقيقة لكل سنة من عمر الطفل يعنى لو اربع سنين يبقى اربع دقايق بس الطريقة دى عايزة الالتزام لان الطفل ذكى اوعى مرة تقولى تلاتة ولو ماسابش الغلط لازم تعاقيسة لانة هو بيختبرك ويكمل الغلط ويشوف الست دى هاتعمل فيا اية وكل مرة ولا مرة وخلاص وبردة علشان ماتفقدش مفعولها ماتكرريهاش كتير خليها وقت الضرورة فى الغلط اللى ممكن فية يأذى نفسة واى حاجة ممكن تطنشيها من عمايلة طنشيها واوعى يشوفك انك شايفاة اعملى نفسك مش شايفاة لكن........... لو شافك لازم تتصرفى علشان بتعود على كدة الحكاية دى ما شاء **** نفعتنى بالذات لما اكون برة عند ناس ويبدأو يلعبو فى اجهزة زى التليفزبون مثلا او اى مشكلة ساعتها واحد ..اتنين ..تلاتة وعلشان مش بكررها كتير الحمد للة ويا رب دايما تجيب نتيجة

ام البنات طريقة الفينو والكايزر هاكتبلك الطريقة والمقادبر مع بعض
اتنبن كوب لبن دافى وعليهم معلقة خميرة صغيرة تدوبيهموبعدين حطى معلقة صغيرة ملح ومعلقتين كبار سكر ونصف كوب زيت وتدوبيهم وبعدين حطى اتنين كوب دقيق وقلبيهم وتكونى مجهزة اتنين كوب دقيق كمان تحطيهم بالتدريج وتعجنى وممكن العجينة تحتاج دقيق تانى شوية صغيرين وممكن لآ واعجنى عشر دقايق يكون افضل انا بحسب العشر دقايق من ساعة ماحط الدقيق بالتدريج خلاص عجنا سيبيها ساعة تخمر وبعدين قطعيها كور صغيرة يعنى قد البضة كدة دة للفينو والكيزر الكور اكبر شوية وسيبيها ربع ساعة وبعدين ادهنى الصوانى وافردى الكور الصغيرة بالنشابة وبعدين لميها زى الكرواسوان كدة وحطيها فى الصينية والكور الكبيرة حطيها على ايدك وساوى التدويرة بتاعتها بس وحطيها فى الصينية وغطيهم باى فوطة مطبخ خفيفة وسيبيهم الى ان يشاء **** هااااااا بعنى انت ممكن تخبيزهم بعد نصف ساعة او ساعتين او اكتر براحتك يعنى كل ماتسيبهم بيخمر اكتر ويبقى هش اكتر بس انا المرة الاخيرة دى سبتهم ساعة وطلع حلو ماشاء **** خفيف وهش زى الجاهز وبعدين اخبزيهم فى فرن متوسطة تكون سخنة قبل كدة والصينية فى النص مش تحت بيقعد فى الفرن حوالى تلت ساعة وبالهنا والشفا هو طويل بس حلو و****

صباح الخير يابنات

فيميل

ماشاء الله حلوة طريقتك مع اولادك الله يحفظهم بس قوليلى يعنى من عمر كام نبدأمعاهم يعنى نفهم دة غلط ودة صح ياترى مرمر تفهم هى عندها سنة وشهرين بس على فكرة انا لما اقولها لا على حاجة بتعرف انها غلط يعنى المناديل ممنوع تقطعها حتى هى لما تبدأ تلعب بالعلبة بتبصلى الاول وتشوفنى هقول اية

وكمان هى بتحب تلعب فى الحمام واول متيجى جنب الباب تبص لى تشوف هقول لا ولا هطنش واول مطنش الاقية فررررررررررررررر على الحمام جرى ولو قلتلها لا بتبصلى وتعمل مسكينة قال يعنى انا موش هدخل صدقينى...............



حلوة طريقة الكيزر هجيب خميرة واعملها ان شاء الله

عروس

حلوة طريقة تحفيظك لابنك القرآن الله يخليهولك

انا قلت اسلم واصبح على السريع
بعدين ارجع اجيب الشاي واقعد معاكم
ما شاء الله ايه النشاط والهمه دى
ريحه النظافه جايبه اخر المنتدى

بجد ما شاء الله عليكم

صباح الورد عليكو

امبارح كان في افتكاسه حلوة قلت اقولكوا عليها وفي السريع طبعا
كنت متبلة كبدة فلما روحت قلتها في الطاسه الجديدة بجد نوع رائع وطبعا ولا لزقت ولا حاجة
المهم بقى المكرونة عملتها بطريقة جديدة لاني زهقت كل مرة مكرونة بالصلصة عادي

الطريقة مختصرة جدا
سلقت المكرونة وصفيتها وفي نفس الحلة
قطعت بطاطس وجزر وفلفل رومي وبصل مكعبات صغيره وحطيت زيت وزودته شوية عن العادي وحمرتهم فيه لغاية ما استووا
ورحت حطيت عليهم طماطم مضروبة وصلصة وسيبتهم يتسبكوا وبعدين قلبت عليهم المكرونة

طلعت والله حلوة واهو زيادة غذا للاولاد لان شادن هانم مبتكلش خضار مع الاكل

على فكرة الطريقة دي مقتبسه من رانيا سبانش ومنتدى تاني كمان وانا ضيفتلهم السريع بتاعي


كمان اخدت فكرة منمن وعملت مع الاكل تومية عجبتهم اوي