جنونة العالم:

هلا حبيبتي ن وش أخبارك طيبة أن شاء الله ؟؟؟ وين الغيبات؟؟ أنا و الحمدلله بخير و الحمل ماشي ربنا و لك الحمد أنا الحين أخذت 3 أيام من الثامن على كلام الدكتورة ، و ربي يسهل ولادتي راح تكون في شوال بأذن الله الله يتمم علي و على كل حامل ، ماشاء الله عندك بنوتين الله يحفظهم و يصلحهم لك و يهدي عيالي و يصلحهم و كل اللي معذبين أهلهم ، وش نسوي ياأوخيتي جبنا العيال فلازم نتحمل الحمدلله و الشكر له غيرنا يتمناهم ،،

بالنسبة لنوف كأنها ولدي مشاري بس يفتح فمه هذا قبل ، كان اذا بغى حاجة يجلس يبكي و يصارخ و كل حاجة يقلبها ، بس صدقيني لما صرت أطنشه و ما أعطيه بالى لا أنا ولا أبوه بطل العادة هاذي ووقت ثاني لما يكون هادي اقول له حط في بالك مهم بكيت أو صارخت ما راح تحصل اللي تعب صوتك و حلقك لانه أنا ما أحب أحد يبكي أو يصارخ قدامي بالعكس راح أزيد عليك ، انتي بس طنشيها و خليها تبكي الى ان تشبع و لا تكلمها أبدا و لا تحاولي تسكتيها خليها تبكي على راحتها و بالعكس أشغلي نفسك في حاجة ثانية ، صدقيني راح تبكي كم مرة ثم بتبطل...

الله يخليهم لك حاولي مثل تخففين من العصبية و النفرزة ادري ان هاذى صعب بس في البداية ، انا الحين صرت ما أرفع أو أعصب كثير مثل أول أحاول اني أكون هادية ، بس مرات خلاص ما أقدر أعصب لانه زي ما قلت عيالي مزاجيين شوف من يوم السبت مسوية لهم جدوال يوم ما شاء الله عليهم يمشون حلو و يوم لا و الله يرجعون و لما يجي الليل وقت العلامات شوفي الوعود من كل واحد ، بس انا جادة في وضع العلامات وهم بصراحة متحمسين بس ينسون و لازم أنبهم في كل مرة خاصة مع شجرة الصلاة ، يا الله ربي يهون و يعين...

أم سعود :

تسلمين يارب على الدعوات الحلوة و لك مثلها يارب ، و يا هلا فيك...

للرفع

ما شاء الله
اختى عيون سعد
انا لم اقرا الموضوع كله بس اذكر انى شاركت فيه بنصيحه ... و لما شقته و شفت ردك الأخير حسيت انك الآن مسيطره على الوضع تماما ... طبعا لى عوده مع الموضوع اشوف كيف التطورات لما افضى شوى ...
بس الحين حبيت اهنيك على تصميمك للتغير و فقك الله

ღMrsTweetyღ
تسلمين يارب ، ومشكورة على المتابعة ، بصراحة أحس أني أحسن من أول مهوب كاملة أو أقول لكم أني سيطرت على عيالي سيطرة كاملة ، لا بس أنا أحس نفسي تغيرت و صرت أقدر أمسك نفسي حتى لو تنرفزت أرجع مرة ثانية و بسرعة أمسك نفسي ، صرت أحسن بحنية كبيرة على عيالي ،و أظهر بعض من الود و المحبة لهم صحيح مو ذاك القد بس يالله شوي شوي ، حتى هم أحس أنهم يحنون علي أكثر و بنتي صايرة دايما تقول أن أحبك يا ماما ،حتى قدام عماتها و خالاتها تخاف علي كثير ما كنت أتصور هالعاطفة من ناحيتها ، و الحمدلله سلوكها فيه تطور كبير حتى لو أعصب على تترك اللي في يدها و تجي تراضيني و تقول ماما لا تزعلين...

وولدي صار يحاول يقلل من عصبيته ما أقول لكم أنه ما عاد يعصب لا أحيانا يثور خاصة على أخته ، بس صرت أركز على تصرفاته مو عليه و أقول له تصرفك هذا ما يعجبني و الا انت مافيه زيك ، و أبوه بعد ما قلت له صادقه صار يجلس معه و يتكلم و أياه صحيح أنهم أحيانا يتهاوشون و صوتهم يطلع بري الله يهديهم ، بس ولو أحس أن علاقتهم تغيرت للأحسن ، و صرت أنبه أبوهم على بعض الالفاظ اللي كان يقولها لانه دايما يركز عليهم...

الحمدلله و الشكر بس هذا لازالت البداية و اتمنى أنه ربي يكون في عونا و نتغيير كلنا للأحسن ...


و قبل ما أنسى مشكورات يا بنات على مواضييعك الحلوة اللي صرتوا تنزلوها في المنتدى عن تربية أو التعامل مع الاطفال الكبار ، أستفدت منها كثير و كلها عندي في ملف ، بطبعه أن شاء الله و أخلي أبونا بعد يقرأه....

و تسلمون يارب و لا تنسوني بدعائكم بأن تتسهل ولادتي و يهدي لي عيالي و زوجي و يسخرنا لبعضنا و يرزقنا من فضله و يفتح علينا و يسهل لنا أمورنا كلها... آمين

و لكم مثل هذه الدعوة مقدما..

مشكورة والله وانا كذا اخليها تبكي بس تستمر تبكي بنغمات حتى ماالتفت لها واسطرها بكم كف ومع النونو هذا من جد سرت اعصب كثيرومااستحمل ولا اقدر اطنش يارب بس تعيننا وتخفف من عصبيتنا
وربي ان شاء الله يسهلك الولادة وتولدي بالسلامه بس بشرينا