قروب الاصرار والعزيمة ( معا لنحصل على اجسام رشيقه )

اسعد الله اوقاتكم بكل خير     ياااااحلوات بداية  انا انسانه ودي انحف شوي ومليت وانا اقول ببدأ وعلى هالسالفه لين اليوم ماقدرت ابدأ فقلت نبي نعمل قروب يتكون من عدد من البنات اللي يبون ينحفون نبي نسوي رجيم او تخفيف المهم نتخلص من الكيلوات الزايدة اللي عقدتنا 😩😩شروط التسجيل.   1/ الجدية وعدم التخبيص (شرط انا اول من يخبص ياااويلي لا بس جد ابي معي اخد يشد من ازري ويقوي عزيمتي.    2/الوزن راح يكون كل عشر ايام وراح نعلن من الفائزة بهالعشر ايام وهي اللي خسرت اكثر كيلوات .    3/ كل اسبوع راح يكون فيه يوم مفتوح عشان نكسر الرجيم ومايتعود الجسم على الرجيم بعدين ماينحف عليه لازم يوم بالاسبوع نلخبط الجسم عشان يرجع يستجيب اكثر مع الرجيم بس عاد قلنا يوم مفتوح مو معناته تااااااكلين لين تقولين بس وتخربين ابو جد الرجيم لا المطلوب تزيدين شوي بكمية اكلك وتاكلين الشي اللي كنتي مشتهيته بايام الاسبوع ولاقدرتي يعني لاتخبصين واجد بالاكل وايضا الهدف من هاليوم انه يشجعم على الرجيم يعني لما يكون خاطرك بشي ممنوع ماتحسين انك محرومة منه نهائي لا قولي خلاص باكله بيومي المفتوح وبكذا تنبسطين انه عندك فرصه تاكلين ومومحرومه .   4/ لازم كل يوم راح ندخل وننزل يومياتنا واللهي بتكون كالتالي   : الرجيم المتبع / مثلا النقاط او غيره   وجبة الافطار:....... وجبة الغداء:........ وجبة العشاااء :...... سناك 1:....سناك 2:..... المقصود بالسناك هي وجبة خفيفة بين الوجبات الاساسية.      الرياضة/ ......      يجب الالتزاااااام ياااااحلوات بسررررعه الجادة فقط هي اللي تسجل معي لاني انا صراحه منيب ذاك الشخص الجاد فأبي معي بنات جادات ونشيطات نشجع ونساعد بعض. رجااااء اللي تحس انها ميب منتظمة وجادة لاتقول بكون معكم بس توهقنا عالفاضي ابي حدود خمس او ست بنااااات       انتظركم بفارغ الصبر