قررت يابنااات قرار لا رجعتن بوه

يالله حي بنات حواااء العزيزات الكريمات

وشلونكم وشحالكم


المراد مانطولهاا

وهي طويله بروحهاا.؟؟.


قررت يابنات

اصرق البنك واعتاش <<<<< غلطانه الاخت اقول فارقي بس

المهم

لا اسمعن سالفت وش قررت انا ..؟.


المهم

امس وانا جالستن بالحوش فارشتن لي صماط ومعي صحن اطبل عليه وجدتي من حولي
تغني وتقصد والعيال بزورتناا يرقصون ..؟.

وجدتي تهلي لنا من هالقصيد ..؟..

ياليتني من بنات اليوم........ وعندي سايق وهنديه ....
ولساعه وحده وانا ماقوم... وغداي كيكه وبيبسيه....

انا .. جده شخباري الساعه وحده نقوم هلحين نقوم على اذان المغرب ...
جدتي .. تهبين انتي صادقه
انا .. هالله هالله ..

مادريت ولا جدتي تقلب القصيده ..؟. وانا اطبل ..؟.

طبعا من تأليف جدتي ..؟.
ياعيني تكفين شوفيهم .. جلستهم فوق الزوليه ..
غناء وقصيد ماتمليهم......ويالا لالولاله ياللاليه..

انا ضحكت وقلت لازم ارد على جدتي ..؟.
كان اقول .؟..

ياجده ليتني بس انا عندهم .. بنات كوول مايعرفن اللوميه...
ماعندهم سالفه ولا شين مهم ... ولا يعرفن الطبخ موليه ...

ولا جدتي تبطها ضحكه وترد علي ..؟.
تقول ..؟.

ياشقحه عندي لتس شين اهم ... من البنات وطبخ اللوميه ..؟.
روحي هاتي مركاي يمال الهم .. ظهرني وجعني ولا تقولين شعليه..؟

وانا اللي ابطهاا ضحكه ..؟.

جده عندس رجول روحي فيهم ... هاتي اللي تبين يمال العافيه..؟.
مغيرانتي بالدعاوي ايازينهم ... مايعجبك لو احط عيوني بين اديه..؟.

جدتي ... مال بط هالعوينات ..؟
انا .. تهبين هبوتن عند ربي خبرهاا ..
جدتي .. اقول روحي جيبي مركاي ..
انا .. جداه ابي خمس ريال اجره توصيل تكسي..
جدتي.. شقيح قومي لا بالنعل ..
انا .. خلاص ريال اشتري بطاط ليز فلفل ..
جدتي .. النعل ياناس النعل

وقامت تقصد ..؟.

واحلالاه على من يجيب لي نعال .. برمخ ظهر شقيح ترميخ..
ترميختن يطرب لها القلب والبال..ومن قوها بطيرها للمريخ..

وراحت شمه حسبي عليها تركض بالنعال ..؟.

ورمختني جدتي بس مردوده مردوه .؟.؟


وعقبهاا قلت لجدتي ..؟


جدااا ه ..
هي ... الخلا بس
انا ...جده .. اسمعي كلامن يوصلك جداا ابشري بلي يرجع لتس شبابك
هي .. وش تلبسيني شنقوط ..
انا .. خير انشالله لا بس بنفتح لنا فرقة طقاقات ..؟.
هي .. هههههههههههههههههههههههه تخسين معاد الا انا بنت مناحي تغني بالعروس
انا .. جدااه والله لنربح ذهب..
هي.. انتي صادقه ..
انا .. جده نبداها بالاول مع اهلنا وان جازت لتس نروح لعروس.. وش رايتس اليوم نبداها بحفلة نوره
هي .. هااه يالله ..؟.

وانا اللي اطير لكم على نوره واتصل عليهاا ..؟.

نوره .. هااه شقحه شعندك مشغوله قاعدين نلزق زينة الحفله ..
انا . ماني مطوله عليك جايبه لك طاقاقات على 200 ريال رخاص ..
نوره .. هااه منو
انا .. شقحه وشقحه ..
نوره .. خير جدتي وانتي
انا .. هالله هالله ..
نوره .. الله يقطع بليسك
انا .. لاتكسرين بخاطر جدتي
نوره .. هههههههههههههههههههههههههههه مو مشكله..


واروح اطير لجدتي طياره ..؟.؟.
واعلمهاا بالخبر ..؟.

هي .. اقول شقيح وش اللبس ..؟.
انا .. بنطقم طقم احمر وبراقع زري وشيله لمعه وش رايتس ...؟..؟.
هي .. هااه ماعليه ..؟.

ونروح نلبس انا وجدتي واكتب بورقه كبيره (((( ستقام الحفله على شرف الطقاقه شقحه وبنت ولدها شقحه)))

وراسمه مبرقعات تحت ..؟.

ولزقت العلان على مدخل بيت نوره ..؟.

وبدت الحفله توزيع كيك وضحك وماسابقات واهبال ةعرض ازياء تمووت ضحك ..؟.

طبعاا انا جالسه جنب جدتي اخاف تخورها بنت الحلال وتروح تتقاعد مع احدن ثاني ..؟.؟.

وبعد الاهبال حان موعد الرقص والتخبل ..؟.؟.
طبعا اهلي كلهم متجمعين اخواني وخواتي ومرت ابوي وامي وابوي وحريم اخواني يعني كلهم
جمعه عايليه ..؟.؟

ونقعد انا وجدتي .؟

وامسك لكم الصحن اللي اظهر موهبتي انا وجدتي ..؟. وحاطه جنبي شمعه <<<< شكو مدري

المهم

ونبدا قصيد انا وجدتي ...

قصايد ماخلصت مره نمدح بعض ومره نسب بعض ومره تهجيني واهجيها ومره تتذكر الاولين
ومره اذكرها بحالنا هلحين


قصيد واجد والله اني نسيته من كثره ..؟.


واماا الحظور طبعا كلهم مبطحين ضحك علي انا وجدتي المصووون .؟.


المهم عقب القصه


بعلمكم القرار


القرار


اني فتحت طقاقه


واللي تبا تحجز



تتصل على رقمي .. 999من السعوديه
777 من الكويت

وخارج الدول .. 555


والسلااااااااااااااااااام خير ختااااااااااام

محسوبتكم الطقاقه شقحه


وخيرا تحقق حلمي

هياااااااااااااا

هياااااااااااا