هلااا بكم

انا عندي طريقة للقرصان ماتخرش الميه
وسهلة جدا ولذيذة وهي طريقة الوالدة الحبيبة .. اولا احمس البصل في الزيت مع اللحمة وبعدين اسلقها واحط معاها فلفل أسود وملح وعصير طماط في الخلاط ولابأس قليل من الصلصة

وقبل ماتستوي اللحمة بربع ساعة اضع الخضار وفي الغالب تكون فاصولياء وجزر وكوسة
مقطعه صغار .. وبعدين اجيب قدر ثاني واضع فيه القرصان المكسر كطبقة واولى

اما الطبقة الثانية فهي الآتي ::

بصل أخضر مقطع صغار محموس بالزبدة والفلفل الأسود

وهكذا اضع طبقة او طبقتين حسب الكمية اللي عندي وبعدين اشربها مرقة اللحمة وأخليها عشر دقايق او حتى اقل واقوم اقلبها وتقدم بالهناء والشفاء

:23::23::23: لذيييييذ وكل ماكان مرق اللحمة لذيذ كانت الطبخة لذيذة

ابي اقولكم طريقة خالتي في عمل القرصان وهي قصيميه بس طعم خيالي كل من ذاقه يسألها وشي حاطه معه
اولا طريقتها بطبخ الخضار تقليديه ونفس اللي نسويها
لكن سر النكهه في الخلطه التاليه : بصله كبيره تفرم ناعمه وتوضع في قدر يضاف لها 3 ملعقه سمنة فارم
وتقلب الى ان يصفر البصل الان تضيف له شريحه من قمر الدين ( لاتستغربون نعم قمر الدين اللي في البقالات
اللي ننقعه بماء ونسويه عصير هذا هو ) وتستمر في التقليب الا ان يذوب وتضيف له بهارات وقليل من
( المسمنه ) وهذا نوع من البهارات يستعمل للاكلات الشعبيه ويقلب الجميع الا ان يتداخل
ثم تضيفه على القرصان بعد تشريبه بالمرق وهذا سر النكهه اللذيذه جربوه وصدقوني
الكل راح يسألك عن النكهه العجيبه

عزيزتي باقولك طريقة حلوة

نفس طريقة الاخوات بس الخضار تقلى في الزيت ونسوي حمسة البصل مع بهارات واهمها الليمون الاسود والفلفل

الاسود

ونسوي طبقة قرصان ثم خضار ثم بصل ونكرر الى النهاية وتشريبة المرق

:27:

مشكورين الله يعطيكم الف عافيه بأجرب طريقتكم وحده وحده وإن شاء الله تكون اللي ببالي

السلام عليكم......
بنات وش افضل نوع للقرصان؟؟؟؟سمعت انه هناك قرصان رطبه واخرى جافه..فايهما افضل؟؟؟؟؟
ومشكوره اختي جهينه وان شاء الله راح اجرب طريقتك ثم اخبرك بالنتيجه....
وش اسم بهاراتك الجاهزه وايضاً وش نوع قرصانك جافه ام رطبه؟؟؟؟؟؟؟
تعبتك معاي يالغاليه.:24: :24:
ولك احلى :26: