وهذا فعلا الي بيصير الرجال اذا وصل الاربعين وصار معاه فلوس اول شي بفكر فيه انه يتزوج يكافئ نفسه على انه صبر على الفقر والحاجه...ياختي لاتسكتين وطالبي بمستوى حياة زين خصوصا ان راتبه موضعيف
خل يعرف يدبر اموره ومصاريف زين والارض قولي فيك حكة هدايا انا وعيالي اولى امك ماعليها قاصر ومو محتاجه خل الارض نبني عليها بيت يفكنا من الاجار لو دور واحد واتوقع قرض الحكومه ال500 يبني دور وبعدين كملو الثاني على راحتكم ...زوجج واضح عنده سوء تدبير في المادة...والطلاق ماننصحج فيه الحين انتي صابره ومتحملة وبعدين اذا اغتنى تاخذه وحده ثانيه تفكيرج غلط وسلبي ..الصبر مو معناته اكل لساني وما اطلب حقي اذا صار فيه مجال اني اخذه

تظاهري بالمرض واجلسي كم يوم عند اهلك حتى لو اسبوع
واتركي العيال عند ابوهم

منها تشوفين كيف وضعك بدون عيالك وانه شي صعب وقاسي عليك وعليهم
ومنها زوجك يحس بمقدار التعب والمسؤليه اللي تمرين فيها كل يوم

انتي قررتي اصعب حل

حاولي مع زوجك اضغطي عليه اذا قال ماعندي قولي كيفك دبر عمرك حتى لو تدين
اما انك تسكتين وتفكرين في الطلاق محد بيضرر غيرك وغير العيال المساكين
اما هو بيروح يتمسكن عند امه وراح تبني له الارض وتزوجه زوجه ثانيه ويعيش حياته عادي

طيب واذا طلقتي تضمنين تكونين غنيه
بالعكس ممكن يرمي عيالك عليك ولا يعطيك مصروف لهم ويفلها ويعيش حياته ويسحب عليك وعلى بزرانك
وممكن يتزوج كمان وابوه يعطيه من املاكه وينبسط وانتي تطلعين الحرمه الجاحده
اصبري دام مشكلتكم الفلوس
ادعي الله الرازق انه يوسع لكم في رزقكم

يا أختي إسمحيلي إنتي غرييييبة !!!

موضوعك أثار إستغرابي وإستنكاري ..

أول شي تقولين زوجك طيب وكويس معك "وهذي نعمة كبيرة وصعب تلقينها بهالزمن إللي قل فيه الرجال "

وراتبه الحمدلله زين .. مو قليل ولا شي ناس كثيرين أقل من هالراتب بكثييير وماشية أمورهم ولله الحمد ..

مشكلتكم في التدبيير و الإنفاق على الأولويات ..
إجلسي معه لما يجي الراتب .. وخططوا إيش إللي بتسونه بالراتب ... وحدديي الأولويات والأهم فالمهم ..
و إذا عقلك إقتصادي ومنظم فشوري عليه بأشياء توفرون فيها ( حتى لو قليل .. قليل مع قليل يصير كثير )
وبلاش تحرصوا على شراء الماركات أو المنظرة والفشخرة الزايده .. "كل واحد يمد لحافة على قد رجليه "
و الأكل حاولوا تجيبونه بالجمله ..

مع الوقت بتلقين زوجك هو نفسه يفاجئك بحسن تدبيره المادي ..
هو بس يبغى أحد يوجهه ويرشده في البداية ..

وياأختي مافي أحلى مِن الرضى والقناعة ..
ولاتمدين عينك للي أعلى منك من الناحية المادية << كما وصانا رسولنا صلى الله عليه وسلم
عييشي حياتك على قدك وإسعدي في اللي بإيدك وماعليك من الناس ...
فيه كثيييرييين أزواجهم رواتبهم عاااالية جدا .. بسس ولايشمون ريحة الفلوس وعايشين بضيق وحاجة .. لأن أزواجهم إبتلوا بالبخل ..
فاحمدي الله على النعمة إللي أنتي فيها

واغلب ظني إنك نزلتي الموضوع ومشاعرك ملخبطة بعد ماكنتي تتأملين بالبيت بعدين زوجك أعطاه لأمه .
وأنا ما أقول إن تصرف زوجك صحيح .. لكن كذا كذا يا أختي مارح تقدري تغيري هالأمر .. فارضي وإحتسبيها لله لتأخذي أجر إهدائك لها ومساعدتك لزوجك على بره بأمه وأجر الرضى .
وتأكدي إن ربي بيعوضك خير بفضله وكرمه .

وأكثري من الإستغفااار والصدقـــــــه .. لاتحتقري أي صدقة حتى لو إطعام للطيور والقطط .
وربي يفتح لك أبواب فضله ورزقه .

الله يعيييينك