pelican :

صباح الفل او مساء الفل كل واحدة حسب توقيتها يومياتي امبارح كان عندي الست اللي بتنضف قلبنا البيت و خليناه تمام لحد كدا كويس اوي ابني امتحان النهاردة قمنا راجعنا الصبح ونزلنا كلنا برابطة المعلم انا وزوجي وبودي وغادة وبيبو على اساس انه لازم حد يستلمله رقم الجلوس الباشا فشهادة (ثالثة ابتدائي) المهم البواب قال لأ ما ينفعش حد يدخل معاه دخل لوحده ورجعت انا والعيال بلا طائل يا دوب غيرت لبيبو و شربت شاي اكتشفت ان الثلاجة ضربت (باظت) الفريزر سايح هي كانت بتشاور عقلها بقالها مدة و من 3 ايام بس لسه مصلحين الغسالة الاوتوماتيك يعني هعيش حياتي عموما اللحوم فالديب فريزر بس الحاجات التانية تقريبا هتترمي فالزبالة طلعت من المطبخ لقيت بيبو مغرق الارض مايه و فرافيت كيك و قشر فراولة الحقونييييييييييييييييييي يا شماتة طنط ظاظة فيا لمنيت الهيصة والزمبلايطة وسمعت دبببببببببببببببب طراخ سلة الغسيل والجبل اللي عليها انهاروا من جري بيبو غادة ورا بعض والطرقة غرقانة هدوم حد يناديلي امي هموت كتفوا العيال دي جوزي بيتصل انزلي لسه ما جبتيش بودي من الامتحان معلش اتأخر عندي مشاكل جري شديت الواد والبت و اخدت اول باص على المدرسة جري اخبط على الباب و محدش بيرد حوالي ربع ساعة وانا اتهريت خبط على ما الباشا البواب تكرم وفتح حاضر هناديه اكيد مع العيال اللي بيجروا هناك وغادة بتزن جامبي ماما تويلت بليز (عاوزة تروح الحمام ) اصبري هتصرف ازاي دلوقت امسكي نفسك بودي جه وطيرت بيهم على اول تاكسي ولا واحد راضي يودينا رجعنا فالباص برضه و هي بتعيط يا حبيبتي يا بنتي معلش اصبري شيلتها و طلعت بيها السلم و نزلت اخدت بيبو ماما انا جعان ماما انا جعان حاضر يا بودي لقيت غادة خارجه بالبيتزا اللي كنت عاملة حسابي نتغدى بيها النهاردة باقية من امبارح اشد شعري اههههههههههههههههههه عموما فيه فخدة كانت ففريزر التلاجة كانت تقريبا بتفك كنت هتبلها وناكلها بكرة ياكلوها النهاردة اعملهم ايه عندي غسيل يتلم وغسيل هيتنشر وسجادة مغسولة بقالها يومين فالبلكونة زمانها نشفت هروح المها واشوف اخبار الفخدة ايه و بعدين اذاكر بيدو العربي والدين علشان امتحان يوم الخميس وهرمي الزبالة اللي طلعت من التلاجة و اكوي علشان الهدوم المكوية خلصت و لو خلصت كل ده هرجعلكم على فكرة انا بعمل تمارين يومية دي مفروض اساسية فيومياتي معملتهاش النهاردة نبقى نتكلم فيها بعدين سلامز

صباح الفل او مساء الفل كل واحدة حسب توقيتها يومياتي امبارح كان عندي الست اللي بتنضف قلبنا...