هنا سـ أمارس سحري :)
الرجيم - الدايت - الحرمان - الفقد - الالم - الجوع - الاحساس بالنقص
كلمات تغلف عقولنا بمجرد التخطيط لعمل الرجيم
ويفك هالتغليف
رجيم ابو 10 كيلو باسبوع
وتبدا المعاناة..
كل التغيرات تحتاج وقت ومجهود
حتى تغيير الملابس يبي مجهود...
فكروا بايجابيه .. وانه لو ماحضرنا زواج الاجازه هذي وحنا بجسم حلو
معنا الاجازه الجايه نكون متجهزين
نشتغل شوي شوي ... وكيلو على نص كيلو على كيلو ع الصيفيه نكون بوزن حلو
ونسمع كلمات الاطراء ..
كل مازاد الضغط كل مازاد الوزن ولاحصلتي غير التعب النفسي والجسدي اللي بعده بيحصل لك الانتقام منه..
لي عوده اكثر سحرا:26:
الاكتئاب
غالبا حنا الإناث بشكل اعم
تجينا حالات اكتئاب ماندري وش سببها اللي غالبا يكون تبدلات هرمونية
لما نكون نعاني من الوزن الزائد نرمي عليه السبب
ونقول ايه لازم ننحف
الى متى والى متى.!!؟
طيب وننحف
وتستمر الحاله الغريبه اللي تمر علينا...
وهالمره نقول ايه شكلي من كثر الحرمان بديت احس بهالضيق لازم ارفه عن نفسي بشويه اكل
ايييييييييييييه عاد وصلنا خير...اي خير إلا دمار
ونبدأ عملية الترفيه الوهميه المؤقته
وناكل وناااااااااكل ....
عاد بالله وش ناكل
وجبه من هارديز...او بيتزا أو شكولاتات ولاهيب قطعه ولاحبه او حبتين
لا ناكل بإجرام...المشكله لو فكرنا شوي ان المتعه فقط في الفم..!!
وهالنوع من المتعه ماله نهايه إلا لما ماتقدرين تبلعين الاكل لانه وصل لآآآآخر حلقك
يعني الحلق مسدود مافيه مجال ينزل
خلصنا واكلنا..
خلاص بكرا نبي نرجع لنظامنا
نصحى ع العاده ننظر الميزان...وااااااااو كيلو
وش اكلت انا............؟؟؟
لا ماهوب كيلو..لكن هالزياده الوهميه حطمتك يوم ثاني وقلتي الله ياخذ الدايت وسنينه
يعني انا اذبح نفسي اسبوع وانزل 2 كيلو وبيوم ارجعها
ماعاد انا متعبه عمري
وترجع نفس الاسطوانه القديمه....
التغيير من الخارج لابد انه يكتمل بتغيير من الداخل.........!!!