صباح الخير
على احلى قعدة

واحلى ستات
وحشتوووووووووونى
الملف يجنن
منظم
وسريع
مركز
ومفيد
ودا طبعا بعد خبرات القعدات السابقة
بقة ادمان عندى قرأته
ولو ان مشاركاتى قلييييلة
لكن الطروف والحمد لله
ربنا يفك ويزيح الكرب

بصراحة وحشتونى كل ابنات السابقين
وحبيت كل البنات الحديثين
مجموعة منورة وتفاعلكم جمييل
ومفيد

نفسى اشارك بأفكار جديدة ومفيدة
بس اصبروا على
وكمان دعوااااااااااااتكم بجد

ولو بظهر الغيب
مشكورين ياحلى ستات

عطر الشموع
واحلى عطر
وحشتييينى
انا موجودة
بس للقرأة والاطلاع
وشكرا لسؤالك
سما سهاب

فعلا بقالك مدة كبيرة مش لاقيه لك مشاركات
المهم تكونى بخير

ولو انى مش بشارك اليومين دول
وكل اللى بقرأه عن معاملة الاطفال مفيد
وخصوصا ما تضيفه عروس بارك الله فيها

ولكن للاسف
المقروض نبتدى نربى انفسنا قبل الاولاد
معلش اسلوبى صعب
بس احب اجيب من الاخر
نربى نفسنا عى عدم العصبية
وبالذااات مع اولادنا

نربى نفسنا على الصبر والتصميم
وطبعا فقط مع اولادنا
بلاش التصميم مع الازوج
علشان نعدى الليلة

نربى نفسنا ان الولد مش كل حاجة يعتذر
بكره قوى حكاية
اسف ياماما عند كل موقف
الولد لازم يكون عنده شخصيه وعزة نفس
الاسف مرتبط بخطأ فعلى
المهم
=====

مع ابنك الغالى اللى ان شاء الله يكون من الصالحين الفالحين
استخدمى اسلوب الهذووووووووووووء فى العقاب
مع التصميم عليه
ما يهمكش بقه يعيط ويذن
اصبرى لغاية ما هو اللى يسلم الراية مش انت
وكل ده من غير ضرب نهائى

ايه يعنى تضربى بحدة
وتصالحى بسرعة

وحتى لما تصممى من غير زعيييييييييق كتير
زعقى مرة واحدة مع الشرح
والتزمى الصمت
مهما كان صغير هيفهم
وكمان النظرة الحادة مع التصميم عليها بتأثر
او نظرة الوعيد

على فكرة ابنتى وهى صغيرة كانت بتقولي
مالك ياماما هى عنيك بتوحعك
طبعا علشان اضحك
بس والحمد لله كان عندى ضبط اعصاب
الحمد لله والشكر لله
على فكرة الاولاد بالذات عايزين الحزم المحترم
اللى مش داخله اهاناتك
ولا اى الفاظ مش ظريفة
زى انت ياولد
انت حمار
ولا طبعا ربنا يخدك

يكفى تقولى اسمه بطريقة حاااااااده
بصراحة الحمد لله والشكر لله
انا ربيت صبيانى على كده
ومن صغرهم ما احبش احرجهم قدام حد
واى موقف اخده فى بيتى
ولو وصل العقاب انى احرمهم من الخروج
او الذهاب عند اللى اخطأو فى حقهم
المهم العقاب جدى ويتم تنفيذه
وعقبال ما تشوفى ابنك
والمفاجأة ان اولادى الصبيان بيربو اولادهم بنفس الطريق
بالنظرة والتصميم الحاد

طولت عليك
بس اتعودى انت
قبل ما نعود الاطفال على المطلوب منهم

السلام عليكم ورحمة الله وبركاتة
اخواتى الحبيبات
وحشتونى جدااا
اخيرا خلصت قراءة الملف
يا خبر الواحدة متدخلش كام يوم تلاقى الدنيا تاهت منها كدة
معلش ايام امتحانات وزانقة(تانية اعدادى رابعة ابتدائى)
ادعولهم بالنجاح هم وكل طلبة المسلمين
عطر اشكرك لسؤالك على
عروس متشكرة على ردك
بس ابنى مبيحبش الينجر فلو فى طريقة حلوة ومظبوطة للحلبة
استفدت منكم كتير والله
ربنا يجازيكم خير
بالنسبة لاسلوب التربية
انا فعلا والحمد لله معوداهم على سمع كلامى بالنظرة ومن غير زعيق وخصوصا قدام اى حد ضيف او اصحابنا
والغلط لما نروح بقى حسابنا فى البيت
والاهم انك تكونى صاحبة اولادك
الحمد لله والشكر لله اللهم ادمها نعمة عليا يا رب
انا صاحبة ولادى جدا(14 سنة و10 سنوات) بيحكوللى كل حاجة والاهم انى ااقعد واسمع علشان يحسو بالالفة معايا
وبنضحك وبنهزر لكن وقت الجد جد خلاص وهما بيعرفو ان كدة وقت الهزار انتهى خلاص
على فكرة انا عمرى ما ضربت ولادى ابدا لانى مقتنعة ان الضرب بيجيب بلادة فى الاحساس وبيخلى الطفل جبان
كنت بعاقب بالخصام ومتكلمش معاهم
ودة كان بالنسبالهم اقوى من الضرب
لدرجة ان ابنى مرة قالى ماما بلاش تخاصمينى واضربينى احسن
طولت عليكم (اول مرة اتكلم كتير كدة)بس معلش بقالى ساعتين قاعدة ساكتة ااقرا فى الصفحات
اسيبكم اروح اصلى الفجر
سلامى الى كل البنات

السلام عليكم

ازيكم يا بنات

بيلكان ما شاء الله يومياتك لزيزه جداا بس انا كنت واخده فكره تانيه خالص من موضوعك بتاع السنعه اللهلوبه
يومياتك لزيزه فعلا ربنا يكرمك في اولادك

ماما زوزو عوداا احمدا نصايح حضرتك راءعه ما شاء اله

سما يا حبيبتي

انا مش هازود كتير هلي الكلام اللي ماما زوزو و عطر قالوه لانك عارفه راءي لما اتكلمنا قبل كده

انا بس هاقولك اللي لفت نظري جداا انك قولتي اني باضرب ابني زي ما باكون باضرب حد كبير!!!!!

هو انتي تقدري يا قمر تضربي حد كبير؟؟؟؟

مش انتي بس انا اقصد احنا كلنا منقدرش نضرب حد كبير لاننا مش بنتعامل بلطريقه دي و لانك عارفه

انه مينفعش اضرب الكبير لانه اكيد هيرد الضربه او طبعا هيستهجن جدااا الفعل ده

انا باديكي مثال خيالي مش واقعي علشان اوصلك فكرتي

يبقي اشمعني بتضربي ابنك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان هو ضعيف و مش عارف يرد عليكي الضربه

اكيد فهمتي اصدي ايه

الطفل ضعيف و امانه في ايدنا علشان نعلمه و نقومه مش علشان نضربه

يا سما انا و الله العظيم قريت فتوي ان الضرب للاطفال قبل سن 10 سنين حرررراااااام

سيدنا محمد امر بالضرب و ليس العنيف طبعاااااااا علي الصلاه اللي هي الصلااااااااااااااه

ابنك عندي دوري علي السبب و انتي عارفه السبب انه مش بيطلع طاقته زي بقيه الاطفال في اللعب

يبقي لو هو اتوفرله البيئيه الي يمارس فيها انشطه و بلعب و يتعلم مع عدم صريخ الام و الزعيق

العقاب ليه اساسيات زي الثواب بالظيط

و الله و الله و الله الضرب بيخلي الطفل معندوش شخصيه و الله العظيم او عنيف بعد كده

و كمان ايه مش بيقوم سلوكه في الوقت الحالي

يعني لا كسبتي دلوقتي و لا بعدين:(

اناااااااااا اسفه جداااااااااااااااا اني غلسه و رخمه جدااااا في الرد انا عارفه

بس يا سما دوري علي النت و ادخلي موقع اسلام اون لاين علي طريقه معالجه العند و عروس تقريبا

كانت كاتبه مقاله من كام صفحه علي الحكايه دي

و دوري علي السبب قبل الحلول

و انتي عاقبيه و الزمي كلمتك و فهميه ان اسف دي غاليه اوي و الله اللي بتربيه عليه دلوقتي هو اللي هيفضل في مخه

ربنا معاكي يارب و معانا كلنا و اسفه مره تانيه علي الرد العجيب بتاعي بس بصراحه باتعب نفسيا جداااا من الموضوع ده

و الله انا بناتي بيعيطوا او قلت اني مش هاكلمهم مش اضربهم لان الضرب صدقيني اهااااانه مش تقويم

ربنا يكرمك يارب

ام البنات

انا باحبك جدا في الله
حقيقي مشاركتك بتاعه التغيير اللي حصلك في حياتك حسيتها اوي اوي ربنا يكرمك يارب في اولادك و جوزك و اهلك

مادو الف سلامه علي ماما يا حبيبتي

ايمان جازاكي الله خيراا بس مش عارفه فعلا ليه مش بتشاركي اكتر من كده؟؟؟

مني دموع التاءبه الوصفه لزيزه اوي جزاكي الله خيرا انا نقلتها

عطر الشموع

كنت هاكتبلك الفته السوري بس روشانا سبقتني
بالهنا و الشفا عليها و علي المحشي

عروس ما شاء الله علي المقالات و الاخيره فعلا حلوه اوي

و مش فاكره مين اللي علق عليها انه لو البنت قالت لبنات خالتها

التربيه الجنسيه دي مش عيب دا من وظاءف الجسم و انتس لما هتشرحيها لبنتك هيبقي كلام اولا

ديني علشان موضوع الطهاره و الصلاه و ثانيا علمي لانها اكيد هتاخد علوم من سنه تانيه تقريبا يعني

هتبقي عارفه جسم الانسان و ثالثا مفيهاش حاجه تكسف اصلا انتي هتشرحي بمنتهي الجديه و انتي

اصلا صديقه لبنتك من الاول فهتلاقي الموضوع ان شاء الله عادي و فعلا بتبداء من الصغر مش فجاءه كده اول ما تكبر يعني كل سن و ليه مرحلته و المعلومه اللي تتقال فيه


فيميل
انتي سالتي علي مناهج مصر

انا طبعا مضطره اديها للبنات لاننا مهما طولنا هنا ان شاء الله راجعين علي مصر فلازم يبقوا فاهمين

الدنيا ماشيه ازاي و بعدين انا علشان عندي السنه كلها مش ملتزمه يعني بمواعيد المدرسه فبادي

المناهج بالراحه و في الاجازه و ربنا يعين لاني فعلا طالع عيني و رجلي و ايدي

سها

اعتقد سالتي علي سلطه الكابوريا و السمك في الفرن

السمك اما فيليه او صاحي متنظف طبعا و عليه خلطه ليمون و شبت و بصل اخضر و ملح و جنزبيل و

كمون و صويا صوص و توم مفروم و احطهم علي السمك و باضيف خضار مقطع يعني بصل و فلفل و

طماطم و ادخله في صينيه في الفرن مش متغطي علي اعلي درجه حوالي نص ساعه

السلطه
ان باجيب هنا الكابوريا لحم جاهز مقطع و باحط عليها بصل و فلفل اخضر و توم و ليمون و جنزبيل و صويا صوص و ملح و اقلبهم و اسيبهم شويه في التلاجه

بالهنا و الشفا

كل البنات و اسفه اذا كنت نسيت اي حد

جازاكم الله خيراااااااااا

السلام عليكم ورحمة الله وبركاته
ازيكم ازيكم انا جاية اصيف عندكم :....معلش تأثير الانفلونزا وحش
عندي انف الوزة صعبة اوي و ماي نوز على رأي غادة سو هيوج افهموما انتو بقى
طبعا سبب الانفلونزا دا لا يخفى عليكم
انا بعد ما سبيتكم امبارح رحت اغسل السجادة زي ما قلتلكم و رحت اعمل فتة للغدا لسه عندي لحمة ضاني من العيد
المهم ابتديت فغسل السجادة ولقيت فيها حاجات مش راضي تطلع طبعا بغسلها فالحمام قلت اسيب عليهخا الماية شوية واروح اعمل الغدا
ببص حواليا ما لقيتش الاستاذ حبيب ادور فكل حتة لقيتة ماسك شامبو الشعر و بيغسل بيه السجادة والحمام و الباب و الحوض و هدومه و كل ما وصلت اليه يده يعتي ااقطع نفسي حرام عليكم الرحمة من عندك يا رب بقيت بدعك كل حاجة وادلق ماية فكل مكان و كل ما ااقول خلاص ادوس على شامبو يزحلقني هدوي اتبلت ماية و حسيت اني تلجت جريت اغير هدومي وانا برتعش قبل ما اخلص لبس شميت ريحة ابو فاس قوية اوي جوزي بيحه جدا و يحرص عليه هو والفيكس للبرد لقيته انتهز فرصة غسلي للشامبو و فتح ابو فاس و رشه فالاوضة
انا مش هاجيب الست اللي بتنضف تاني ابدا اجيبها ليه وانا طول النهار بمسح الارض و مافيش فايدة
المهم عملت فتة بشكل شيك وحلو بحب اعمل معاها صلصة زي بتاعت الكشري
بعد الغدا لقيت السجادة فاكرين اللي قلتلكم غسلاها من يومين دوي عبارة عن حديقة رز و عيش و صلصة اصلي نسيت افرش الكوفرتة تحت الترابيزة وكل واحد فاولادي بيحب يعمل فيها كبير وياكل لوحدة الاستاذ بيبو عاوز ياكل لوحده او ان غادة تأكله الاهبل مش عارف انها بتاكل اكله مبسوط ان طبقه بيخلص بسرعة هني صحيح بتفرفتله اللحمة و تسيبه يعيش حياته فيها بس بتاكل الارز بتاعه و متاكلش بتاعها طمع واحدة غبية
اما لو انا اكلته يبغضب و يترمي فالارض كأني باكل اكله
بودي خلص مذاكرة وبيراجع بعد ما خلص كلم جده علشان يقوله انه خلص وحط الموبيل و القلم فجيبة القلم الاحمر
بيطلع ايده من جيبه لقيت ايده حمرا ايه دا يا ولا مش عارف ....بنزل عيني على جيبه لقيت الحبر على البنطلون البنطلون ضاع طب والموبيل؟؟؟؟؟!!!!!!!!!!!!!!
دبيت ايدي فجيبه انقذ الموبيل لقيت الموبيل المفترض لونه لبني بقى بمبي بمبي بمبي مش عارفه ااقول ايه جبت اسيتون و اقعدت ادعك فاللون ماطلعش فتح شوية بس ماطلعش فيه حد عنده حل خصوصا ان اللون فالشاسية بتاع الموبيل مش فالكفر
بعت المكوى اللي عندي للمكوجي وقالي هتيجي بعد العشا الساعة بقت تسعة وربع و مجاتش اول مرة اكوي بره بس قلت اخف عن نفسي شوية
اتصلت بيهم بعتوا المكوى طيب يعني لما هي خلصانة عنده سايبها تخمر و هيبعتها لما تغلى حاجة تجنن
جوزي لما عرف ان بعت الهدوم للمكوجي بص لبودي وقاله امك ما عدتش مستحملاني ....لا تعليق علشان الواحد عيان ومش ناقص ضغطه يرتفع
بعد كدا دخلنا نمنا
النهاردة الصبح على فكرة مش هودي بودي الامتحان عندي ميتنج بدري
نعم طب والعمل خلي الباص يخده وابقي روحي جيبيه
يا بابا انا عيانه مش قادرة ارفع دماغي والباص متعود اننا بنوديه فالامتحانات يعني بيعدي من قدام البيت مرور الكرام اقفي فالبلكونة و لما تشوفيه جاي نزلي الولد
قمت اعمل الفطار بسرعة علشان بودي وابوه هينزلوا بدري مفأجه العيش رغيفين اتنين بس هما اللي فاضلين لو اتكلمت هيقولي الفتة اخدت العيش كله طب والعمل عندي فالفريزر كرواسان و قرص بعجوة هي عينات بس تنفع وبقصمات و بواقي كيكة كله اكل واتبسط
هروح اعمل موضوع الفتة بشكلها الجديد و ابقى ارجع لكم
سلامز